Aımaqtar • 08 Shilde, 2020

Altyn óndirý fabrıkasynda 1 myń jumys orny ashylady

40 ret kórsetildi

"RG Gold" JShS altyn óndirý kompanııasy Aqmola oblysynyń Býrabaı aýdanynda ornalasqan jáne Qazaqstannyń eń iri ken oryndarynyń biri – Soltústik jáne Ońtústik Raıgorodok jer qoınaýyn paıdalaný quqyǵyna ıe. Ken ornynyń aýdany 67,7 sharshy shaqyrymdy quraıdy, dep habarlady IIDM baspasóz qyzmeti.

Kompanııa qyzmetkerleriniń sany 850-den astam adam, sondaı-aq merdigerlik uıymdarda 300-den astam qyzmetkerler eńbek etedi. О́ndiris oshaǵy qazirgi ýaqytta qyshqyldanǵan kendi jylyna 2 mln tonna kóleminde úımelik siltisizdendirý ádisimen óńdeıdi jáne dore qorytpasynda jyl saıyn 50 myńnan astam ýnsııa altyn óndiredi. Kompanııa tıimdilikti arttyrý jáne shyǵyndardy azaıtý úshin úımelik siltisizdendirýdiń jańa tehnologııalaryn únemi engizip otyrady.

Jyldyq qýaty 5 mln tonnaǵa deıin bastapqy kendi qaıta óńdeý úshin keńeıtý baǵdarlamasy aıasynda 2018 jyldyń qazan aıynda altyn óndirý fabrıkasyn salý jobasyn jobalaý jáne dızaın jasaý maqsatynda "RG Processing" JShS kompanııasy quryldy. CIP ádisimen sýlfıdti kendi óńdeý baǵytyndaǵy jańa altyn óndirý fabrıkasynyń qurylys jumystary 2022 jyldyń úshinshi toqsanynda aıaqtalyp, iske qosylady dep josparlanýda. Bul rette barlyq óndiriletin ónim jergilikti naryqta satylady.

Zaýyt nóldik shyǵarý júıesi boıynsha jumys isteıdi, osylaısha qorshaǵan ortaǵa lastanǵan sý shyǵarylmaıdy. Budan basqa, fabrıkanyń tehnologııalyq prosesi ónerkásiptik qaýipsizdiktiń eń joǵary talaptary boıynsha salynady, bul rette fabrıka jobasy sıanıdty paıdalanýdyń halyqaralyq kodeksiniń standarttaryna sáıkes oryndalady.

Osy jobaǵa salynǵan ınvestısııalardyń jalpy kólemi 105 mlrd. teńgeni quraıdy, 1 000-nan astam turaqty jumys ornyn qurý josparlanǵan, memlekettik bıýdjetke salyq aýdarymdary jylyna 20 mlrd.teńgeden asady. Osy ınvestısııalardyń arqasynda Qazaqstan ekonomıkasy jańa ınfraqurylymǵa, jumys oryndaryna, adam kapıtalyn jaqsartýǵa, jańa jabdyqtarǵa, salyqtarǵa, halyqaralyq naryqta jalpy pozısııalardyń kúsheıýine, eldiń altyn-valıýta qorlaryn ulǵaıtýǵa múmkindik alady.

Budan bólek, jobany iske asyrý elimizdiń jáne óńirdiń ShOB úshin jańa múmkindikter beredi. Qazirgi ýaqytta júzden astam qazaqstandyq kompanııalar men kásipkerler osy jobanyń merdigerleri boldy. Merdiger uıymdar úshin 300-den astam jumys orny quryldy.

Sonymen qatar óndiris oshaǵy jergilikti kadrlardyń kásibıligi men daǵdylarynyń deńgeıin arttyrýǵa jáne oqytýǵa erekshe nazar aýdarady. Bilim men daǵdylardyń kásibı deńgeıin arttyrý jáne oqytý kásiporyndardyń jumysshy mamandyqtary, ınjenerlik-tehnıkalyq jáne basqarý ujymy úshin júrgiziledi.

Kásiporyn qaldyqsyz óndiristiń ozyq jáne tıimdi tehnologııalaryn ázirleý jáne engizý arqyly qorshaǵan ortaǵa áserdi tómendetýge barynsha tyrysady. Turaqty negizde qorshaǵan ortaǵa (atmosferalyq aýa, topyraq jamylǵysy, jerasty sýlary) zertteýler júrgiziledi, munda shyǵaryndylardyń shekti deńgeıleri qatań tekseriledi jáne baqylanady. Sondaı-aq, kásiporyn boıynsha tabıǵatty qorǵaý is-sharalarynyń 2015-2024 jyldarǵa arnalǵan jospary ázirlendi. Apta saıynǵy negizde kásiporynnyń óndiristik bólimshelerine ishki ekologııalyq baqylaý júzege asyrylady jáne qyzmetkerlerdiń jaýapkershiliginiń fýnksıonaldyq qurylymyna sáıkes anyqtalǵan buzýshylyqtardy joıý úshin qorytyndylar shyǵarý jáne uıǵarymdar berý boıynsha keńester ótkiziledi.

RG Gold jergilikti halyqtyń ómir súrý sapasyn damytýǵa jáne jaqsartýǵa múddeli, sebebi bul jumystyń tıimdiligi men sapasyna tikeleı áser etedi. Jalpy kompanııa qyzmeti qajetti ınfraqurylym (joldar, elektrmen qamtamasyz etý, sýmen qamtamasyz etý, ınjenerlik qurylystar jáne t.b.) salý úshin qarjylandyrý kózine aınaldy, joǵary aqy tólenetin jumys oryndaryn, kásibı jáne mansaptyq ósý múmkindikterin qamtamasyz etedi, adamdarǵa erteńgi kúnge degen senimdilikti sezinýge múmkindik beredi. Budan basqa, kompanııa jyl saıyn jergilikti turǵyndardyń ál-aýqatyn arttyrýǵa baǵyttalǵan áleýmettik jobalarǵa 100 mln.teńgeden astam qarjy bóledi.

Sońǵy jańalyqtar

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Ury alystan kelmepti

Aımaqtar • Búgin, 10:15

El ishindegi ózekti máseleler eksheldi

Aımaqtar • Búgin, 09:59

Shashtan shahmat tasyn jonady

Tanym • Búgin, 07:44

Onlaın-sórede – oıly kitaptar

Rýhanııat • Búgin, 07:42

Áýlıeatalyqtar asarlatyp úı salýda

Aımaqtar • Búgin, 07:36

Qaıran aýa, qymbattap barasyń ba?

Rýhanııat • Búgin, 07:29

Jaman tumaýmen jaǵalasý kúsheımek

Aımaqtar • Búgin, 07:26

Dárigerlerge kólik syılady

Oqıǵa • Búgin, 07:17

Aqmolalyq dıqandar alqapqa shyqty

Qoǵam • Búgin, 07:14

Kenjelegen salany kóteretin kúsh qaıda?

Ekonomıka • Búgin, 07:13

Sońǵy pasıent úıine qaıtty

Qoǵam • Búgin, 07:05

Kúltóbeden ejelgi Hanaka tabyldy

Oqıǵa • Búgin, 06:59

Jamantaýdy joǵaltyp almaıyq

Rýhanııat • Búgin, 06:50

Senat depýtattary saılandy

Saılaý • Búgin, 06:48

Ádepti ádemi ustaz

Rýhanııat • Búgin, 06:47

Uqsas jańalyqtar