Aımaqtar • 06 Shilde, 2020

Dári-dármek tıelgen kólik Almatydan Atyraýǵa jetti

516 ret kórsetildi

Oblys ákimi Mahambet Dosmuhambetovtiń tapsyrmasymen dári-dármek tapshylyǵy máselesi oń sheshilip jatyr, - dep habarlaıdy Egemen.kz.

"Birneshe kún buryn oblys ákimi Mahambet Dosmuhambetov dári tapshylyǵy máselesin jedel túrde sheshýge qatysty tıisti tapsyrma bergen bolatyn. Soǵan saı, Almatydan qajetti dári-dármekterdi shuǵyl túrde jetkizýdi qamtamasyz ettik. Dáriler dárihanalarǵa burynǵy baǵasymen beriledi. Al, dárihanalardyń baǵany qymbattatpaý qatań qadaǵalanady", -dedi oblys ákiminiń orynbasary Erjan Ábilhanov.

"INKAR" JShS Atyraý fılıalynyń dırektory Svetlana Lıpatovanyń aıtýyna qaraǵanda, dári-dármektiń 430 túri ákelingen. Onyń 50-ge jýyǵy – antıbıotıkter, azıtromısın, sefazolın, seftrıakson jáne ıneksııaǵa arnalǵan lıdokaın eritindisi syndy preparattar.

"Asa qajetti dári-dármekterdiń Almaty qalasynan jyldam jetkizilýine qala ákimdigi logıstıka jaǵynan qoldaý kórsetti. Áıtpese, temirjolmen jetkiziler bolsa, jolda kóp ýaqyt joǵaltar edi. Ákelingen dárilik ónimder oblys ortalyǵynan ózge aýdandarǵa da jetkiziledi. Bul partııa oblystyń suranysyn qamtamasyz etedi",- deıdi Svetlana Lıpatova.

Atyraý oblysynyń ákimdigi dári-dármekterdi barlyq dárihanaǵa jetkizýdi uıymdastyryp, baqylaýynda ustaǵaly otyr. Sondaı-aq, aldaǵy ýaqytta preparattardyń baǵasynyń belgilengen mólsherden aspaýyn qadaǵalaıdy. Dári-dármektiń ár adamǵa tıesili mólsherden artyq satylmaýy úshin oblys ákimdigi men Atyraý oblysy farmasevtıka salasynda eńbek etetin jeke kásipkerler men zańdy tulǵalardyń qaýymdastyǵy – "FarmQaýymdastyq" qoǵamdyq birlestigi jáne oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti arasynda arnaıy memorandýmǵa qol qoıylmaq.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Uqsas jańalyqtar