Qalada koronavırýspen kúres boıynsha júıeli jumys júrgizilýde. Baqytjan Saǵyntaev mańyzdy baǵyttardyń biri koronavırýsty der kezinde dıagnostıkalaý ekenin atap ótti.
Osyǵan baılanysty zerthanalardyń ótkizý qabiletin arttyrý boıynsha jumystar júrgizilýde. Jalpy alǵanda, Almatyda koronavırýstyq ınfeksııaǵa testileýdi engizýdiń barlyq kezeńinde 245 myńnan astam zertteýler júrgizildi. Megapolıste 8 zerthana jumys isteıdi, nátıjesinde kúnine shamamen 4000 zertteý júrgiziledi. Búgingi tańda zerthanalardyń málimetteri boıynsha 56 myń zertteýge arnalǵan synaq jıyntyqtary bar.
Baqytjan Saǵyntaev zerthana qyzmetinde azdaǵan kedergiler anyqtalǵanyn aıtyp ótti, oǵan bul qyzmetterge júginýshiler tarapynan suranystyń joǵary bolýy, naýqastardyń kóptep kelýi, sonymen birge, zerthanalarda reagentterdiń qajetti qorynyń bolmaýy sebep bolǵan.
“COVID-19 zerthanalyq dıagnostıkalaý aýqymyn ulǵaıtý maqsatynda azamattardy ýaqtyly dıagnostıkamen qamtamasyz etý úshin qosymsha eki zerthana ashyldy”, - dep habarlady Baqytjan Saǵyntaev.
