Elbasy • 06 Shilde, 2020

Egemen eldiń ordasy

83 ret kórsetildi

Tórtkúl dúnıege jańa turpatty megopolıs retinde tanylǵan Elordanyń merekesine Qaraǵandy oblysy erekshe daıyndyqpen keldi. Áýeli kenshiler astanasynda «Temirtaý – altyn besigim» degen taqyrypta halyqaralyq onlaın-dóńgelek ústel ótip, onyń jumysyna Zoom platformasy arqyly Elbasynyń seriktesteri, Ýkraınadaǵy Kamensk joǵary kásibı ýchılıshesiniń dırektory Vadım Neklese, Almaty oblysynyń Shamalǵan aýylyndaǵy «Atameken» tarıhı-mádenı ortalyǵynyń ǵylymı qyzmetkeri Qydyr Nurbergenuly, Qaraǵandy metallýrgııa kombınatynyń burynǵy bas dırektory Oleg Soskoves jáne basqalar qatysty.

Temirtaý qalasynyń 75 jyl­­dyǵy men Qazaqstan Mag­nıt­kasynyń 60 jyldyq mereıtoıy­na arnalǵan is-sharany júrgizip otyrǵan Qaraǵandy oblysynyń ákimi Jeńis Qasymbek Tuńǵysh Prezıdent – Elbasy Nursultan Nazarbaev esiminiń elimizdiń astanasy Nur-Sultan men Temirtaý qalalaryn jáne Qazaqstan Magnıtkasyn ózara baı­lanystyryp turatynyn erekshe maqtanyshpen atap ótti.

– Qaraǵandy oblysynyń El­basymyzdyń eńbek jáne saıası Otany ekenin maqtan tutamyz. Dál osy jerden Nursultan Ábishuly óziniń kásibı jolyn bastady. О́zi aıtqandaı, Temirtaý onyń basty ýnıversıteti boldy. Sonaý 60-shy jyldary taqyr dalada kombınat sehtaryn salǵan, eldiń ekonomıkalyq jáne strategııalyq qaýipsizdigin qamtamasyz ete oty­ryp, metaldyń rekordtyq ton­nalaryn bergen adamdarǵa shyn nıetpen tánti bolamyn. Al El­basy negizin qalaǵan, 20 jyl­dyń ishinde álemdegi eń áde­mi as­tanalardyń birine aı­nal­ǵan elor­danyń qurylysyna qara­ǵandylyqtardyń da qosqan úlesi qo­maq­ty boldy, – dedi óńir basshysy.

Alǵashqylardyń biri bolyp sóz al­ǵan Ýkraınadaǵy Kamensk joǵary kási­bı ýchılıshesiniń dırektory Vadım Nek­lese atalǵan oqý ornynda Qazaqstan Respýb­lıkasynyń Tuńǵysh Prezıdentine arnalǵan murajaı bar ekenin,  jalpy bilim uıasynda qaıratker tulǵa esiminiń zor qurmetke ıe ekenin atap ótti.

Eske salar bolsaq, Kamen­skidegi bul bilim mekemesi buryn Dneprodzerjınsk qala­synyń № 8 tehnıkalyq ýchılıshesi bolǵan edi. Munda 1958 jyldan 1960 jylǵa deıin bolashaq Tuńǵysh Prezıdent Nursultan Nazarbaev bilim alǵan bolatyn.

Budan keıin Elbasynyń senimdi serik­testeri áńgimeni ári qaraı órbitip, tarıhı máni zor qundy estelikterimen bólisti. My­saly, Tuńǵysh Prezıdentpen Qaraǵandy polıtehnıkalyq ınstıtýtynda bir topta oqyǵan dosy, Qazaqstan Respýblıkasynyń tuńǵysh Syrtqy ister mınıstri Tóleýtaı Súleımenov Elbasynyń eńbek joly týraly tushymdy áńgime aıtty.

Sondaı-aq onlaın-dóń­gelek ústel otyrysynda Elba­synyń seriktesi, Qazaqstan Mag­nıtkasynda birge eńbek etken Qabıdolla Sarekenov, burynǵy seh bastyǵy Edýard Mınıkes, alyp kombınattyń basshysy bolǵan Oleg Soskoves, «ArselorMıttal Temirtaý» AQ atqarýshy dırektory Va­dım Basın, QarMTÝ-dyń rek­tory Marat Ibatov jáne bas­qalar Tuńǵysh Prezı­denttiń qaıratkerlik tulǵasyn asha túsken estelikterimen bólisti, qaıratker tulǵanyń elordanyń ǵana emes, Táýelsiz Qazaqstan memlekettiginiń myzǵymas irge­tasyn qala­ǵan eren eńbegi týrasynda pa­ıymdy pikir­lerin aıtty.

Halyqaralyq onlaın-dóń­gelek ústel otyrysynyń sońynda oblys ákimi Elbasy­nyń ǵıbratty ǵumyry men eńbek joly jaıly tyń derekter jáne qyzǵylyqty málimetter usynǵan qurmetti qatysýshylarǵa  alǵys aıtyp, rızashylyǵyn bildirdi.

 

* * *

Elorda kúni merekesiniń qar­sańynda Elbasynyń eń­bek Otany Temirtaýda Tuń­ǵysh Prezıdent Nursultan Nazar­baevtyń tikeleı tapsyrmasymen boı kótergen jańa emhana ashyldy. «ArselorMıttal Temir­taý» kompanııasynyń qaty­sýymen salynǵan eki qabatty emhananyń bir aýysymda 50 adamdy qabyldaýǵa múmkindigi jetedi.

Bul kúni dál osyndaı taǵy eki emhana oblys ortalyǵynda da aıqara esik ashty. Memleket-jekemenshik áriptestigi negizinde salynǵan bul medısınalyq nysandardyń biri qaladaǵy №11A yqsham aýdanda, al ekinshisi Ońtústik-Shyǵys aýmaǵynda boı kóterdi. Alǵashqysy bir aýysymda 50 adamǵa deıin qabyldaı alsa, ekinshi emhananyń qýaty bir aýysymda 150 kelýshige qyzmet kórsetýge jetedi. Munda qabyldaýdy 11 jalpy tájirıbe dárigeri, eki pedıatr, eki akýsher-gınekolog, terapevtik beıindegi 11 salaly maman jáne terapevtik emes baǵyttaǵy eki maman júrgi­zetin bolady.

Aıta ketý kerek, jańa emha­nalardyń barlyǵy zamanaýı medısınalyq qural-jab­dyqtarmen qamtamasyz etilgen. Dárigerler men pasıentterge yńǵaıly bolý úshin nysandarda elektrondy kezek júıesi jumys isteıtin bolady.

2 qaırat

Sondaı-aq bul kúni Qara­ǵandyda «Bıznes­tiń jol kartasy» jáne «Qarapaıym zattar ekonomıkasy» memleket­tik baǵdar­lamalary aıasynda eli­mizdegi eń iri Global City kó­terme-taratý logıstıkalyq ortalyǵy boı kóterdi. Bul jerde azyq-túlik ónimderi saqtalady, suryptalady jáne satylatyn bolady. Eń bastysy, ortalyqta kókónis pen jemis deldaldarsyz bosatylady, al munyń ózi Qara­ǵandy naryǵynda ǵana emes, elimizdiń basqa óńirlerinde de baǵa­ny tómendetýge mol múmkin­dik beredi.

Atalǵan nysanda bólshek saýda úshin aýdany 42 myń sharshy metr saýda-oıyn saýyq ortalyǵy, 149 jeke turǵan saýda pavılony jáne aýmaǵy 2 myń sharshy metr mamandandyrylǵan et pavılony salyndy.

333

Munda iri kóterme saýda oryn­dary úshin ártúrli tempe­ratýralyq rejimdegi klımattyq qoıma, qurǵaq qoıma, ýaqytsha saqtaý qoımasy (ÝSQ), temir jol tuıyǵy, kóterme krany bar konteınerlik alań, kedendik resim­deý aımaǵy, tıeý-túsirý tehnıkasy qarastyrylǵan. Aýmaqta kross-DOK ornalasqan, olar bir mezgilde 164 júk kóli­gin qabyldaı alady. Taǵy bir ar­tyqshylyq – kólikter úshin logıs­tıkalyq ortalyqtan Qara­ǵandy qalasyn Nur-Sultan, Pavlodar jáne Almaty baǵyt­tarymen jalǵap jatqan jol aı­ry­ǵyna tikeleı shyǵý múmkindigi qaras­tyrylǵan.

Sondaı-aq Global City kó­ter­me-taratý logıstıkalyq orta­lyǵynda «Sıfrly Qazaq­stan» baǵdarlamasy boıynsha fermerler men satyp alýshylar úshin elektrondy saýda alańy qurylady jáne bıznes-úderisterdi basqarý  júıesi to­lyq­taı avtomattandyrylady.

songy

Elorda kúni merekesiniń qar­sańynda boı kótergen ny­sandardyń   ashylýynda bolǵan oblys ákimi Jeńis Qasymbek Tuńǵysh Prezıdentimizdiń  tike­leı tapsyrmasymen iske as­qan áleý­mettik mańyzy zor bul joba­lardyń eń birinshi kezekte halyqtyń ál-aýqatyn jaqsartýǵa baǵyttalǵan ıgi sharýalar ekenin erekshe atap ótti.

 

Qaraǵandy oblysy

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar