Qazaqstan • 07 Shilde, 2020

"Samuryq-Qazyna" UÁQ" aq men AHQO ózara túsinistik týraly memorandýmǵa qol qoıdy

7 ret kórsetildi

"Samuryq-Qazyna" UÁQ" AQ Basqarma Tóraǵasy Ahmetjan Esimov pen "Astana" halyqaralyq qarjy ortalyǵynyń basqarýshysy Qaırat Kelimbetov ózara túsinistik týraly Memorandýmǵa qol qoıdy. Bul týraly "Samuryq-Qazyna" UÁQ" AQ Qoǵammen baılanys jáne marketıngtik kommýnıkasııalar jónindegi departamentine silteme jasaı otyryp Egemen.kz habarlaıdy.

dep habarlaıdy Egemen.kz.

Qujatqa sáıkes, taraptar atap aıtqanda, AHQO bırjasynda Qor kompanııalary aksııalarynyń lıstıngi máseleleri boıynsha tyǵyz yntymaqtasýǵa jáne keńes berýge nıet bildirdi.

"Jekeshelendirý baǵdarlamasyn aıaqtaý  "Samuryq-Qazyna" Qory úshin  basty mindetterdiń biri bolyp tabylady jáne Qor AHQO-nyń damýyna asa múddeli. "Qazatomónerkásip "ǵalamdyq depozıtarlyq qolhattaryn ornalastyrý tájirıbesi onyń keleshekte bırjalyq alań retinde basymdyǵyn kórsetti", - dep atap ótti Qor Basqarmasynyń tóraǵasy Ahmetjan Esimov. 

Yntymaqtastyq barysynda Qordyń kompanııalar toby jasaǵan sharttarda daýlardy sheshý ınstıtýty retinde AHQO halyqaralyq tórelik ortalyǵy men sot eskertpelerin engizý arqyly AHQO ıýrısdıksııasyn belsendi qoldaný kózdeledi. 

Sonymen qatar, Qor men  AHQO-nyń Ekspat ortalyǵy jáne úzdiksiz kásibı damý bıýrosynyń múmkindikterin paıdalanýǵa jáne qarjylyq tehnologııalar, Big Data jáne AHQO-nyń fınteh-ınnovasııany retteýshi salasynda yntymaqtastyq ornatýǵa  nıet bildirdi. 

"Bizdiń platformanyń múmkindikteri men qyzmeti tezdetilgen sıfrovızasııa arqyly suranys tabady. Bul kraýdfandıngqa da, sıfrlyq platformalar arqyly san túrli kómek alý, sıfrlyq bankter, úzdiksiz bilim alý trendi, ıaǵnı dástúrli ýnıversıtetterdiń tolyqtaı onlaın platformasyn meńgerýine tıesili. Biz Fondqa bizdiń alańymyzdy jáne qorlarymyzdy qoldanýda barynsha kómek kórsetýge daıynbyz", - dedi AHQO basqarýshysy  Qaırat Kelimbetov. 

Qor men AHQO Jekeshelendirýdiń 2016-2020 jyldarǵa arnalǵan keshendi jospary aıasynda tabysty yntymaqtastyqta ekenin eske salaıyq. AIX alańynda "Qazatomónerkásip" aksııalary cátti IPO shyǵaryldy: 2018 jyly 15% aksııasy jáne 2019 jyly 3,8% aksııasy,  2020 jyly 6,28%  qosymsha ornalastyryldy (SPO). 

Osylaısha, halyqaralyq ınvestorlar aktıvterge degen úlken qyzyǵýshylyq tanytty: AIX-ta ornalasqan 4,3 mln globaldy depozıtarlyq  "Kazatomprom" qolhattarynyń ishinen, sheteldik ınstıtýsıonaldy ınvestorlar 2,5 mln GDR satyp aldy.

Sońǵy jańalyqtar

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar