Aımaqtar • 05 Shilde, 2020

Almatyda 20 myń úı janýaryna chıp taǵylady

10 ret kórsetildi

​Aǵymdaǵy jyly Almaty qalasynda tegin chıpteý baǵdarlamasynyń sheńberinde 3 myńnan astam mysyq pen 17 myń ıtti qamtý josparlanyp otyr. Is-sharany "Qalalyq veterınarııalyq qyzmet" mamandary júrgizedi, - dep jazady Egemen.kz

Baǵdarlamanyń maqsaty - qaladaǵy úı janýarlarynyń sanyn belgileý, sondaı-aq olar joǵalǵan, urlanǵan nemese aýlaýǵa túsken jaǵdaıda, ıelerine janýarlaryn taýyp alýǵa kómek kórsetý.
​Sondaı-aq, qańǵybas janýarlardy birdeılendirý jáne olardyń sanynyń esebin júrgizý máselesin sheshýge baǵyttalǵan. Olardyń paıda bolýynyń negizgi sebepteri sol kúıinde qalyp otyr, ıaǵnı óz betinshe qydyrýǵa jiberý, joǵaltý jáne kóshege tastaý. Tabylǵan janýarda chıptiń bolýy ony úıge qaıtarýǵa nemese ıesin jaýapkershilikke tartýǵa múmkindik beredi.

​Osy jyly chıpteý aýlalardy, ásirese, jeke aýlalardy, olarda úı janýarlary sanynyń asa kóp jınalýyna qaraı, jeke-jeke tekserý ádisimen júrgizilip jatyr.

​Sonymen birge, qyzmetti ıttiń nemese mysyqtyń kez kelgen nıeti bar ıesi paıdalana alady. Iesiniń tek ózimen birge jeke kýáligi jáne janýarǵa berilgen tólqujaty bolýy qajet. Tólqujat bolmaǵan jaǵdaıda, ony sol orynda resimdeıdi. Janýar jáne onyń ıesi týraly barlyq aqparat "Pet Control" elektrondyq jýrnalyna engiziledi. Búgingi kúni, atalǵan baǵdarlama qalanyń barlyq veterınarııalyq emhanalarynda ornatylǵan.

Tirkeý jáne chıpteý rásiminiń ózi 10 mınýttan artyq ýaqytty almaıdy, sondaı-aq onyń janýar úshin múldem zııany jáne aýyrtpalyǵy joq. Ýkol salatyn kezde bir ret qana salatyn shprıster paıdalanylady, bul úderis kezinde ınfeksııa túsýden tolyǵymen saqtaıdy.

​Barlyq qyzyqtyrǵan máseleler boıynsha qyzmetter nemese keńester alý úshin, qala turǵyndary 378-46-62, 269-90-06 nómirleri boıynsha Qalalyq Veterınarııalyq Qyzmetke qońyraý shala alady. Tapsyrystar jumys kúnderi saǵat 10:00-den 17:00-ge deıin qabyldanady. Veterınarııalyq mamannyń kelýi tekserý júrgizý kestesine sáıkes júzege asyrylatyn bolady.

​Chıpteý janýar ıesiniń qalaýy boıynsha, óz erkimen kelisý negizinde júrgiziletinin qosymsha habarlaımyz. Qala turǵyndarynyń jumys júrgizý kezinde veterınarııalyq dárigerlerge kómek kórsetýlerin suraımyz. Is-shara qyrkúıek aıynyń sońyna deıin uzartylady.
​Úı janýarlaryn chıpteý baǵdarlamasynyń Almaty qalasynda 2017 jyly iske qosylǵanyn esterińizge salamyz. О́tken jyldar ishinde baǵdarlama sheńberinde shamamen 125 myń ıt pen mysyq tegin chıpteldi.


Chıpteý degen ne?

Chıpteý - bul janýarlardy (a/sh janýarlaryn, ıtter men mysyqtardy) elektrondyq birdeılendirý. Rásim janýardyń terisiniń astyna biregeı jeke 15 tańbaly sannan turatyn mıkrochıp salý ımplantasııasynan turady, ol janýardyń búkil ómiriniń ishinde onymen birge bolady.

Mıkrochıp - bıoúılesimdi áınekten turatyn, úlkendigi kúrishtiń dánindeı, uzyndyǵy bar bolǵany 12 mm, dıametri 2,1 mm jáne salmaǵy 0,6 g. mólsherindegi oqshaý sterıldi kapsýla. Kapsýlanyń ishinde katýshkadan jáne mıkrosyzbadan turatyn mıkrochıptiń ózi ornalasqan.

Kapsýlaǵa mıkrochıpti ornalastyrý - jeńil, tez jáne eń bastysy aýyrtpaı, jalpy narkoz qoldanbaı-aq júrgiziletin rásim, sebebi mıkrochıptiń mólsheri óte kishkentaı jáne ol teriniń astyna jeńil ótedi, alaıda, janýardy chıpteýdi kásibı - veterınarııalyq mamanǵa jasatý qajet.
Janýardy chıpteý kez kelgen jasta júrgiziledi, sebebi janýardyń jasynyń chıptiń ornalasýyna áseri joq jáne onyń aǵzasyna reaksııa bermeıdi.

Chıpteý ne úshin qajet?

Chıpteý kelesi jaǵdaılardy qamtamasyz etedi:
- bir janýardy ekinshi janýarmen aýystyrýǵa múmkindik bermeıdi;
- Qutyrý aýrýyna qarsy vaksına egilmegen jáne basqa da juqpaly aýrýy bar janýarlardy tasymaldaýǵa jol bermeıdi;
- janýary joǵalǵan, urlanǵan nemese aýlaýǵa túsken jaǵdaıda, ony taýyp alýǵa múmkindik beredi;
- bireýdiń janýaryn tapqan kezde, veterınarııalyq mamandarmen baılanysyp, ıesin jáne onyń mekenjaıyn anyqtaýǵa múmkindik beredi;
- chıpteý qandaı da bir janýardyń ıeleriniń arasyndaǵy daýdyń bultartpas dáleli bolyp tabylady.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar