Aımaqtar • 07 Shilde, 2020

Jol tártibin buzý qaıǵyly oqıǵalarǵa soqtyrady

25 ret kórsetildi

Jyl basynan beri Soltústik Qazaqstan polısııasy oblystyń joldarynda 20 myńnan artyq quqyqbuzýshylyqtardy tirkegen, dep habarlaıdy Egemen.kz.

Sonyń ishindegi sońǵysy jýyrda ǵana boldy. "Kia Rio" avtomobıliniń 37 jastaǵy júrgizýshisi Qojabergen jyraý kóshesiniń boıyndaǵy aınalma jolda eki birdeı jol belgisin soǵyp, aqyrynda mashınany tastap, ózi oqıǵa ornynan qashyp ketken. Polısııa qyzmetkerleri ony birneshe saǵattan keıin taýyp, JKO jasaǵany jáne memlekettiń múlkin búldirgendigi úshin jaýapqa tartatyn boldy. Sonymen birge kólikke araq iship alyp otyrǵany úshin de ol jaýapkershilik tartatyn bolady. Onyń quqyq buzýshylyǵynyń baǵasyn sot beredi, alaıda jeti jyl júrgizýshilik kýáliginen aırylatyndyǵy qazirdiń ózinde belgili. "Áıteýir bul JKO-da adam zardap shekken joq. Rólge araq iship alyp otyrý – jol tártibin buzýdyń basty sebebi. Ondaılar jol belgileri men bólikterine, jyldamdyqqa, ara qashyqtyqqa mán bermeı qalady. Sonyń kesirinen JKO jasaýǵa sebepker bolady", deıdi PD basqarmasynyń bastyǵy, podpolkovnık Aıdyn Baımatov.

Jyl basynan beri tirelgen 20895 jol erejesin buzý faktileriniń ishindegi 477-in rólge araq iship alyp otyrǵandar jasaǵan. Sondaı-aq jol erejesin jaıaý júrginshiler 2718 ret buzǵan. Bul jol tártibin buzýdyń eń kóp túri.  Odan jyldamdyqty asyrýshylar sany da az emes, barlyǵy 2431. Bir myńnan artyq júrgizýshi qaltafondarymen sóıleskenderi úshin jazaǵa tartylǵan.

Seksennen artyq jol kólik oqıǵasynda 120 adam zardap shekken, onyń 12 qaza boldy. Osynyń ishindegi 74-de JKO-nyń aıyptysy júrgizýshiler ekendigi anyqtalǵan. Jol tártibin qadaǵalaıtyn polısııa qyzmeti túrli sharalar ótkizip, osyndaı qaıǵyly oqıǵalardyń aldyn alýǵa tyrysady. Máselen, sonyń ishinde "Quqyqtártibi", "Qaýipsiz jol" jáne t.b. jedel-profılaktıkalyq sharalar únemi júrgizilýde.

Soltústik Qazaqstan oblysy

Sońǵy jańalyqtar

Bıyl úlken astyqqa oraq erte tústi

Aımaqtar • Búgin, 18:05

KASE-niń jańa mindetteri aıqyndaldy

Ekonomıka • Búgin, 15:25

Ury alysqa uzamady

Aımaqtar • Búgin, 14:46

Dollardyń búgingi baǵamy belgili boldy

Ekonomıka • Búgin, 11:40

Uqsas jańalyqtar