Medısına • 07 Shilde, 2020

Atyraýda bas dáriger palatalardyń bos turǵanyn joqqa shyǵardy

332 ret kórsetildi

Atyraýdaǵy №2 oblystyq aýrýhananyń ınfeksııalyq stasıonarynan shyqqan jergilikti turǵynnyń biri Vadım Bartashevıch palatalardy basqa naýqastarǵa daıyndaý  sátin  beınekameraǵa túsirip, áleýmettik jelige júktegen eken.

"№2 oblystyq aýrýhanada bos oryndar bar. Adamdar aýrýhanaǵa jatyp emdelip, arnaıy apparat arqyly dem alýdy qajet etedi. Biraq, bul jerde olarǵa kómek kórsetetin maman tapshy", - dep  jazǵan ol áleýmettik jelidegi paraqshasynda.

Al, №2 oblystyq  aýrýhananyń bas dárigeri Maǵjan Sıdjanovtyń aıtýynsha, emdelip shyqqan azamat jaǵdaıy jaqsaryp, ambýlatorlyq emdeýge aýystyrylǵan emdelýshilerdiń palatasyn uıaly telefonynyń kamerasyna túsirip alypty.

"Bul jerde dezınfeksııalyq jáne tazalyq jumystary júrgizilip jatqan edi. Qazirgi tańda atalǵan 30 palataǵa "koronavırýstyq ınfeksııa" dıagnozy rastalǵan  naýqastar jatqyzylýda. Aýrýhana shtattyq rejımde jumys isteıdi. Medısınalyq qyzmetkerlerdiń jetispeýshiligi baıqalmaıdy", - deıdi Maǵjan Sıtjanov.

Bas dárigerdiń aıtýynsha,  №2 oblystyq aýrýhananyń juqpaly aýrýlar stasıonarynda barlyǵy 162 adam em qabyldap jatyr.

 

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar