"О́tken joly tótenshe jaǵdaı jarııalap, karantın engizip, qatań talaptardy saqtadyq. Ol tıisti dárejede kómektesti. Biraq 11 mamyrda karantındik normalardy birte-birte jeńildete bastaǵan kezde azamattar talaptardy umytyp ketti. Endi kórip otyrǵanymyzdaı, ókinishke oraı, naýqastardyń sany birden ósti. Sol qatelikti qaıtalamaýymyz qajet. Tártip saqtaǵan kezde bári durys boldy, dárigerlerge munshalyqty salmaq túsken joq. Memlekettik bıýdjetke munshalyqty salmaq túsken joq. Memleket degen siz ben biz. Tótenshe jaǵdaı kezinde kóp adam jumyssyz, tártipti saqtap otyrdy. Bizge ol da shyǵyn boldy. Mysaly, kásipkerlerden salyq túsken joq. Al karantındik sharalardy birte-birte bosatqannan keıin karantın bolmaǵandaı umytyp kettik. Sol qate boldy. Endi qaıtadan 2 apta karantın engizýge májbúr bolyp otyrmyz", qala ákimi.
Alaıda suranys bolǵandyqtan daladaǵy meıramhanalarǵa, taza aýada 3 adamnan aspaı serýendeýge, sondaı-aq ashyq jerde ornalasqan saýda ortalyqtaryna, bazarlarǵa ruqsat etilgeni týraly aıtyp ótti.
"Sebebi ol jerlerde kóptegen adam jumys isteıdi. Azamattardy azyq-túlikpen qamtamyz etý kerek. Biraq jabyq saýda ortalyqtary ýaqytsha jabyldy. Sondyqtan eki apta kózdi ashyp jumǵansha ótip ketedi. Qazirgi ýaqytta saǵat saıyn tártipti saqtamasaq, árıne, ony sozýǵa týra keledi. Biz ony qalamaımyz. Karantındi sozbaý úshin burynǵy qatelikterdi eskerip, olardy qaıtalaýymyz kerek", dedi Altaı Kólginov.
