Elbasy • 06 Shilde, 2020

Týǵan elin tórtkúl dúnıe tórine shyǵardy

55 ret kórsetildi

Búginde Qazaqstan álem moıyndaǵan, óziniń dara joly bar qalyptasqan memleketke aınaldy. Muny táýelsizdik alǵannan bergi aralyqta qol jetkizgen tabystarymyzdyń jarqyn kórinisi desek bolady. Osynaý jasampaz jetistikterimizge qajyrly eńbek, tógilgen mańdaı ter arqyly keneldik. Ásirese táýelsizdigimizdi tuǵyrly etip, memleketimizdiń álemdik arenadan laıyqty ornyn alý isinde Elbasynyń eńbegi óte aýqymdy ári nátıjeli. Osy oraıda Tuńǵysh Prezıdentimizdiń senimdi serigi, Qazaqstannyń halyqaralyq qoǵamdastyqtaǵy bedelin nyǵaıtýǵa súbeli úlesin qosqan qoǵam jáne memleket qaıratkeri, egemen elimizdiń tuńǵysh Syrtqy ister mınıstri bolǵan Tóleýtaı Súleımenovpen Elbasynyń syrtqy saıasattaǵy batyl qadamdary men ólsheýsiz eńbegi jóninde áńgimelesken edik.

Sýret "Egemen Qazaqstannyń" arhıvinen alyndy

– Tóleýtaı Ysqaquly, áńgimemizdi táýelsizdiktiń alǵashqy jyldarynda elimizdiń syrtqy saıası baǵytyn aıqyn­daý, dıplomatııalyq qyzmetti qurý jáne onyń jumysyn júrgizý má­se­lelerine qatysty Elbasynyń eren eńbegi jóninen bastasaq.

– Ata-babalarymyz ǵasyrlar boıy ar­mandaǵan basty qundylyq – táýelsizdikke qol jetkizgen alǵashqy kezderde elimizdiń aldynda qasıetti de qıyn, asý bermes­teı kóringen mindetter turdy. Dana hal­qymyz el tizginin senip tapsyrǵan Qazaq­stannyń tuńǵysh Prezıdenti Nursultan Nazarbaev osy mindetterdiń bar­lyǵyn kóregendilikpen aıqyndap, qaı baǵytpen júretinimizdi, qandaı usta­nymdardy negizge alatynymyzdy naqty kórsetip berdi. Sonyń nátıjesinde bar­lyq alǵa qoıylǵan mindetter sátimen eńserilip, jańa belesterdi baǵyndyra bildik. Osy­­naý aýqymdy mindetterdiń ishinde eli­mizdiń syrtqy saıasatyn júrgizý, ony ýaqyt talabyna saı ilgeriletý, álem elderimen úzeńgi qaǵystyra teń dáre­jede qatynas ornatý, Otanymyzdy ha­lyq­­­aralyq qoǵamdastyqqa moıyndatý, tanytý maqsattary da óte mańyzdy boldy. Bulardy tez ári sapaly atqarý qajet edi. О́ıtkeni ol kezde Qazaqstandy kóptegen memleket keleshek baǵyt-baǵdary belgisiz, bolashaǵy kúmándi, jappaı qyryp-joıatyn qýatty ıadrolyq qarýy bar el dep bildi. Mundaı qasań kóz­qarastardy shuǵyl túrde joıý kerek boldy. Osyny tereń tú­singen Nursultan Nazarbaev óziniń bar múm­kindigin salyp, saýatty túrde asa qa­jetti jumystardy jedeldete qolǵa aldy.

– Sonymen Elbasynyń naqty nus­qaýymen jumys bastalyp ketti...

– Iá. Osy arada sál keıinge shegine sóılesem, keńestik kezeńde bizde Syrtqy ister mınıstrligi bolǵanymen onyń qyz­metkerleri az, ókilettigi men mindetteri shekteýli bolatyn, sondaı-aq belgilengen tujyrymdamasy da, syrt elderde dıp­lomatııalyq mekemeleri de bolǵan joq. Bul sol kezdegi respýblıkamyzdyń syrt­qy saıası qyzmetiniń, dáliregi zamanaýı dás­túriniń tym qarabaıyr bolǵanyn kór­setedi.

Alǵashqy kezde dıplomatııalyq baı­lanystarǵa qatysty sheteldik qujattar, ozyq tájirıbeler zerdelenip, az ýaqyt­tyń kóleminde salaǵa qatysty zań­na­malyq qujattar daıyndaldy. Solar­dyń eń negizgilerine toqtalaıyn. Elba­synyń Jarlyǵymen 1992 jyly 2 shil­dede «Qazaqstan Respýblıkasy Syrt­­qy ister mınıstrligi týraly», «Qa­­zaq­stan Respýblıkasy elshiligi týraly», «Qa­zaqstan Respýblıkasynyń Tótenshe jáne ókiletti ókiliniń negizgi mindetteri men quqyqtary týraly» ere­jeler be­ki­tildi. 1993 jylǵa deıin burynǵy Qa­zaq KSR-iniń zańdaryna qo­symsha to­lyq­tyrýlar men ózgerister engizip otyr­dyq.

Osy qarsańda syrtqy saıasatymyzdyń Tujyrymdamasy jasaldy. Mamandardyń jetispeýshiligin sheshýge, memleketimizdiń kásibı dıplomatııasyn qurýǵa Elbasy basa nazar aýdarǵandyqtan, túıindi má­seleler sheshimin taba bastady. Ol kezde elimizde dıplomattar daıarlaıtyn birde-bir oqý orny joq edi. Tuńǵysh Pre­zıdentimiz KSRO Syrtqy ister mı­nıs­trliginde, onyń shetelderdegi ókil­dikterinde qyzmet etken óz azamat­tary­myzdy, sondaı-aq burynǵy Qazaq KSR Syrtqy ister mınıstrligi qyz­met­kerlerin ortaq iske jumyldyrý jó­ninde uıǵarymǵa keldi arnaıy she­shim qabyldady. Tipti partııa-keńes qyz­metinde bolǵan tájirıbeli otandastarymyzdy da osy salaǵa tartý qajettigi aıtyldy. Memleket basshysynyń osy sheshimderi nátıjesinde tájirıbeli dıp­lomattar óz eline qyzmet etýge múm­kin­dik aldy. Mı­nıstrlikke mamandar qabyldaý úshin Syrtqy ister mınıstriniń birinshi orynbasary Sálim Qurmanǵojın jetekshilik etken qabyldaý komıssııasy jasaqtaldy. Osy komıssııanyń mamandardy irikteýi nátıjesinde júzdegen adam jumysqa alyndy. Olardy Pákistan, Úndistan, Qytaı, Iran jáne Eýropa elderiniń Syrtqy ister mınıstrlerimen kelissóz júrgizip, sol elderge úsh aıǵa oqýǵa ji­berdik. Olar oqyp kelgennen keıin syrt­qy saıasattyń qyzmeti óristeı tústi. Mı­nıstrliktiń departamentteri qurylyp, negizgi qurylym jasaqtaldy. Aıta keteıin, táýelsizdiktiń alǵashqy eki jylynda syrt elderde 17 elshilik ashyldy. Olarǵa mamandardyń azdy­ǵynan tájirıbeli tulǵalar, memleket, qoǵam qaıratkerleri, ǵalymdar ji­berildi. Osylaısha siresken seń – al­ǵashqy mindetter eńserilip, syrtqy saıa­sattaǵy jolymyz ashyldy, otandyq dıp­lomatııalyq qyzmet óz arnasyn tap­ty. Mine, osynyń bar­lyǵy tuńǵysh Pre­zıdenttiń tikeleı baqylaýymen, qol­daýymen, aralasýy­men júzege asyryldy. Sondyqtan men Elbasyn Qazaqstannyń Bas dıplomaty dep sanaımyn.

– Elimizdiń BUU syndy bedeldi halyq­aralyq uıymdarǵa múshelikke ótýi tarıhymyzǵa altyn árippen ja­zyl­ǵan iri oqıǵalar ekeni sózsiz. Qazaq­stannyń atalǵan uıymǵa qabyl­danar aldynda daıyndyq qalaı júrdi?

– Eń aldymen BUU men Eýropadaǵy qaýipsizdik jáne yntymaqtastyq uıy­myna (EQYU) kirý qajet boldy. So­dan 1991 jyldyń jeltoqsan aıy­nyń ekinshi jartysynda Nursultan Nazarbaev BUU-nyń Bas hatshysyna hat jazdy. Jeltoqsannyń aıaǵynda Qa­zaqstannyń BUU-ǵa múshe bolyp qabyldanýy týraly Elbasymyz qol qoıǵan ótinish Bas hatshyǵa tabystaldy. Al 1992 jyldyń 23 qańtarynda BUU-nyń Qaýipsizdik Keńesi óz otyrysynda Bas Assambleıaǵa Qazaqstandy BUU-nyń músheligine qabyldaýdy usynyp, nátıjesinde, 1992 jyldyń 2 naýryzynda BUU Bas Assambleıasynyń 46-sessııasy Qazaqstandy Uıymǵa múshelikke qabyldady. Sóıtip uıymǵa múshe mem­leketterdiń týlary tigilgen alańda Baıraǵymyz jelbiredi.

Elimizdiń halyqaralyq aýqymdaǵy basta­malary men aımaqtyq jáne jahan­dyq qaýipsizdikke qater tóndirgen túrli kıkiljińderdi retteýdegi qyzmeti adamzat­tyń kóz aldynda. Olardyń barlyǵy Qazaq­stannyń syrtqy saıasattaǵy jemisti qadamdaryn aıqyn sıpattaıdy. Sondaı-aq bul baǵyttaǵy tabystarymyz elimizdiń órkenıet tórindegi ornyn belgilep, asa bedeldi halyqaralyq uıymdardyń jumy­syna belsene qatysýǵa jol ashty.

Keıin Qazaqstannyń halyqaralyq ja­sampaz bastamalary BUU Qaýipsizdik Keńesiniń 2017-2018 jyldardaǵy tu­raqty emes múshesi bolýyna jol ashty. Elbasy Qaýipsizdik Keńesine arnaǵan saıası Úndeýi jarııalanyp, onda álemdik qaýipsizdikke qatysty elimizdiń jeti basymdyǵy atap kórsetildi. Bul arada bizdiń elimizdiń Qa­ýips­izdik Keńesiniń músheligine Ortalyq Azııa elderiniń ishinde birinshi bolyp saılanǵanyn, Keńeske 2018 jylǵy qańtar aıynda tóraǵalyq etkenin erekshe atap ótýimiz kerek. Munyń barlyǵy Elbasynyń qajyrly eńbeginiń, joǵary bedeliniń, qazaq dılomatııasynyń júıeli, saýatty is-qımylynyń arqasynda múmkin bolǵanyn umytpaýymyz kerek.

Elimizdiń turaqtylyǵy men ornyqty damýy da halyqaralyq qoǵamdastyqtaǵy bedelimizdiń sharyqtap ósýine kóp áserin tı­gizgenin atap ótken jón. О́ıtkeni eldegi turaq­tylyq, saýatty júrgizilgen syrtqy saıasat elimiz­diń ekonomıkalyq damýyna, syrt elderden kompanııalardyń, qarjysy mol ınves­torlardyń kóptep kelýine keńinen jol ashty.

Elbasynyń eli úshin halyqaralyq aýqym­da asqan jaýapkershilikpen júzege asyrǵan mańyzdy isi – barlyq kórshiles memlekettermen shekarany naqtylap, zań­dastyrýy. Kezinde álem boıynsha aýma­ǵy jóninen toǵyzynshy oryn alatyn elimizdiń kórshi eldermen shekaralarynyń naqtylanbaǵan tustary halyqaralyq qoǵam­dastyqty birshama alańdatqan-dy. Bul zańdy túrde belgilenbegen she­karalardy aldaǵy ýaqytta bitispes janjaldyń kózi bolady dep sáýegeılik jasaǵandar da kezdes­ken. Qýanyshymyzǵa qaraı barlyq kór­shilerimizben shekaramyzdy rettep aldyq. Bul da Elbasynyń eren eńbeginiń jemisi.

– Sheteldik áriptesterimen kez­desý­lerinde, halyqaralyq bedeldi jıyn­darǵa qatysý barysynda El­basynyń qandaı qa­sıetterin baıqadyńyz?

– Elbasy táýelsizdiktiń alǵashqy jyldarynda el múddesin arqalap, halqynyń jaǵdaıyn kóterý maqsatynda shetelderge saparlaı bastady. Umytpasam, tá­ýel­sizdiktiń alǵashqy eki jylynda tuń­ǵysh Prezıdentimiz 19 elge resmı saparmen barsa, 11 halyqaralyq basqosýǵa qa­tysty. Osyndaı joǵary deńgeıli kezdesý­lerde Elbasy ózin baısaldy ustaýymen, sheshendigimen, qaralyp jatqan kez kelgen máseleni tereń biletinimen, jan-jaq­tylyǵymen erekshelenetin. Ár sózinen halqyn shyn súıetini, el úshin nege bolsa da baratyny aıqyn sezilip turatyn. Nursultan Ábishuly qandaı sheshim qa­byldasa da, qandaı saıası qadam jasasa da birinshi kezekte halqynyń pikirimen, tilegimen sanaspaı áreket etken emes. Kezdesýler ótetin aýdıtorııalarǵa óz úıine engendeı kirip, suhbattasýshylaryn baýrap alatyn. Talaılardy mysy basyp ketetin. Kimmen sóılesse de burynnan tanys adamymen áńgimelesip otyrǵandaı áserde qaldyratyn. Talaı prezıdent Elbasynyń jeke adamı qasıetin joǵary baǵalady. Kóptegen memleket basshy­lary Nursultan Ábishulymen bir sóı­leskennen-aq ony dos sanap, syılap, ba­rynsha qurmetin kórsetip qalýǵa tyrysyp jatatyn. Aradaǵy az-kem áńgime joldastyqqa jalǵasyp júre beretin. Qazaqstannyń tuńǵysh Prezıdentiniń bar­lyq sheteldik áriptesimen jeke dos­tyq qarym-qatynasy elimizdiń damýyna, álemdik arenadaǵy bedeliniń ósýine az yqpalyn tıgizgen joq.

Reti kelgende aıta keteıin, Elbasy týraly júrek jardy lebizderin bildirgen iri tulǵalar, memleketter basshylary óte kóp. Olardyń osylaısha óz yqy­lastaryn bildirýi – Elbasynyń adamı jeke qasıetteri men kóshbasshylyq qarymyn ádil baǵalaýy ári aradaǵy dostyq qatynastarynyń belgisi dep túsinemin. Máselen, Ulybrıtanııanyń 71-shi premer-mınıstri, zamanynyń iri tulǵasy bolǵan Margaret Tetcher kezinde: «Qazir jahandyq saıasatta 5-6 iri jáne yqpaldy saıasatker bar. So­lardyń biri – Nursultan Nazarbaev. Men oǵan senemin jáne onyń barlyq basta­mala­ryn qoldaımyn», degen sózin álem biledi. BUU-nyń 1997-2006 jyldar aralyǵynda Bas hatshysy bolǵan Kofı Annannyń: «Qazaqstan – ózge de TMD elderimen salystyrǵanda erekshe memleket. Onda turaqtylyq, beıbitshilik jáne ekonomıkalyq ósim bar. 1991 jyly Prezıdent Nazarbaevtyń bastamasymen, Qazaqstan óz erkimen ıadrolyq qarýdan bas tartqanda, biz Nazar­baevtyń osy bir bastamasyna qaı­ran qalǵan bolatynbyz. О́ıtkeni BUU álem elderin ıadrolyq qarýdan bas tartýǵa úndep kele jatqanyna 60 jyldan asty. Biraq nátıje joq edi. Munyń bári Prezıdent Nazarbaevtyń eńbegi», degen bolatyn. Al Sıngapýrdyń birinshi premer-mınıstri Lı Kýan Iý bizdiń Elbasymyzǵa arnap aıtqan: «Prezıdent Nazarbaev — keńestik saıasattaǵy jaryq juldyz, túrli respýblıkalar arasyndaǵy iri tulǵa. Qazaqstan lıderi – belgili deńgeıde qatal, tájirıbeli, jedel sheshim qabyldaı alatyn adam. Odaqtyń basqa respýblıkalarynyń ózi moıyndaǵan jyly shyraıly, talantty jáne tabandy basshy. Nazarbaev respýblıkany basqaryp turǵanda, Qazaqstannyń tabystarǵa jetý múmkindigi anaǵurlym mol bolady», degen sózin qalaı osy jerde keltirmeıin. Mundaı mysaldar óte kóp.

Táýelsizdiktiń alǵashqy jyldarynda Nursultan Ábishulynyń janynda júrip talaı jıynǵa qatystym. Sol kezderde Elbasymen kezdesken, kelissózder júrgizgen nemese bıik minbelerden sóı­legen sózin tyńdaǵan úkimetter basshylarynan, dıplomattardan, halyqaralyq uıymdar jetekshilerinen, basqa da iri tul­ǵalardan: «Prezıdent Nazarbaev alysqa baratyn tulǵa eken, elin órge bas­taıtyn azamat eken. Nazarbaevtaı basshysy bar Qazaqstan netken baqytty!» degen mazmundaǵy jyly sózderdi talaı estidim. Elińniń basshysy týraly adaldyqpen, shyn peıilmen aıtylǵan osyndaı sózderdi estigende erekshe kúıge bólenip, aınalaǵa maqtanysh sezimmen qaraǵan sátterim búgingi kúndeı esimde. Iá, olar qatelesken joq. Shyn máninde Nursultan Nazarbaev elin órge súıredi, ózin de, Otanyn da álemge tanytty, halqynyń baǵy boldy.

– Elbasynyń jahandyq bastamalary, birneshe halyqaralyq jáne aı­maqtyq uıymdardy qurýǵa uıytqy bolýy, álemdik deńgeıdegi sammıtterdi uıym­dastyrýy, janjaldasqan tarap­tar­dy bitimge shaqyryp, tatýlas­tyr­ǵa­ny jóninde de aıtpaı ketýge bolmas...

– Elbasynyń álemdik bastamalary óte kóp. Onyń barlyǵyn bir suhbattyń sheńberinde aıtyp taýysý qıyn. Desek te olardyń birqataryn sóz eteıin. Bul taqyrypta sóz qozǵalǵanda birinshi kezekte Elbasynyń óz Jarlyǵymen Semeı polıgonyn japqanyn aıtar edim. Bul batyl qadam álem aldynda Qazaqstannyń bıik ambısııa­syn jáne Nazarbaevtyń alysty kóre biletin erekshe qabiletin kórsetti. Sodan keıin onyń jigerli saıasatynyń arqasynda 1991 jyly áleýeti boıynsha jahanda tórtinshi orynda turǵan ıadrolyq qarýdan óz erkimizben bas tartýymyz buryn tarıhta bolmaǵan batyl qadam boldy. Nursultan Ábishuly munyń barlyǵyn aqylmen sheshti. Iаdrolyq klýbqa múshe alpaýyttardyń elimizge eshqandaı qaýip tóndirmeıtini jónindegi ýádesin alyp, ony halyqaralyq qujatpen bekittirip aldy. Qazaqstannyń bul qadamy AQSh, Reseı, Qytaı, Ulybrıtanııa jáne Fransııa syndy elderdiń ıadrolyq synaq­tarǵa moratorıı jarııalaýyna túrtki boldy.

29 tamyz BUU tarapynan Iаdrolyq sy­naqtarǵa qarsy is-qımyldyń halyqaralyq kúni dep jarııalanýy Qazaqstannyń ıadro­lyq qarýsyzdaný jáne ıadrolyq qarýdy taratpaý máselesindegi róliniń moıyndalýy dep bilemiz. Elbasynyń «Álem. XXI ǵasyr» manıfesinde ıadrolyq qarýmen qatar qyryp-joıatyn qarýdyń basqa da túrlerine, onyń ishinde BUU-da jappaı qyryp-joıatyn qarýdy jasaý jáne ony jetildirýge arnalǵan ǵylymı jańalyqtardy esepke alý reestri arqyly tyıym salýdy usynǵany da álem nazaryn aýdardy. Qazirgi tańda halyqaralyq qoǵamdastyq Qazaqstandy ıadrolyq qarýdy taratpaý isiniń jahandyq kósh­basshysy dep moıyndaıdy. AQSh-tyń 44-shi prezıdenti Barak Obamanyń kezinde: «Nazarbaev ıadrolyq qarýlardy taratpaý máselelerinde álemdegi úlgili kóshbasshylardyń biri bolyp tabylady. Qazaqstan ıadrolyq qarýdan bas tartyp, qaýipsizdik pen ekonomıkalyq órkendeýge qol jetkizýde úlgi bola alady. Bul qadam Qazaqstandy óńirdegi turaqty elderdiń birine aınaldyrýǵa múmkindik berdi» degen sózi teginnen-tegin aıtylmasa kerek. Sondaı-aq  Elbasynyń álemdi 2045 jylǵa qaraı, ıaǵnı BUU-nyń 100-jyldyq mereıtoıyna oraı ıadrolyq qarýsyz álem qurýǵa shaqyrýy, «bir+bir» formýlasy bo­ıyn­sha BUU-nyń bitim­gershilik kúsh-jigeriniń qoryn qurýdy usyn­dy. Munda árbir memleket oǵan óziniń qorǵanys bıýdjetinen bir paıyz bólip, jyl saıyn ony bir paıyzǵa ulǵaıtyp otyrýy kózdeledi.

Elbasynyń bastamasymen birqatar halyqaralyq jáne aımaqtyq uıymdar quryldy. Máselen, 1992 jyly Nursultan Nazarbaev BUU Bas Assambleıasynyń 47-shi sessııasynda Azııadaǵy ózara yq­­paldastyq jáne senim sharalary jó­­nindegi keńes shaqyrý bastamasyn usyndy. Ol BUU-ǵa múshe kóptegen mem­leketter tarapynan qol­daý tapty. Osy­laısha bizdiń elimiz Ortalyq Azııa aımaǵyndaǵy qaýipsizdikti ny­ǵaıtýǵa úles qosty. Bul Keńes qazir EQYU-nyń azııalyq úlgisine aınalyp keledi.

Sondaı-aq Elbasy bastamasymen ShYU, Túrki Keńesi, EAEO syndy bú­ginde úlken bedelge ıe uıymdar qu­­­ryldy. Máselen, ShYU-nyń órisi keńeıip, keıingi jyldary múshelikke Úndis­­tan men Pákistannyń enýi atalǵan bastamanyń ómirsheńdigin anyq ańǵartty. Sol sııaqty, Qazaqstannyń EQYU, IYU sekildi álemdik yqpaldy uıymdarǵa tóraǵalyq etýi, olardyń sammıtteriniń elordada ótýi dúıim dúnıeniń Qazaqstanǵa degen senimin kórsetti ári elimizdiń ke­lisim alańyna aınalǵanyn aıqyndady.

Taǵy bir erekshe atap óter jaıt, elordamyzda EKSPO-2017 halyqaralyq kór­mesiniń uıymdastyrylýy. Álem nazaryn bir jylǵa jýyq ózine aýdarǵan bul aıtýly jıyn el mártebesin kóterip, Qazaq­stanymyzdy kúlli álemge jańa qyrynan tanyta tústi.

Táýelsizdiktiń alǵashqy jyldarynan bas­tap Qazaqstan jahandyq qaýipsizdikke qater tóndiretin kıkiljińderdi retteý­ge kúsh salyp keledi. Máselen, AQSh-tyń 44-shi prezıdenti Barak Obamanyń 2014 jyly Qazaqstan basshysyna birneshe ret telefon soǵyp, AQSh-Reseı qarym-qatynasynyń rettelýine yqpal etýin ótingenin, Ýkraınanyń oń­tústik-shyǵysyndaǵy jaǵdaıǵa baılanysty san márte habarlasyp, Nursultan Ábishulyna ondaǵy túıtkilderdi retteýge úles qo­sýyn suraǵanyn bilemiz. Elbasynyń re­seılik bombalaýshy ushaqtyń atyp túsi­rilýine qatysty oryn alǵan Túrkııa-Reseı janjalynyń ýshyqpaı basylýyna sińirgen eńbegi de talaıdyń esinde bolar. Sırııa daǵdarysyna qatysty kelissózderdi júrgizýge elordamyzdyń tań­dalýyn da qatysýshy taraptardyń Qazaqstan Prezı­dentiniń bitimgerlik qyzmetine arqa súıegeni dep uǵýǵa bolady. Beıtarap qazaq jerinde ótken «Astana prosesi» Sırııa daǵdarysyn je­ńildetýge az septigin tıgizgen joq.

– Elordamyzdyń eldigimizdi eń­selen­dirýdegi róli jóninde ne aıtasyz?

– Elbasymyzdyń astanany Arqa tósine kóshirý jónindegi ıdeıasyn alǵash estigenderdiń ári ony qoldaǵandardyń biri bolǵanymdy maqtan etemin. Qandaı isti bolsyn izgi nıetpen bastasań onyń sońy jaqsylyqqa ulasady. Desek te, isti ystyq yqylaspen bastaý bar da, ony ári qaraı baıandy etip júrgizý bar. Nursultan Ábishuly astanany Arqaǵa ornyqtyrýda barlyǵyn eseppen júrgizdi. Aqyrynda barlyq qıyndyqty jeńip shyqty. Bul jeńisti – qazaq halqynyń jeńisi dep bilemin. Astanany aýystyrýdaǵy múdde ulttyq múddemen, el qaýipsizdigimen, el bolashaǵymen sátti úılesip jatqanyn kezinde qarsy bolǵandar endi-endi túsinip jatyr dep oılaımyn.

Búginde elordamyz Nur-Sultan dep atalady. Jańa astanamyzdyń avtory, negizin qalaýshy – Nursultan Nazarbaev. Olaı bolsa, bas qalamyzdyń Nur-Sultan atalýy ábden oryndy. Qazirgi tańda Nur-Sultan álemdik deńgeıdegi saıası-ekonomıkalyq, mádenı-rýhanı ortalyqqa aınaldy. Ásem qalamyz órkenıetterdiń únqatysý alańy, kelisim men tatýlyqtyń uıytqysy bolyp otyr. Qazaq balasyna keregi de osy emes pe!

 

Áńgimelesken

Ǵabıt ISKENDERULY,

«Egemen Qazaqstan»

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar