Taǵaıyndaý • 07 Shilde, 2020

Aqan Sataev "Qazaqfılm" AQ prezıdenti qyzmetine taǵaıyndaldy

41 ret kórsetildi

Búgin Qazaqstan Respýblıkasy Mádenıet jáne sport mınıstriniń buıryǵymen Sháken Aımanov atyndaǵy "Qazaqfılm" AQ prezıdent bolyp  Aqan Sataev taǵaıyndaldy. Bul týraly Mádenıet jáne sport mınıstrligine silteme jasaı otyryp Egemen.kz habarlaıdy.

Ujymǵa jańa basshyny Mədenıet jəne sport vıse-mınıstri Nurǵısa Dáýeshov tanystyryp, aldaǵy qyzmetine səttilik tiledi.

Aıta keteıik, bul qyzmetti buǵan deıin Arman Asenov atqarǵan bolatyn.

Aqan Qarǵambaıuly Sataev 1971 jyly Qaraǵandy qalasynda dúnıege kelgen.

1994 jyly Almaty qalasyndaǵy T. Júrgenov atyndaǵy Qazaq ulttyq óner akademııasynyń kıno jáne televıdenıe fakýltetin təmamadaǵan.

2003 jyly "Sataifilm" stýdııasynyń negizin qalap, 2007 jyly "Reketır" atty alǵashqy tolyqmetrajdy fılmin, "Adasqan" mıstıkalyq trıllerin (2009), "Aǵaıyndy" serıalyn (2009), "Lıkvıdator" psıhologııalyq dramasyn (2011), "Jaýjúrek Myń bala" tarıhı fılmin (2012) túsirgen. Sondaı-aq "Raıony" krımınaldyq dramasy men "Anaǵa aparar jol" tarıhı dramasynyń (2016), "Bıznesmeny" (2018), "Tomırıs" (2019) jəne taǵy basqa týyndylardyń rejısseri.

2014 jyly kınoındýstrııa salasynyń úzdik ókili retinde "Halyq súıiktisi" ulttyq syılyǵyna ıe boldy.

2016 jyly jas rejısserlerdi qoldaýǵa baǵyttalǵan Astana Film Found qorynyń negizin qalaǵan.

Sońǵy jańalyqtar

Ury alysqa uzamady

Aımaqtar • Keshe

Uqsas jańalyqtar