Abaı • 06 Shilde, 2020

Kentaýda Abaıdyń eńseli eskertkishi ashyldy

112 ret kórsetildi

Túrkistan oblysy Kentaý qalasynda qazaqtyń uly aqyny Abaıdyń 175 jyldyǵyna oraı eńseli eskertkish ornatylyp, elorda kúni ashylý saltanaty ótti. Bıiktigi 4,5 metr eskertkish 3 metrlik tuǵyrǵa ornatylǵan. Jalpy bıiktigi 7,5 metr, salmaǵy 3 tonna eskertkish qala ortalyǵyndaǵy Abaı dańǵyly boıynda ornalasqan. Avtory músinshi – Baýyrjan Jalyn, - dep habarlaıdy Egemen.kz. 

Ashylý saltanatyna qatysqan oblys ákiminiń orynbasary Sáken Qalqamanov elorda kúnine oraı Kentaý qalasynda birneshe nysan paıdalanýǵa berilgenin atap ótti.

"Sonyń arasynda shoqtyǵy bıigi bıyl mereıtoıy atalyp jatqan qazaqtyń maqtanyshy, uly danyshpany Abaıǵa arnalǵan eskertkishtiń ashylýy. Bul nysannyń kentaýlyqtarǵa, jastarǵa ıdeologııalyq, tárbıelik máni zor. Osynda kentaýlyq jastar aqynnyń óleńderin, qara sózderin oqıtyn bolady. Búgin qalada ashylǵan jańa nysandar eldiń ıgiligine jaraı bersin", - dedi Sáken Amangeldiuly.
Sondaı-aq, kentaýlyq zııaly qaýym ókilderi men aqsaqaldar jyly lebizderin jetkizdi. Jas aqyndar uly aqynǵa arnap arnaýlar aıtty. Elorda kúnine oraı, sondaı-aq Kentaý qalasynda "Ustazdar alleıasy" ashyldy. "Jastar saıabaǵy" kúrdeli jóndeýden ótip, paıdalanýǵa berildi.

 

Túrkistan oblysy

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar