Elbasy • 06 Shilde, 2020

Qazaqstan halqy Assambleıasynyń elorda kúnimen quttyqtaýy

31 ret kórsetildi

Qurmetti otandastar!


Sizderdi Qazaqstan halqy Assam­bleıasy mem­lekettik mereke – elor­da kúnimen shyn júrekten quttyqtaıdy! Búgingi tańda Nur-Sultan qalasy – iri halyq­aralyq is-sharalar ótetin or­talyq, qazaqstandyqtardyń birligi men bolashaqqa seniminiń myzǵymas tuǵyry, ulttyq maqtanyshymyz.

Jańa astana qasterli Táýelsizdiktiń jáne Qazaqstan halqynyń jasampaz energııasynyń sımvolyna aınaldy. Serpindi damýdyń sapalyq kórsetkishteri aýqymdy qurylys kólemimen, halyqtyń ósý qarqynymen, iri áleýmettik-ekonomıkalyq jáne mádenı-bilim berý klasterine aı­nalýy­men rastalady.

Nur-Sultan qalasynyń dara damýy qazaqstandyqtardyń oı-órisi men ómiriniń jańa belesin qalyp­tastyrýǵa múmkindik berdi. Jas qa­lada jastardyń ózin ózi jetildirýi, kóshbasshylardyń jańa býynyn tár­bıeleý, azamattardyń rýhanı jań­ǵyrýy úshin barlyq jaǵdaı jasalǵan.

Elordanyń ataýy aıshyqty bas­tama­lardyń avtory jáne shabyttandyrýshysy – Tuńǵysh Prezıdent, Elbasy Nursultan Ábishuly Nazarbaev­tyń esimimen atalatyny ta­rıhı turǵydan oryndy.

Elbasy qurylystyń barysyn ózi jiti qadaǵalady, elordanyń kórikti jerleriniń bastamashysy bolyp, erekshe sáýlet stılin engizdi, jas qalanyń árbir kóshesiniń abattandyrylýyna basa nazar aýdardy.

Elbasynyń qajyrly eńbeginiń nátı­jesinde Qazaqstanda búkil eldiń damýyna qýat­ty serpin bergen sáýletti shahar salyndy.

Nursultan Nazarbaev HH jáne HHI ǵasyrlardaǵy eń kórnekti saıasat­kerleriniń biri bolyp sanalady. Bizdiń bárimiz úshin Elbasy kóshbasshy bolyp tabylady jáne mártebesi árqashan bıik.

Ardaqty aǵaıyn!

6 shildede biz Elorda kúnin atap ótemiz jáne eli súıgen Elbasyn mereıtoıymen quttyqtaımyz! Aqıqatynda, bul datalardy bir-birinen bólip qaraý múmkin emes.

Osy mańyzdy kúni barsha qazaq­stan­dyqtarǵa myqty densaýlyq, tatýlyq pen kelisim, Elordamyzdyń órkendeýin, Elba­syna densaýlyq, amandyq pen baq-bereke tileımiz.

Aıtýly mereke júregimizge qýanysh uıalatyp, Qazaqstannyń ke­leshegin kemeldetý jolynda alǵa qoıǵan maqsattarǵa jetýge seni­mimiz nyǵaıyp, kúsh-qýatymyz shyńdala bersin!

               

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar