Aımaqtar • 06 Shilde, 2020

Batys Qazaqstan oblysynda dárigerler marapattaldy

34 ret kórsetildi

Batys Qazaqstan oblysynda koronavırýs ınfeksııasyna qarsy kúreste janqııarlyq kórsetken medısına qyzmetkerleri memlekettik nagradalarǵa ıe boldy, - dep habarlaıdy Egemen.kz

Álemdi ábigerge salǵan covid-19 pandemııasy bastalǵaly eń aýyr salmaq dárigerler qaýymynyń ıyǵyna tústi. Kúndiz kúlkiden, túnde uıqydan aıyrylǵan aq jeleńdiler naýqastardy ajaldan arashalap qalý úshin birneshe aıdan beri maıdannyń alǵy shebinde júr.

- Búgin sizderge tabys etilip otyrǵan memlekettik nagrada – qoǵamnyń shynaıy qurmeti, aqjúrek alǵysy dep bilińizder. Barsha medısına qyzmetkerleri, medbıkeler, jedel járdem júrgizýshileri birneshe aıdan beri qaterli indetpen jan aıamaı kúresip, myńdaǵan adamdy ajal aýzynan qutqardy. Naýqastardyń ómirine ara túsip, óz densaýlyǵyn da táýekelge baılady. Qandaı qıyndyqqa qaramastan Gıppokrat antyna adal boldy. Biz osy koronavırýspen kúreste ózderi de indet juqtyryp, syrqattanyp qalǵan áriptesterińizge tezirek jazylyp shyǵýyn tileımiz, - dedi óńir basshysy Ǵalı Esqalıev dárigerlerge marapatyn tapsyryp turyp.

Bul kúni "Parasat" ordenimen – Batys Qazaqstan oblystyq juqpaly aýrýlar aýrýhanasynyń bólim meńgerýshisi Bıbigúl Aıtbaeva, "Qurmet" ordenimen – oblystyq kópbeıindi aýrýhananyń dárigeri Marat Balshambaev, "Eren eńbegi úshin" medalimen – oblystyq juqpaly aýrýlar aýrýhanasynyń reanımatolog-dárigeri Salaýat Aǵdaýov, oblystyq kardıologııalyq ortalyqtyń dárigeri Danııar Árenov, oblystyq juqpaly aýrýlar aýrýhanasynyń aǵa medbıkesi Álııa Maýjanova, "Shapaǵat" medalimen – oblystyq kópbeıindi aýrýhana medbıkesi Ásıma Gasına, Qazaqstan Respýblıkasynyń Qurmet Gramotasymen – oblystyq kardıologııalyq ortalyq medbıkesi Venera Myrzaǵalıevalar marapattaldy.

Batys Qazaqstan oblystyq densýlyq saqtaý basqarmasy basshysy Bolatbek Qaıýpovtyń aıtýynsha, búginde óńirdegi epıdemıologııalyq ahýal óte kúrdeli. Infeksııalyq jáne provızorlyq stasıonarlarda 717 naýqas em alýda. Onyń ishinde 92 naýqastyń jaǵdaıy óte aýyr. 52 adam ottegi tapshylyǵyn basý úshin arnaıy apparatqa muqtaj. Aýdandyq aýrýhanalarda provızorlyq baqylaý úshin arnaıy kereýetter daıyndalǵan, 4 aýdan naýqastardy emdeýge ázir. Aýrýhanalar qajetti dári-dármekpen qamtylǵan, qosymsha taǵy jetkizilýde.

Batys Qazaqstan oblystyq klınıkalyq aýrýhanasynda búginde 20 medbıke, 30 kishi medısınalyq qyzmetker jetpeıdi. Oral qalalyq kópbeıindi aýrýhanada da 30 medbıke, 40 kishi medısınalyq qyzmetker tapshy. Dárigerler qazir táýlik boıy qyzmet etýde. Indetpen kúreste óńirde 700-den asa medısına qyzmetkeri jumyslsa, sonyń 150-den astamy vırýs juqtyryp, aýyryp shyqqan.

- Memlekettik nagrada ıe bolǵan áriptesterimdi "búgingi kúnniń batyrlary" dep aıtar edim. Olar ózderi de vırýs juqtyryp aýyryp júrip, ózge naýqastarǵa kómektesýmen boldy. Otbasynan oqshaýlanyp, tórt aıdan beri óz shańyraǵyn, jaqyn-jýyǵyn kórmegender bar. Qoǵamdy, halyqty qaýipti dertten qutqarý úshin ǵana olar osyndaı qurbandyqqa baryp otyr. Memleket olardyń eńbegin eskerip, jalaqysyna ústeme qosyp, barlyq jaǵynan qamqorlyq kórsetýde, - dedi Bolatbek Qaıýpov.

Covid-19 eń aldymen dárigerlerge qaýipti bolǵanyn búgingi sharadan da ańǵarýǵa bolady. О́ıtkeni marapattaýǵa shaqyrylǵan 15 adamnyń kópshiligi saltanatty sharaǵa qatysa almapty. Olardyń keıbiri aýyryp qalǵan, keıbiri jumysynan bosap kele almaǵan.

Jasyratyny joq, bizdiń óńirdiń densaýlyq salasynda túıindi máseleler bar. Onyń eń úlkeni – maman tapshylyǵy. Jaqynda medısınalyq ınstıtýt, kolledj bitirgen mamandar keledi. Aýrýhanalardy medısınalyq jabdyqtarmen qamtımyz. Eń bastysy, dárigerler sizder aman bolyńyzdar! Sizder aman bolsańyz, jurt aman bolady, - dedi óńir basshysy Ǵalı Esqalıev.

Batys Qazaqstan

 

 

Sońǵy jańalyqtar

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar