Qazaqstan • 08 Shilde, 2020

Sapa baqylaý mamandary 5,5 myńnan astam sapar jasady

290 ret

kórsetildi

1 mın

oqý úshin

Avtomobıl joldary komıteti Jol aktıvteri sapasynyń ulttyq ortalyǵy Qazaqstan joldaryndaǵy qurylys, qaıta jańartý jáne jóndeý jumystaryn saraptaýdy jalǵastyrýda. Osy jyldyń 6 aıynda ortalyq mamandary eldegi joldarǵa 5647 ınspeksııalyq sapar jasady, dep habarlady IIDM baspasóz qyzmeti.

Suńǵat ÁLIPBAI

Sapa baqylaý mamandary 5,5 myńnan astam sapar jasady

Osylaısha respýblıkalyq mańyzy bar avtomobıl joldaryna 3732 ınspeksııalyq sapar, jergilikti joldardyń jelisine 1915 sapar jasalǵan. Osy ýaqyt aralyǵynda Jol aktıvteri sapasy ulttyq ortalyǵynyń qyzmetkerleri joldarda 3,9 myń olsýngqylyqty anyqtady, jol-qurylys materıaldarynyń 9 myń synamasyn alyp, synaqtan ótkizdi.

Budan bólek, osy jyldyń alǵashqy jartyjyldyǵynda joldardyń 2442 shaqyrymy quraldyq dıagnostıkadan, 1457 shaqyrymy jol ýchaskeleriniń kepildi monıtorınginen ótkizildi.

Jalpylaı alǵanda, 2020 jyly Qazaqstanda joldardaǵy jumystar men qurylys materıaldarynyń sapasyn saraptaý aıasynda el joldaryna 6700 ınspeksııalyq sapar jasalsa, joldardyń 11680 shaqyrymy quraldyq dıagnostıkadan, joldardyń 4665 shaqyrymy kepildi ýchaskelerindiń monıtorınginen ótpek.