Aımaqtar • 08 Shilde, 2020

Nur-Sultanda 8 myń adam áleýmettik turǵyn úımen qamtylady

22 ret kórsetildi

Bıyl elordada 8 myń áleýmettik turǵyn úı salynady. Shilde aıynda kezekte turǵan 1200 qala turǵyny baspana kiltin alady. Olar: turmysy tómen azamattar, erekshe kútimdi qajet etetin balalary bar otbasylar, jetim balalar, zeınetkerler, kópbalaly otbasylar jáne turǵyn úı qurylys jınaq bankinde kezekte turǵandar. Bul týraly qala ákimdiginiń resmı saıty habarlady, - dep jazady Egemen.kz

"Bıyl Memleket basshysynyń tapsyrmasy boıynsha, qoljetimdi áleýmettik turǵyn úı kólemi úsh ese artady. Kezekte turǵan segiz myń páter beriledi. Áleýmettik jaǵynan osal toptaǵy, az qamtylǵan qala turǵyndary, jetim balalar, erekshe kútimdi qajet etetin balalary bar otbasylar, zeınetkerler, kópbalaly jáne t.b. jandar páterge ıe bola alady. Karantın kezinde qurylysshylarmen onlaın-keńester ótkizemiz, jumys ýaqyty qadaǵalanady, árqaısysymen jeke jumys isteımiz. Biz óz tarapymyzdan qoldaý kórsetemiz. Turǵyn úı kezegin barynsha jedeldetýge tyrysamyz.

Sonymen qatar bıyl koronavırýspen kúreste aldyńǵy shepte júrgen medısına qyzmetkerleri, muǵalimder, áleýmettik qyzmetkerler, polısııa qyzmetkerleri páter alady. Sondaı-aq bıyl aldaǵy jylǵa daıyndyq júrgizilýde", – dedi qala ákimi Altaı Kólginov.

Bıyl uzaqqa sozylǵan qurylys sebebinen jyldar boıy kútýge májbúr bolǵan 8 myń úlesker óz páterlerin alady.

Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar