Elbasy • 06 Shilde, 2020

Ult mádenıetiniń uly janashyry

57 ret kórsetildi

Bıyl Táýelsiz Qazaqstannyń negizin qalaǵan sarabdal saıasatker, Tuńǵysh Prezıdentimiz – Elbasymyzdyń mereı toıy. Merekeli kúndi el bolyp atap ótkeli otyrmyz. Salıqaly jasqa kelgen arda tulǵanyń el men jer tutastyǵy, ult pen ulystar birligi, til men mádenıet damýy, toleranttylyqty tý etken Qazaqstannyń biregeı modelin jasaýy álem sahnasyndaǵy bedelimizdi asqaqtatyp, bolashaq baǵytymyzdy aıqyndaı tústi.

Osy oraıda ótkenge oı tastaı otyryp Nursultan Ábishulynyń rýhanııat salasyna sińirgen orasan zor eńbegine qatysty óz kózqarasymyzdy bildirgimiz keledi.

О́zge elmen terezesi teń, keregesi keń Qazaqstannyń barlyq jetistikteri Elbasynyń esimimen tikeleı baılanysty ekeni barshaǵa aıan. Mine, egemendik alǵan el atanǵanymyzǵa da 30 jyldyń júzi bolyp qaldy. Osy jyldar aralyǵynda memlekettik ınstıtýttardy qalyptastyrý, naryqtyq ekonomıkany damytý, zamanaýı saıası júıe qurý, tıimdi áleýmettik saıasat júrgizý, qazaqstandyqtardyń ál-aýqatyn arttyrý jáne qoǵamdyq sanany jańartý úshin orasan zor jumystar atqaryldy.

Elbasynyń saıasatynyń arqasynda elimiz ulttyq kodtyń negizin quraıtyn qazaq halqynyń ulttyq bolmysyn, tili men mádenıetin damytýdyń jańa deńgeıine kóterildi. Sonymen birge respýblıkada turatyn barlyq etnostardyń úılesimdi damýyna jaǵdaı jasaldy.

Ásirese, Tuńǵysh Prezıdent Nursultan Ábishuly Nazarbaevtyń elimizdiń mádenıetin asqaqtatýdaǵy rólin atap ketpeýge bolmaıdy.

"Azaýlynyń Stambuldan nesi kem" degendeı, Qazaqstannyń jas ári kórkem astanasynyń irgesin qalap, sanaýly ýaqytta álem tańdaıyn qaqtyrǵan arý qalany saldyrǵan Elbasy, osy shahardyń tósinde ulttyq rýhymyzdy kóterý jaǵynan ǵana emes, elimizdi álemge tanytýymen qundy bolǵan Ulttyq mýzeı, "Astana Opera", "Astana Balet" teatrlaryn jáne talanttardyń baǵyn ashatyn basqa da úlken mádenı oshaqtardyń ashylýyna muryndyq boldy.

Sonyń biregeıi Nursultan Nazarbaevtyń ıdeıasy men qoldaýy arqyly salynǵan Qazaq ulttyq horeografııa akademııasy. Akademııa – elimizde jáne Ortalyq Azııa óńirinde suranysqa ıe jáne Qazaqstannyń bı ónerin halyqaralyq deńgeıge shyǵaratyn horeografııalyq óner qaıratkerlerin kóp deńgeıli daıarlaýdy júzege asyratyn biregeı bilim, ǵylymı-shyǵarmashylyq ortalyq.

2016 jyly akademııanyń ashylý saltanatyna qatysyp, óskeleń urpaqtarǵa aq jol tilegen Elbasy bul akademııanyń búkil Ortalyq Azııa elderi arasynda osy úlgidegi alǵashqy joǵary oqý orny ekenin atap ótkeni esimizde.

Búgin biz Astanada jańa óner ordasyn saltanatty túrde ashyp otyrmyz. Bul jerde ulttyq balet pen bı sheberleriniń jańa shoǵyry oqyp-tárbıelenedi. Munda qazaqstandyq salt-dástúr damyp, álemdik deńgeıdegi bı ónerin damytýǵa jańasha qadamdar jasalatyn bolady. Ulttyq horeografııa akademııasy – bizdiń elimizde ǵana emes, búkil Ortalyq Azııa elderindegi osy úlgidegi alǵashqy joǵary oqý orny. Onda qazaqstandyqtarmen birge ózge shet elderdiń shyǵarmashyl daryndy jastary oqıtyn bolady. Elimizdegi bul akademııa ýaqyt óte kele búkil Eýrazııadaǵy balet pen bı sheberlerin daıyndaıtyn jetekshi ortalyqtardyń biri bolatynyna senemin, - dedi QR Tuńǵysh Prezıdenti – Elbasy N. Nazarbaev.

Qazaq Ulttyq horeografııa akademııasynyń shákirtteri de ózderine júktelgen zor senimdi aqtap, "Astana Balet" jáne "Astana Opera" sekildi halyqaralyq deńgeıde tanylǵan teatr sahnalarynda tabysty óner kórsetip, talaı halyqaralyq festıvalder men konkýrstarda elimizdiń atyn asqaqtatyp júr.

Jańa horeografııa mektebi álemdik klassıkalyq balet murasymen qatar qazaq halyq bıin damytýmen aınalysyp, Táýelsiz Qazaqstannyń eń talantty jastarynyń jigerin jandyryp, qaıratyn qaırap búgingi tańda qyzý jumystyń qazanynda qaınap jatqany bar.

Ult mádenıeti men rýhanııatynyń uly janashyryna aınalǵan Elbasy Nursultan Ábishuly Nazarbaevtyń jan-jaqty qoldaýy ulanǵaıyr dalamyzdyń túkpir túkpirindegi ul-qyzdardyń baǵyn ashýda.

Mine, mereıtoı ıesi attanyp otyrǵan sańlaq saıasatkerdiń bir ǵana mysal negizindegi súbeli eńbegin kórip otyrsyzdar. Al, mundaı rýhanı shańyraqtar elimiz boıynsha barshylyq qoı.

"Bir jyldyǵyn oılaǵan halyq bıdaı egedi,

Júz jyldyǵyn oılaǵan halyq aǵash egedi,

Myń jyldyǵyn oılaǵan halyq sanaly urpaq tárbıeleıdi" - degen dana qazaqtyń ataly sózi, máıekti maqaly bar.

Sondyqtan, sanaly urpaqtyń sapaly tárbıesine jol ashqan Elbasy – Nursultan Ábishuly Nazarbaevtyń esimi myńjyldyqtar toǵysynda máńgilik qala bermek.

 

Bıbigúl Núsipjanova

Qazaq ulttyq horeografııa akademııasynyń

Birinshi prorektory

Sońǵy jańalyqtar

Tumandy Albıondaǵy COVID-19

Koronavırýs • Keshe

Afrıkany kezgen COVID-19

Koronavırýs • Keshe

Uqsas jańalyqtar