"Koronavırýstyq pandemııadan týyndaǵan ekonomıkalyq daǵdarys álemdik ekonomıkada tereń ózgeristerge alyp keledi", dep málimdedi Eýropalyq ortalyq banktiń (EOB) tóraǵasy Krıstın Lagard.
Onyń pikirinshe, sıfrlandyrýǵa jáne avtomattandyrýǵa kóshý jedeldeıdi, jetkizilim tizbegi qysqarady, al ónerkásip ekologııalyq taza bolady. Eýropalyq ortalyq bank birshama ýaqyt ishinde óte jumsaq aqsha-nesıe saıasatyn júrgizýge májbúr bolady jáne ekonomıkanyń qaıta qurylýyn qarjylandyratyn qarjy quraldaryn ázirleýi kerek, dedi Lagard kontres Ekonomıks d'Aix-en-Provence ekonomıkalyq forýmynda sóılegen sózinde.
"Jańa ekonomıkalyq modelderge kóshý, eń aldymen, sońǵy eki jylda joıqyn bolady. Jumyspen qamtý men óndiriske nuqsan keletini anyq, bolashaqta ónimdiliktiń artýyna úmittene alamyz. Munyń bári tutynýshylyq baǵalarǵa áser etedi", dedi ol.
Lagard hanymnyń paıymdaýynsha, múmkin bul aldymen deflıasııalyq qysym, sodan keıin ınflıasııalyq dınamıka bolýy múmkin.
Keıbir baǵalaýlar boıynsha álemdik ekonomıkadaǵy jetkizý tizbegi shamamen 35%-ǵa qysqarady, al robototehnıka deńgeıi 70-75%-ǵa artady, dedi ol.
Krıstın Lagard sonymen qatar kóptegen adamdar úıde bolýǵa májbúr bolǵan kezde qulyptaý kezeńinde onlaın-saýdanyń qarqyndy óskenin atap ótti. Bul tendensııa, onyń pikirinshe, dástúrli saýdany nasharlatady.
