Aımaqtar • 05 Shilde, 2020

Nur-Sultan polısııasy erekshe jumys tártibine kóshti

240 ret

kórsetildi

1 mın

oqý úshin

Elordalyq polısııa qyzmetkerleri 5 shildede epıdemıologııalyq jaǵdaıdy turaqtandyrý sharalary engizilýine baılanysty qyzmettiń erekshe tártibine kóshti. Tártip saqshylary qala kóshelerin patrýldeýde. Patrýldik baǵyttar barlyq ýchaskelerdi qamtıtyndaı etip jasalǵan. Polısııa turǵyn úı aýmaqtaryn, sondaı-aq halyq kóp jınalatyn jerlerdi aralaýda. Bul týraly qala ákimdiginiń resmı saıty habarlady, - dep jazady Egemen.kz

Aqmaral AǴZAMQYZY

Nur-Sultan polısııasy erekshe jumys tártibine kóshti

Sonymen qatar olar halyqqa túsindirý jumystaryn júrgizip, karantın tártibin buzýshylyqtardy anyqtaıdy.

Epıdemıologııalyq jaǵdaıdyń kúrdelene túskenin eskere otyryp, Memlekettik komıssııa 5 shildeden bastap elde 14 kúnge shekteý sharalaryn engizýdi uıǵardy. Epıdemıologııalyq jaǵdaıdyń odan ári damýyna baılanysty shekteý sharalary uzartylýy nemese kúsheıtilýi múmkin.

"Qala turǵyndary karantın erejelerin qatań saqtap, barlyq qaýipsizdik sharalaryn ustanýy kerek: maska taǵyp, áleýmettik qashyqtyq saqtap, antıseptık qoldanýy tıis. 65 jastan asqan adamdarǵa qala boıynsha qozǵalys shektelgen. О́zińizdiń jáne jaqyndaryńyzdyń densaýlyǵyna jaýapkershilikpen qarańyz", – dep atap ótti polısııa.