Atalǵan qujatqa sáıkes taraptar AHQO bırjasynda Qor kompanııalary aksııalarynyń lıstıngi máseleleri boıynsha tyǵyz yntymaqtasýǵa jáne keńes berýge nıet bildirip otyr.
– Jekeshelendirý baǵdarlamasyn oryndaýdy aıaqtaý «Samuryq-Qazyna» qory úshin basty mindetterdiń biri bolyp tabylady jáne qor AHQO-nyń damýyna asa múddeli. «Qazatomónerkásip» ǵalamdyq depozıtarlyq qolhattaryn ornalastyrý tájirıbesi onyń keleshekte bırjalyq alań retinde perspektıvasyn kórsetti, – dep atap ótti qor basqarmasynyń tóraǵasy Ahmetjan Esimov.
Yntymaqtastyq barysynda qordyń kompanııalar toby jasaǵan sharttar boıynsha daýlardy sheshý ınstıtýty retinde AHQO halyqaralyq tórelik ortalyǵy men sot eskertpelerin engizý arqyly AHQO ıýrısdıksııasyn belsendi qoldaný kózdeledi. Sonymen qatar qor men «Astana» halyqaralyq qarjy ortalyǵy AHQO-nyń Ekspat ortalyǵy jáne úzdiksiz kásibı damý bıýrosynyń múmkindikterin paıdalanýǵa jáne qarjylyq tehnologııalar, Big Data jáne AHQO-nyń fınteh-ınnovasııany retteýshi salasynda yntymaqtastyq ornatýǵa nıet bildirdi.
– Bizdiń platformanyń múmkindikteri men qyzmeti jedeldetilgen sıfrlandyrý arqyly suranys tabady. Bul kraýdfandıngke de, sıfrly platformalar arqyly san túrli kómek alý, sıfrly bankter, úzdiksiz bilim alý trendi, ıaǵnı dástúrli ýnıversıtetterdiń tolyqtaı onlaın platformasyn meńgerýine tıesili. Biz qorǵa bizdiń alańymyzdy jáne resýrstarymyzdy qoldanýda barynsha kómek kórsetýge daıynbyz, – dedi AHQO basqarýshysy Qaırat Kelimbetov.
Qor men AHQO Jekeshelendirýdiń 2016-2020 jyldarǵa arnalǵan keshendi jospary aıasynda tabysty yntymaqtastyqta birqatar jobany iske asyryp keledi. Máselen, «Samuryq-Qazyna» UÁQ» AQ Qazatomónerkásiptiń buryn ornalastyrylǵan aksııalaryna qolaıly suranysty paıdalana otyryp, «Qazatomónerkásip» kompanııasynyń aksııalary men jahandyq depozıtarlyq qolhattaryn qosymsha ornalastyrý prosesin aıaqtady. Olardy London qor bırjasynda (LSE) jáne Astana halyqaralyq qarjy ortalyǵynyń bırjasynda (AIH) ornalastyrý qorytyndysy boıynsha kompanııa aksııalaryna ınvestorlar tarapynan suranys usynystan 2,9 ese asyp tústi.
Osylaısha, kompanııa aksııalarynyń 6,28%-y 211 mln AQSh dollary nemese 85 mlrd teńgege satyldy. Halyqaralyq ınvestorlar aktıvterge úlken qyzyǵýshylyq tanytýynyń arqasynda AIX-ta ornalasqan «Qazatomónerkásiptiń» 4,3 mln globaldy depozıtarlyq qolhattarynyń ishinen sheteldik ınstıtýsıonaldy ınvestorlar 2,5 mln GDR satyp aldy.
