Aımaqtar • 06 Shilde, 2020

Atyraýda Oqýshylar jáne jastar saraıy ashyldy

1147 ret kórsetildi

Búgingi Elorda kúnine oraı ashylǵan Oqýshylar men jastar saraıynyń aýmaǵy 18 833 sharshy metrdi quraıdy. Bul nysannyń qurylysy "Shevron" kompanııasynyń
demeýshiligimen salyndy, - dep habarlaıdy Egemen.kz. 

Atalǵan ǵımarattyń qurylysy 2018 jyly bastalǵan edi. Ǵımaratta tórt qabat bar.
Munda oqýshylar men jastardyń shyǵarmashylyq qyzmettiń barlyq túrimen, sportpen
aınalysýyna, túrli úıirmelerge qatysýyna barlyq jaǵdaı qarastyrylyp otyr.
Sondaı-aq, saraıda ǵylym men tehnıka, óner, mádenıet jáne sport salalary boıynsha jeti baǵytta 63 úıirme ashylady. Naqtyraq aıtsaq, fýtbol, sýda júzý, jeńil atletıka, kúres, horeografııa, án aıtý, sýret salý, keramıka úıirmelerin ashý josparlanypty.

000

"Paıdalanýǵa berilip otyrǵan ǵımaratta úıirmelerden ózge ulttyq mádenıetimiz ben salt-dástúrimiz týraly maǵlumat alýǵa, planetarııden aspan álemimen tanysýǵa múmkindik jasalǵan. Munda kúnine 2 aýysymda 1 500 bala ónermen, sportpen, shyǵarmashylyqpen shuǵyldana alady. Oqýshylar men jastardyń qabiletin túrli baǵytta damytý úshin saraıǵa 200-den astam muǵalim jumyspen qamtylmaq", - dep túsindirdi Atyraý qalalyq bilim bóliminiń mamandary.

Oqýshylar men jastar saraıynyń jumysy qazirgi epıdemıologııalyq ahaýaldyń kúrdelenýine oraı 1 qyrkúıekte bastalady.

Sońǵy jańalyqtar

Uqsas jańalyqtar