Qarjy • 07 Shilde, 2020

Tıimsiz jumsalǵan qarajat kólemi kóp

26 ret kórsetildi

Aqtóbe oblysy boıynsha tekserý komıssııasy ár jyl saıyn bıýdjettik mekemeler men kvazımemlekettik sektor sýbektilerinde bıýdjet qarajattarynyń paıdalanylýyna júıeli tekserýler júrgizip keledi. Osy turǵyda ótken jyly aýdıtpen qamtylǵan qarajattyń jalpy somasy 253 mıllıard 206 mıllıon tenge quraǵan. Atalǵan aralyqta anyqtalǵan buzýshylyqtardyń kólemi 24 mıllıard 594 mıllıon tengeden asyp túsedi. Munyń ishinde qarjylyq operasııalardyń buzylý kórinisteri kózge birden boı urady. Sonymen birge bıýdjet qarajattaryn tıimsiz túrde josparlaý men paıdalanýǵa jol berilgen, dep habarlaıdy Egemen.kz.

Júrgizilgen aýdıttik is-sharalardyń nátıjeleri oblystaǵy birqatar mekemeler men kásiporyndarda eńbekaqy tóleý men issapar shyǵyndaryn esepteý kezinde bıýdjet qarajaty negizsiz, artyq jumsalǵanyn kórsetedi. Keıbir bıýdjettik baǵdarlamalar boıynsha tıisti ótinimder ázirlenbegen. Tipti ony rastaıtyn qujattar atymen joq ekenin bilgende eriksiz jaǵańyzdy ustaǵandaı kúı keshesiz. Ári bıýdjettik baǵdarlamalardyń bekitilmegeni, sondyqtan tikeleı jáne túpkilikti nátıjeler kórsetilmeıtini de tań qaldyrady.

Munyń saldary óńirdegi kásiporyndarda sapasyz josparlaýdyń paıda bolýyna ákelip soqtyrmaq. Osyndaı naqty kólemdegi aýdıtorlyq aýytqý kórinisteri qazirdiń ózinde baıqalyp otyr. Oǵan ózgerister engizilmese, jospar katyp-semip, jansyz kúıinde qala bermeı me? Buǵan qosa júrgizilgen is-sharalar oblys aýdandarynda tıimdi salyqtyq júıeniń jetkiliksizdigin alǵa tartady. Sonyń saldarynan salyq túsiminiń qolda bar áleýeti tolyq kóleminde paıdalanyla bermeıdi. Osy oraıda bıýdjettiń edáýir ysyraby taza tabystyń bir bóligin ýaqytynda aýdarmaǵan nemese ony tolyq kólemde tólemegen kezde quralatyny eskerilmegen. Taldaýlar jiberilgen ústirttikter kóp jaǵdaıda bir úlgidegi pishinde jáne qaıtalanyp turatynyn kórsetti deıdi Aqtóbe oblysy boıynsha tekserý komıssııasynyń tóraǵasy Saǵat Eńsegenuly.

Onyń aıtýynsha oryn alǵan kemshilikter bıýdjetten bólinetin qarajatty basqarýdyń tómen deńgeıin baıqatady eken. Sóıtip, óńirdegi ókiletti laýazymdy tulǵalar respýblıka zańdylyqtaryn saqtamaı, memlekettik qarajat pen aktıvterdi paıdalaný isinde jaýapsyzdyq pen enjarlyq tanytqan. Bul jáıt az shyǵyn men joǵary nátıjelerge qol jetkizýde ári bıýdjet qarajatyn tıimdi paıdalaný isinde birizdilik joq ekenin kórsetedi. Sondaı-aq bıýdjettik baǵdarlamalar ákimshileri tarapynan tıisti baqylaýdyń bolmaýy da aldyńǵy pikirimizdiń aıǵaǵy. Bir sózben aıtqanda qarjy-sharýashylyq qyzmetin júrgizý degenimiz ózgeshe bir tylsym álem deýge bolady. Aýdıtorlyq is-sharalar oblysta onyń talaptary oryndalmaı otyrǵanyn aıǵaqtaıdy. Sonymen birge mundaı jáıt jergilikti memlekettik organdarda úılesimdi jumystyń jetkiliksizdigin kórsetedi. Bıýdjet qarajatyn ońdy-soldy baqylaýsyz jumsaý osynyń saldarynan bastalyp júrmesine kim kepil.

- 2019 jyly júrgizilgen aýdıtorlyq is-sharalardyń nátıjesi boıynsha 48 laýazymdy tulǵaǵa qatysty tártiptik sharalar qabyldanyp, 60 laýazymdy tulǵaǵa ákimshilik aıyppul túrinde 6,8 mıllıon tenge kóleminde ákimshilik sharalar belgilendi. Anyqtalǵan buzýshylyq derekteriniń aıasynda qylmystyq belgileri bar 23 materıal quqyq qorǵaý ogandaryna tapsyryldy, - dedi bul turǵyda tekserý komıssııasynyń tóraǵasy S.Eńsegenuly.

О́tken 2019 jyldyń qorytyndysy boıynsha ótkizilgen aýdıtrlyq tekserýler barysymen jan-jaqty tanysqan kezde joǵaryda kórsetilgen birqatar buzýshylyqtar Mártók aýyldyq okrýgi ákiminiń apparaty men Mártók balalar-jasóspirimder sport mektebine "Aqtóbe áleýmettik-kásipkerlik" korporasııasy AQ-na oblystaǵy Shalqar aýdany men Aqtóbe qalasyna tán ekenin aıtqan jón.

Buǵan qosa ótken 2019 jyly Aqtóbe oblystyq qurylys, sáýlet jáne qala qurylysy sondaı-aq Aqtóbe energetıka jáne turǵyn-úı kommýnaldyq basqarmalarynda 2015-2019 jyldarǵa arnalǵan "Nurly jol" ınfraqurylymdyq damý memlekettik damý baǵdarlamasy sheńberinde bekitilgen jobalardy júzege asyrý kezinde de qarjylyq buzýshylyqtar men bıýdjet qarajatyn tıimsiz josparlaý kórinisteri oryn alǵany belgili bolyp otyr. Sondaı-aq aýdıt barysynda bul baǵytta oryndalmaǵan jumystarǵa 68 mılıon tenge aýdarylǵany anyqtalǵan.

Túıip aıtqanda, óńirde bıýjet qarajatyn sapasyz josparlaý kórinisteri jetkilikti ekenin aýdıt tekserýleri anyqtap berdi. Jumsalǵan qarajat pen josparlanǵan nysandardyń arasynda tıisti baılanystardyń bolmaýy da eleýli kemshilik ekeni haq. Sóıtip, birqatar baǵdarlamalyq qujattar óz maqsat-mindetterine sáıkes kelmegen. Sondaı-aq zańmen bekitilgen normalar men memlekettik satyp alýdy quqyqtyq turǵydan retteý qaǵıdattary da umyt, eleýsiz qalyp qoıypty. Osynyń bári bıýdjettik baǵdarlamalar bashylary tarapynan tıisti baqylaýdyń bolmaǵanynan oryn alǵany jasyryn emes.

Aıtalyq, búgingi materıalamyzǵa jeli bolǵan bıýdjet qarajatyn tıimdi paıdalaný máselelerin retteý men jolǵa qoıýda oblys ákiminiń ekonomıka jáne qarjy jónindegi orynbasary serpindi is-qımyl tanytqan bolsa, múmkin bıýdjet qarajatyn paıdalaný isinde osynshama teris is-áreketter oryn almas pa edi. Áıtse de atalǵan sala boıynsha bekitilgen orynbasarlar tikeleı fýnksıonaldyq mindetterin atqara almaǵandyqtan sońǵy ýaqytta birneshe ret aýysqanyn aıta ketýdiń oraıy kelip turǵandaı.

Degenmen eshten de kesh jaqsy degendeı, oblystaǵy jańadan jasaqtalǵan qarjy-sharýashylyq korpýsy men bıýdjettik baǵdarlamalar ákimshileri budl baǵyttaǵy sheshimin tappaǵan túıtkilderge jan-jaqty ári tereńnen nazar aýdarsa, oryn alǵan olqylyqtardan naqty ári nátıjeli sabaq alynatyny anyq.

 

AQTО́BE

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar