Elbasy • 06 Shilde, 2020

El birliginiń kepili

66 ret kórsetildi

Elimizdiń jańa tarıhynda altyn árippen jazylatyn úsh uǵym: táýelsiz Qazaqstannyń Konstıtýsııasy, Qazaqstan halqy Assambleıasy jáne jańa astana – Nur-Sultan qalasy bir-birimen únemi tyǵyz tarıhı baılanysta bolyp qala beredi. Olardyń birtutas tarıhı baılanysyn Qazaqstan Respýblıkasynyń Tuńǵysh Prezıdenti – Elbasy, Qazaqstan halqy Assambleıasynyń Tóraǵasy Nursultan Ábishuly Nazarbaevtyń qyzmeti men jetistikteri biriktiredi. Osynyń barlyǵy Elbasynyń strategııalyq jobalary – halyq pen eldiń ómirin túbegeıli ózgertken, táýelsiz Qazaqstannyń qurylý tarıhynyń kezeńderi.

Janseıit TÚIMEBAEV,

Qazaqstan halqy Assambleıasy

Tóraǵasynyń orynbasary

 

El azamattarynyń qazirgi býynyna táýelsizdiktiń 30 jyly ishinde Qazaq­stannyń ekonomıkalyq, áleýmet­tik-saıası jáne rýhanı salasyn qaıta qurý prosesiniń kýágerleri men belsendi qatysýshylary bolý baqyty buıyrdy. Bul prosestiń basynda naǵyz Kóshbasshy – Elbasy N.Á.Nazarbaev turdy.

Nursultan Nazarbaev óziniń «Táýel­sizdik dáýiri» kitabynda: «Men pragmatık jáne istiń adamy retinde qazaq­standyq qoǵamnyń senimdi jáne uzaq merzimdi birigýi úshin ıdeıalar men qun­dylyqtardyń asa mańyzdy ekenin árdaıym jadymda ustaımyn. Bul ıdeıalar men qundylyqtardy qoldan jasap qurastyrýǵa bolmaıdy – árbir azamat ony ózi tabýy kerek, oǵan óziniń ómirlik tájirıbesiniń nátıjesinde kelýi kerek», dep atap kórsetti.

Búgingi tańda, elimizde jáne búkil álem­de jańa jahandyq ózgerister oryn alyp jatqan kezde, bizge Elbasynyń tájirıbesi, onyń murasyn shyǵarmashylyq turǵydan uǵyný jáne Qazaqstan damýynyń jańa tásilderi men paradıgmalaryn qurý aýa­daı qajet. Elbasy saıasatynyń basty ustanymdarynyń biri – kez kelgen reformalar men damýdyń sáttiligi qoǵamdaǵy birlik pen kelisimge tyǵyz baılanysty bolýynda. Tarıhqa kóz júgirtsek, eń damyǵan elderdiń ózinde etnosaralyq jáne konfessııaaralyq janjaldar damýǵa, progreske jáne reformalar júrgizýge kedergi keltirip qana qoımaı, eldiń aýmaqtyq egemendigi men memlekettiligin saqtaýyna da qaýip tóndiretinin baıqaımyz. KSRO ydyraǵan kezde, mundaı ssenarıı Iýgoslavııada, Irakta, Lıvııada, Aýǵanstanda túrli jaǵdaıda qaıtalandy jáne bul tizimdi jalǵastyra berýge bolady.

Bul turǵyda Elbasynyń birlik saıasatynyń táýelsizdik jyldaryndaǵy mańyzdylyǵyn Prezıdent Qasym-Jomart Toqaev naqty baǵalady: «Baıandy birligimizdiń arqasynda táýelsizdigimizdi nyǵaıtyp, halqymyzdyń jaǵdaıyn jaqsartýǵa jol ashtyq... Elimizdiń damý jolyn búkil álem moıyndap, qazaqstandyq, ıaǵnı Nazarbaev modeli dep atady».

Tarlan tarıh qazaqstandyq model­diń jetistiginiń negizgi faktory – Qazaq­stannyń Tuńǵysh Prezıdenti, Elbasy N.Á.Nazarbaevtyń saıası kóshbasshylyǵy jáne beıbitshilik pen kelisim saıasatyn iske asyrýdaǵy erik-jigeri bolǵanyn aıqyn kórsetti. Bul saıasat bizdiń etnostary­myzdyń qazaq halqynyń aınalasynda bir­tutas Qazaqstan halqyna, onyń tiline jáne mádenı-tarıhı ıntegrator róline azamattyq qaǵıdattarynda tabysty biri­gýin qamtamasyz etti.

«Áralýandyqtaǵy birlik» qaǵıdaty 100-den astam etnosty, olardyń mádenıeti men dástúrlerin qamtıdy. Eń bastysy, bizdiń elimizde oqshaýlaý strategııasyn ustanatyn etnostar joq. Barsha etnos ókilderi ózderin Qazaqstan halqynyń ajyramas bóligi dep sanaıdy. Bul jerde Memleket basshysynyń «Komsomolskaıa pravda» gazetine bergen suhbatyn keltirýge bolady, ol «qazaqstandyqtar, olardyń etnostyq shyǵý tegine qaramastan, ózderin birtutas halyq, birtutas ult dep sanaıdy»... Qazaqstanda «ulttyq azshylyq» degen uǵym joq. Al «dıaspora» sózin bizdiń etnostarǵa qoldaný – shyndyqqa túbegeıli qaıshy keledi», dep atap ótti.

Elbasynyń sarabdal saıasaty eldiń birligine qol jetkizýdi qamtamasyz etti. Elbasy, halyqtyń birligin, qoǵamdaǵy turaqtylyq pen kelisim – «qazaqstandyq memlekettiliktiń negizin qalyptastyratyn bizdiń basty ıgiligimiz», dep birneshe ret atap kórsetken bolatyn.

Biz, Qazaqstan halqy – birtutas mem­lekettilik pen aýmaqtyq egemendik aıasyn­daǵy azamattyq, mádenı jáne saıası birlik ekenin senimdi túrde aıta alamyz. Onyń negizine azamattyq qaǵıdat, jal­py­ulttyq múddeler, azamattyq áleý­mettik-ekonomıkalyq, mádenı quqyq­tar men jaýapkershiliktiń teńdigi engizil­gen. Birtutas qundylyqtar aıasynda qazaq­standyq azamattyq biregeılikti, rýhanı mádenıettiń tutastyǵyn damytý júrip jatyr. Elbasy saıasatynyń daýsyz jetistigi – qoǵamdyq kelisim men jalpyulttyq birliktiń qazaqstandyq úlgisiniń ózegi – Qazaqstan halqy Assambleıasy boldy. Elbasy basqaratyn Assambleıa qurylǵan kúninen bastap bılik pen prezıdenttik ınstıtýttyń ajyramas bóligine, ámbebap dıalog alańyna jáne azamattyq qoǵamnyń eń damyǵan ınstıtýttarynyń birine aınal­dy. Assambleıa qurý Elbasynyń biregeı saıası qoltańbasyn, onyń saıası-fılosofııalyq paradıgmasyn aıqyn kórsetedi – máseleni sheshýden qashpaı, ony búrkemelep-óshirmeı, kerisinshe, ony áleýmettik jáne saıası-quqyqtyq túrde ınstıtýttandyrý tásilin qoldaný, bul kóbinese máseleniń sátti sheshilýiniń oraıy bolyp tabylady. Árıne bul jerde Elbasy saıasatynyń taǵy bir ádisi men qaǵıdasy – «árbir daǵdarystan ósýdiń jańa múmkindikterin izdeý» ámbebap tásili jumys istedi, ony biz «Nazarbaev tásili» dep senimdi ataı alamyz.

Táýelsizdiktiń alǵashqy jyldarynda Qazaqstannyń etnostyq jáne mádenı-tildik áralýandylyǵy jáne sol kezdegi saıası ahýal, árıne kóptegen qıyndyq týdyrdy. Onyń ústine, qazaq halqynyń sany el halqynyń az ǵana bóligin quraıtyn edi. Sondyqtan biriktirýshi ınstıtýt – ıntegrasııa ınstıtýty retinde QHA-ny qurý tarıhtyń osy bir synynan súrinbeı ótýge múmkindik berdi. Memleket pen qoǵamdy damytýdyń birde-bir strategııalyq má­selesi Assambleıanyń talqylaýynsyz ótken joq. Assambleıa óziniń tarıhı mıs­sııa­syn oıdaǵydaı oryndap, qoǵamdaǵy saıa­sı jáne etnostyq turaqtylyqtyń negizin qalaýshy faktorǵa aınaldy.

Qazaqstan halqy Assambleıasynyń 25 jyldyǵy, onyń konstıtýsııalyq mártebesi bar organǵa evolıýsııasy jáne onyń jumysynyń nátıjeleri Elbasynyń tarıhı boljamyn jaqsy sıpattaıdy, ol: «Ýaqyt óte kele Assambleıanyń róli ósedi, óıtkeni ol respýblıka halqynyń azamattyq yqpaldastyǵynyń negizgi qu­ral­darynyń biri retinde áreket etedi. Biz­diń memlekettiligimizdiń jáne bala­larymyzdyń bolashaǵy osyǵan baılanys­ty», dep atap ótti.

Búginde Assambleıa qoǵamdyq kelisim men birlikti nyǵaıtý, halyqtyń birtutas saıası ultqa birigýi mindetterin iske asyrýdy qamtamasyz ete otyryp, qoǵamnyń suranystaryna jaýap beredi jáne Elbasy qoıǵan negizgi mindetterdi oryndaıdy. Onyń rólin halyqaralyq saıası ısteblıshment te jaqsy biledi jáne baǵalaıdy. Assambleıany BUU-ǵa uqsatý faktisi – osy ınstıtýttyń aıryqsha sıpatynyń kórinisi. BUU-nyń Bas hatshylary Kofı Annan men Pan Gı Mýn asa joǵary baǵa berýge beıil saıasatkerlerdiń qatarynan emes.

Assambleıa jumysyna tikeleı qatysqan halyqaralyq sarapshylar biraýyzdan, Elbasy saıasatynyń kompromıster izdeý jáne birtutas ustanymdardy nyǵaıtý arqyly barlyq ulttyq toptardyń damýyna negizdelgen biriktirýshi bastamalarynyń biregeı durys sheshim bolǵanyn moıyndaıdy. Elbasynyń saıası ınnovasııasyna berilgen «etnostyq ókildiktiń túbegeıli jańa túri», «Qazaqstan halqynyń saıası tutastyǵy», «tikeleı demokratııa» jáne «halyqtyq egemendik» quraly», «tıimdi áleýmettik lıft» degen baǵalaýlar asyra aıtqandyq emes. Elbasynyń beıbitshilik pen birlik saıasatyna berilgen joǵary baǵa – EQYU memleketteri basshylarynyń 10 jyldan keıin 2010 jyly elordada Uıymnyń sammıtin shaqyrýy jáne onyń kún tártibine toleranttylyq pen kemsitýshilikke jol bermeý týraly arnaıy máseleni qosýǵa kelisim berýi.

2019 jylǵy 2 qyrkúıekte EQYU Az ulttar isteri jónindegi joǵarǵy komıssary Lamberto Zaner QHA múshelerimen arnaıy kezdesý ótkizdi jáne Qazaqstanda etnosaralyq jáne konfessııaaralyq keli­sim salasynda júrgizilip jatqan saıasat­qa kórsetilgen halyqaralyq senimdi taǵy da rastady.

Beıbitshilik pen kelisim saıasaty «Rýhanı jańǵyrý» qoǵamdyq sanany jańǵyrtý baǵdarlamasyn iske asyrýdyń bastalýymen jańa serpin aldy. Onyń bas­ty maǵynasy – saıası jáne ekonomıkalyq jańǵyrtý prosesteriniń ózegine aınalatyn ozyq rýhanı jańǵyrýmen qatar júrýi tıis.

О́ziniń ulttyq kodyn, mádenıetin saqtaý mindeti keshendi jańǵyrtý negizinde eldiń árbir azamatynyń básekege qabilettiligin arttyrý qajettiligimen úılesedi.

Elbasynyń bul tarıhı boljamy Prezıdent Q.Toqaevtyń «Qazaq halqynyń taǵdyry tarıh tarazysynda tur» degen sımvoldyq ataýmen jazylǵan suhbatynda tolyq kólemde kórinis tapty: «Tarıhtan sabaq ala otyryp, biz tehnologııa men robottar basty ról atqaratyn jańa dáýirdegi qazaq halqynyń ıgilikti ómiri jaıynda oılanýymyz kerek. Álem túpkilikti ózgeristerdiń aldynda tur. ...Memlekettiń ózi ólermendikpen ómir súretin kezge keldik. Sondyqtan eńbek etý – ómir súrý saltyna aınalyp, basty mindet sanalýǵa tıis. Bul dáýir – aqyl-oıdyń, ǵylym men bilimniń, eńbektiń dáýiri!».

Árıne «Rýhanı jańǵyrý» baǵdarlamasy saıası azamattyq ult retinde ulttyq sana­nyń túrli polıýsterin bitistiretin, halyq­tyń ótkeni men búgininiń jáne bola­shaǵynyń kókjıegin biriktiretin jańa ult­tyq biregeıliktiń «damý baspaldaǵy» boldy. Eń mańyzdy nátıjelerdiń biri retinde Elbasynyń saıasaty, onyń saıası erik-jigeri men memlekettik kemeńgerligi qazaq halqynyń uıystyrýshy halyq, ıntegrator halyq retindegi rólin arttyrdy jáne joǵary deńgeıge kóterdi.

Elbasy «Biz qazaq halqyna, onyń mádenıeti men tiline baılanysty tarıhı ádiletti qalpyna keltirdik. Mem­leket qurýshy ult retinde qazaqtarǵa el taǵdyryna baılanysty erekshe jaýap­kershilik júkteledi» dep aıryqsha atap ótken bolatyn.

Assambleıanyń 2008 jylǵy 23 qazanda ótken XIV sessııasynda N.Nazarbaev qo­ǵamdyq kelisim men jalpyulttyq birlik­tiń qazaqstandyq úlgisiniń tarıhı bes negizgi qaǵıdatyn tujyrymdady: etnos­tyq, konfessııalyq, mádenı, til­dik áralýandylyq bizdiń baǵa jetpes baılyǵymyz bolyp tabylady; etnos­tardyń mádenıeti men tilderin damytý úshin jaǵdaı jasaý; toleranttylyq pen jaýapkershilik – ulttyń mańyzdy qundylyqtary; qazaqtardyń biriktirýshi róli; Qazaqstan halqynyń birligi.

Sol kezde Elbasy: «Qazaq halqy árqa­shan ulttyń uıytqysy bola bildi. Ol bolashaqta da bizdiń qoǵamymyzdy biriktirýshi bolyp qalýy tıis. Bul qazaq halqyna eldiń bolashaǵy úshin aıryqsha jaýapkershilik júkteıdi» dep atap ótti.

Búgin álemde 5 myńnan astam etnos pen halyq bar, biraq olardyń 200-den astamy ǵana qatań tarıhı básekelestikte óz elin qorǵap qaldy jáne memlekettiligin qurý men damytý quqyǵyna ıe boldy. Bul másele tek áskerı-saıası aspektige ǵana emes, eń aldymen halyqtyń túrli etnos­tardy, mádenıet pen tilderdi rýhanı-mádenı tartymdy qundylyqtar negizinde toptastyrý qabiletine baılanysty bolyp otyr. Bul rette, Nursultan Nazarbaevtyń ólsheýsiz eńbegi mynada – qazaq halqynyń táýelsizdigin nyǵaıtý prosesinde ol etnostyq jáne mádenı turǵyda san alýan mıllıondaǵan adamdar úshin tartymdy bolatyn kún tártibin jáne eldiń bolashaq bet-beınesin usyndy. Al qazaq halqyn mádenı-rýhanı, saıası-tarıhı arqaý ete otyryp, memleket qurýshy sýbekt jasaı aldy, onyń aınalasynda ıntegrasııanyń álemdegi eń utymdy kópetnostyq úlgisi qalyptasýda. Bul ról qazirgi kezeńde qazaq halqynyń jańa órkenıetti róline aınaldy. N.Nazarbaevtyń osyndaı tásiliniń arqasynda Qazaqstannyń kópetnostylyǵy táýekel faktorynan damýdyń strategııalyq resýrsyna aınaldy.

Basqa elderde táýelsizdiktiń qalyp­tasýy qoǵamda etnostyq qarama-qaıshy­lyqqa, ulttyq apatqa aınalsa da, Qazaq­standa barlyq etnos qazaq halqynyń baıyr­ǵy qazaq jerinde táýelsiz memleket qurýǵa degen zańdy umtylysyn qoldady. Sonymen qatar barlyq etnostardyń ókilderi osy úderiske óz úlesterin qosyp, elimizdiń táýelsizdigin nyǵaıtýda.

Qazaqstan halqynyń birligi merekesi men Alǵys aıtý kúni Elbasynyń birlik formýlasynyń tıimdiliginiń jandy sımvoldaryna aınaldy, halqymyzdyń qoǵamdyq-saıası mádenıetine kirigip, ony barlyq azamattar qabyldady. Barlyq etnostardyń bir-birine jáne XX ǵasyrdyń 30-40 jyldary taǵdyr taýqymetimen qazaq jerin panalap kelgen túrli etnostardyń ókilderine meıirbandyq kórsetip, baýyryna basqan qazaq halqyna alǵys aıtýy, bizdiń ortaq tarıhymyzdy qasterleý, ózara kómek pen qoldaýdy qurmetteý, táýelsizdik kezeńindegi birlesken jetistikterimiz úshin maqtanyshymyz ulttyq kodtyń adam­gershilik negizi men ımperatıvi bolyp tabylady.

El aýmaǵynda boı kótergen «Qazaq eline myń alǵys!» monýmentteri ákimdikterdiń bastamasy bolǵan joq, biraq qazaq jerine jáne qazaq halqyna kóptegen etnostyq top ókilderiniń shynaıy alǵysynyń, barlyq qazaqstandyqtardyń ózara qurmeti men seniminiń, dostyǵy men birliginiń nyshanyna aınaldy.

AQSh-taǵy jáne búkil álemdegi oqı­ǵalar ózgergen ahýal jaǵdaıynda sheshilmegen násildik, etnoáleýmettik máse­­leler qoǵamnyń irgeli ustanymdaryn baǵyn­dyrýǵa qabiletti narazylyq trıggeri bola alatynyn kórsetti. Qazaqstanda da qoǵam ómiriniń barlyq salalarynda qazaq halqynyń san jaǵynan ósýi sapalyq formatqa ótken kezde halyqtyń etnoáleýmettik qurylymynda tereń jáne irgeli ózgerister boldy.

Bul faktini kórsetý bir jaǵynan, osy jaǵdaılarda qazaqtardyń eldegi etnosaralyq qatynastardyń jaı-kúıi úshin jaýapkershiligi artyp kele jatqanyn, ekinshi jaǵynan, qazaq halqynyń áleýmettik ál-aýqaty etnosaralyq qatynastar jú­ıe­sindegi mańyzdy ındıkatorlardyń biri bolyp tabylatynynyń obektıvti shyndyǵyn uǵyný bolyp tabylady.

Sondyqtan búgingi tańda memlekettik qurylystyń, qoǵamdyq kelisim men jalpyulttyq birliktiń qazaqstandyq úlgisin damytýdyń jańa kezeńi bastaldy. Bul jumystyń vektoryn Prezıdent Q.Toqaev naqty aıqyndap berdi. Bul: qazaq halqynyń memleket qurýshy ult retindegi róli; etnosaralyq kelisim men dinaralyq ózara túsinistikti nyǵaıtý; «El birligi – onyń áralýandyǵynda»; elimizdegi barlyq etnostyq toptardyń tilderi men mádenıetin damytý; memlekettik qazaq tiliniń rólin kúsheıtý, ol ultaralyq qatynas tiline aınalady. Bul vektor Elbasy saıasatynyń osy máseledegi strategııalyq sabaqtastyǵyn eshbir kúmánsiz tolyǵymen qamtamasyz etedi, N.Nazarbaevtyń qazaqstandyq úlgisiniń shyǵarmashylyq damýy bolyp tabylady. Etnosaralyq máseleler boıynsha aqparattyq, zertteý, bilim berý, tárbıe jáne mádenı jumystardy jańa deńgeıge kóterý mindeti qoıyldy.

Jastar arasynda qoǵamdyq kelisim jáne jalpyulttyq birlik ıdeologııasyn ilgeriletýge barynsha nazar aýdarý qajet. Elbasynyń ustanymdaryn basshylyqqa ala otyryp, Memleket basshysynyń tapsyrmasy boıynsha jáne Prezıdent Ákimshiliginiń ıdeologııalyq blogynyń basshylyǵymen ortalyq memlekettik organdar, QHA, Qazaqstan strategııalyq zertteýler ınstıtýty etnosaralyq qatynastar salasyndaǵy memlekettik saıasatty «qaıta júkteý» boıynsha aýqymdy jumys júrgizýde. Qysqa merzimde Etnosaralyq qatynastardy damytý jónindegi jańa komıtet, Qoldanbaly etnosaıası zertteýler ınstıtýty quryldy. Ortalyqta jáne jergilikti jerlerde osy salada barlyq basqarý júıesin qaıta jańartý júrip jatyr. Tujyrymdama deńgeıinde eldegi qazirgi zamanǵy etnodemografııalyq ahýaldy, qoǵamdyq jáne áleýmettik prosesterdi kórsetetin etnosaralyq saladaǵy memlekettik saıasattyń jańa júıeli paıymdaýy ázirlenýde.

Is júzinde kúrdeli ekonomıkalyq jáne áleýmettik jaǵdaıda, Elbasy N.Á.Nazar­baev aıtqandaı, Memlekettik basqarý­dyń tutas bir salasy reformalandy.

Jalpy alǵanda, 2020 jyl da azamattyq biregeılikti, kelisim men birlikti nyǵaı­týdyń negizgi kezeńderiniń biri bolady. Uly Abaıdyń 175 jyldyǵy, Ábý Nasyr ál-Farabıdiń 1150 jyldyǵy, Altyn Ordanyń 750 jyldyǵy, Jeńistiń 75 jyldyǵy, Volonter jyly, Konstıtýsııa men Assambleıanyń 25 jyldyǵy – bizdiń jalpyulttyq toptastyrýshy tarıhı sanamyzdy, ulttyq kod pen qazaqstandyq biregeılikti, azamattyq bastaýlardy, ult­tyń dúnıetanymyn nyǵaıtyp, jań­ǵyr­týdy jalǵastyrýda. Olar azamat­tar­dyń azamattyq qatystylyǵy men basta­mashyldyǵynyń, saıası belsendiliginiń baǵytyn aıqyndaıdy.

Álemdik deńgeıdegi karantın, áleýmet­tik jáne ekonomıkalyq kataklızmder jaǵdaıynda Qazaqstan azamattary joǵary patrıotızmdi, azamattyq rýhty jáne áleý­mettik jaýapkershilikti kórsetedi. Bizdiń halqymyz «Biz birgemiz!» aksııasy aıasynda qoǵamnyń barlyq toptary ókilderiniń áleýmettik yntymaqtastyǵy, volonterlerdiń azamattyq belsendiligi, medısına qyzmetkerleri men polısııanyń janqııarlyqpen shektesetin kásibı erligi men tabandylyǵynyń jarqyn úlgilerin kórsetti. О́zin ózi oqshaýlaý jaǵdaıynda áleýmettik baılanystar men kommýnıkasııalar úzilmeıdi – olar barynsha sıfrly formatqa kóshýde. QHA, Nur Otan partııasy, qoǵamdyq birlestikter bir sátke de óz jumysyn toqtatpaıdy.

Árıne koronavırýs ınfeksııasymen kúresken Elbasy Nursultan Ábishuly azamattyq erliktiń úlgisin kórse­tti. Ka­rantın jaǵdaıynda oqshaýla­nýǵa qara­mastan, ol eldegi jaǵdaıdy jiti baqy­laýda. Bıylǵy 8 sáýirde Nursultan Nazar­baev «Birlese bilgen el bárin jeńedi» maqalasyn jarııalady, onda pandemııamen kúresýdiń azamattyq baǵdarlamasyn tujyrymdaı kele: «Birde-bir adam, elimiz­diń eshbir azamaty qamqorlyqsyz qalmaıdy. Biz – birtutas el, birligi berik jurtpyz. Men árqashan halqymmen birge bolǵanmyn, bul joly da sizdermen birgemin», dep jazdy.

Elbasy, shynaıy memleket, saıası jáne halyq kóshbasshysy retinde, bizdiń otandastarymyzdyń rýhyn jáne erik-jigerin nyǵaıtý, óz kúshine myzǵymas senim uıalatý úshin uıymshyldyqqa jáne birlikke shaqyrdy. Onyń tapsyrmasy bo­ıynsha «Birgemiz» qaıyrymdylyq qory qurylyp, turǵyndardyń osal toptaryna qoldaý kórsetildi. El Prezıdenti men Úkimet pandemııadan qorǵaý, ekonomıkany jáne azamattardyń ál-aýqatyn jan-jaqty qoldaý jónindegi aýqymdy sharalar keshenin júzege asyrdy.

Nursultan Nazarbaevtyń qazaqstandyq úlgisi tıimdiliginiń qupııasy osynda. Shy­naıy ómirde de, saıasatta da Elbasy árdaıym halyqpen birge – halyqtyń quqyqtary men múddelerin qorǵaý men iske asyrýdyń shynaıy jáne pármendi kepili boldy jáne solaı bolyp qala beredi. Osy saıasattyń nátıjesi men qorytyndysyn shyǵara otyryp, Qazaqstannyń Tuńǵysh Prezıdenti: «Ultaralyq beıbitshilik pen kelisim – bizdiń ortaq jetistigimiz jáne kóp jaǵdaıda eldegi qoǵamdyq ómir men onyń jańa tarıhynyń barysyn anyqtaıtyn uly qundylyq. Bárimiz birge – birtutas halyqpyz, bizdiń árqaısymyz – onyń bir-bir bólshegimiz!» dep aıtýǵa tolyq quqyǵy bar.

El birliginiń kepili – Elbasynyń bul sózderinen asyryp aıtý qıyn...

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar