Aımaqtar • 05 Shilde, 2020

Astana mereıtoıyna kúı arnaǵan myń dombyrashy Gınness kitabyna endi

90 ret kórsetildi

Byltyr Amangeldi aýdanynda ótken Astana mereıtoıy men Ulttyq dombyra kúnine arnalǵan merekede myń dombyrashy halyq kúıi "Kelinshek" pen Qurmanǵazynyń "Balbyraýynyn" qosyla oryndap, búkil Batpaqqara dalasyn kúımen terbetken edi.  О́ńirge belgili ónerpaz Oljas Qyldybaev dırıjerlik etken kúıshiler myńdyǵynyń quramynda 5-synyp oqýshysynan bastap 90 jasty alqymdap qalǵan qarııalarǵa deıin bolǵan, - dep jazady Egemen.kz

"Osy is-sharany beınetaspaǵa túsirip, qujattaryn rettep halyqaralyq uıymnyń Sochıdegi keńsesine joldadyq. Rekordty tekserýshiler qujattardyń durystyǵyn qarap, qatysýshylardy muqııat sanap shyqty. Rekordqa negiz bolǵan basty nárse - 17 myń ǵana halqy bar aýdannan 1000 dombyrashy shyǵyp, bári qosylyp 2 kúıdi naqyshyna keltirip oryndaýy.  Sondyqtan olar bizdiń is-sharany halyqaralyq Gıness kitabyna engizip otyr. Bul týraly sertıfıkat taıaýda ǵana qolymyzǵa tıdi" - dedi aýdandyq ishki saıasat bóliminiń basshysy Nurlybek Tájın.

Aýyl kúıshileriniń rekordtar kitabyna engenin kýálandyratyn halyqaralyq sertıfıkatta "Eń kóp dombyrashynyń qatysýymen aýyldyq mekende oryndalǵan qazaqtyń dástúrli aspaptyq pesasy. Gınnes rekordyna 1000 oryndaýshy tirkeldi. Rekordty uıymdastyrýshy: Qostanaı oblysy, Amangeldi aýdanynyń ákimdigi" - dep jazylǵan.   

Bólim basshysynyń aıtýynsha, bıyl Elorda mereıtoıy qarsańynda aýdannyń myńnan astam dombyrashysy 5 kúı oryndaýdy josparlap qoıǵan. Alaıda shekteý sharalarynyń kúsheıýine baılanysty, bul shara keıinge qaldyrylyp otyr.


Qostanaı oblysy

Amangeldi aýdany

Amangeldi aýyly

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar