"Karantın bastalǵan ýaqytta 3 stasıonar (1000-ǵa jýyq oryn) bolsa, qazirgi ýaqytta stasıonar sany 13-ke (nemese 3700-den astam oryn bar) kóbeıdi. Qazirgi ýaqytta onyń 87%-y toldy. Dárigerler azamattardy emdeý ústinde.
Júkti áıelderge arnaıy perınataldy ortalyq ashyldy. Respýblıkalyq ulttyq ǵylymı ortalyǵynda 240 oryn ashtyq. Onyń 40 orny - reanımasııa, kardıoortalyqta 60-tan astam aýyr haldegi azamattarǵa arnalǵan reanımasııa ashyldy. №1 aýrýhana tolyqtaı koronavırýs stasıonaryna aýysty. Ol jerdegi pasıentter basqa aýrýzhanaǵa jiberildi. "Ramada Plaza" qonaqúıinde 500 oryndyq stasıonar ashyldy. Onyń 60%-y naýqastarmen toltyryldy.
Eger epıdemıologııalyq jaǵdaı kúrdelenetin bolsa, qosymsha 1000-nan astam oryn ashýǵa ázirlendik", dedi Altaı Kólginov.
