Sport • 07 Shilde, 2020

Italııada óner kórsetedi

25 ret kórsetildi

Qazaqstandyq voleıbol sportynyń sheberi Sábına Altynbekova Italııanyń A1 lıgasynda baq synaıtyn «Volalto Kazerta» klýbymen 2 jyldyq kelisim­shart jasasty.

23 jastaǵy otandasymyz osydan alty jyl buryn joǵary oıyn mánerimen jáne óz sulýlyǵymen Azııa qurlyǵyn tamsandyrǵan bolatyn. 2014 jyly Taı­peıde ótken jasóspirimder arasyndaǵy voleıboldan 17-shi Azııa chempıonatynda qandasymyzdy jergilikti BAQ týrnırdiń eń sulý sportshysy dep tanydy. Sol-aq eken Taıvan, Japonııa jáne taǵy basqa Azııa elderiniń telearnalary Sábına Altynbekova týraly arnaıy reportaj jasap, áp-sátte búkil álemge tanymal boldy. Sol jyly Qazaqstan jasóspirimder quramasy Azııa birinshiliginde 6-oryn aldy.

Osy chempıonattan bastap Altyn­bekovanyń juldyzy jandy desek, artyq aıtqandyq emes shyǵar. 2015 jyly ol Japonııanyń «GSS Sunbeams» komandasynda bir jyl óner kórsetip, keıinnen elge oraldy. 2016-2019 jyldar aralyǵynda Altynbekova «Almaty» klýbynda oınasa, byltyr BAÁ-niń

«Al wasl» komandasynyń namysyn qorǵady. Endi mine, kúni keshe káriqurlyqty baǵyndyrdy. Aldaǵy eki jylda otandasymyz Italııa chempıonatynda baq synaıdy.

Sońǵy jańalyqtar

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar