Aımaqtar • 07 Shilde, 2020

Telemedısına qyzmeti dárigerlerdiń júktemesin azaıtty

22 ret kórsetildi

Nur-Sultanda medısınalyq máseleler boıynsha turǵyndarmen baılanys kúsheıdi. Osylaısha, 705103 jeke nómiri qurylyp, turǵyndarǵa aýrýdyń aldyn alý boıynsha keńes beriledi. Oǵan táýligine orta eseppen 200-den astam qońyraý túsedi. Bul týraly qala ákimdiginiń resmı saıty habarlady, - dep jazady Egemen.kz

"Bizdiń dárigerler telemedısına quraldary arqyly sımptomsyz tasymaldaýshylardy baqylaıdy. Iаǵnı, beıne baılanys arqyly keńes berip, densaýlyq jaǵdaıyna qarap jáne t.b. qyzmetter kórsete alady. DamuMed-pen birigip, naýqasty onlaın qabyldaýǵa jazý jáne beıneqońyraý formatynda tegin keńes alýǵa bolatyn mobıldi qosymsha iske qosyldy. Keńes berý kezinde dárigerge aldyńǵy qabyldaýlar týraly aqparat qoljetimdi bolady. Qabyldaý týraly aqparat dárigerdiń medısınalyq jazbasynda saqtalady. BMSK 31 uıymy elorda turǵyndary úshin tegin beıne-keńester beretin bolady. Búginde oǵan 19 uıym qosyldy, qalǵandary jaqyn arada óz jumysyn bastaıdy", dedi qala ákimi Altaı Kólginov.

Sonymen qatar elordada jedel medısınalyq járdem stansııasynyń telegram-boty (@ns103bot) jumys isteıdi. Qala turǵyndary jedel járdem shaqyrý úshin ótinish bere alady. Keıin shaqyrý jedeldik kategorııasy boıynsha anyqtalady. 24 maýsymnan beri telegram chat-bot 1800 ótinish qabyldady.

Jedel járdem stansııasy janyndaǵy ortalyq KVI anyqtalǵan naýqastardy stasıonarlarǵa jiberedi. Osy sharalardyń barlyǵy shaqyrýlar sanyn edáýir jeńildetýge múmkindik berdi. Eger buryn suranys kóp kúnderi 4,3 myń qońyraý bolsa, qazir 2 myńnan sál artyq. Budan basqa, koronavırýs pen oǵan qatysty qabyldanǵan sharalar týraly barlyq resmı aqparat covid19.astana.kz portalynda jarııalanatyn bolady.

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar