Aımaqtar • 08 Shilde, 2020

Jambylda koronavırýspen kúreste tıisti jumystar júrgizilýde

104 ret kórsetildi

Álemdi ábigerge salyp otyrǵan koronavırýs indetimen aýyrǵandar sanynyń ósýi Jambyl oblysynda da baıqalýda. Búgingi tańda óńirde qaýipti indetti juqtyrǵandar sany 1866 adamǵa jetip otyr. Koronavırýs indetiniń aldyn alý maqsatynda oblys boıynsha 5 shildeden bastap qatań shekteý sharalary engizildi. О́ńirde qoǵamdyq kóliktiń, jabyq bazarlar men azyq-túlik jáne azyq-túlik emes dúkenderdiń, qoǵamdyq tamaqtaný jáne basqa da kásipkerlik nysandardyń jumysyna shekteý qoıyldy, - dep habarlaıdy Egemen.kz.

 

Jalpy, qaýipti indetpen kúresýde Áýlıeata óńirinde qandaı sharalar qabyldanyp, qandaı jumystar atqarylýda? Atalǵan máselege baılanysty Jambyl oblysynyń ákimi Berdibek Saparbaev óńirlik kommýnıkasııalar qyzmetiniń alańynda brıfıng ótkizdi. Ákimniń aıtýynsha, oblysta ótken táýliktiń ózinde 77 jaǵdaı tirkelgen. Onyń ishinde 43 naýqas sımptommen jáne 34 naýqas sımptomsyz jaǵdaıda anyqtalǵan. Al, ınfeksııalyq stasıonardan jalpy sany 598 adam saýyǵyp shyqqan. О́kinishke qaraı, 3 adam qaıtys bolǵan. Onyń ishinde 2 turǵyn jergilikti azamattar bolsa, 1 turǵyn Pavlodar oblysynyń týmasy bolǵan. Búginde 384 naýqastyń jaǵdaıy ortasha bolsa, 70 naýqastyń jaǵdaıy jeńil dárejede bolyp otyr. Sonymen qatar, ókpeniń qabyný dıagnozymen 896 adam aýrýhanaǵa jatqyzylyp, 732 naýqas em qabyldaýda eken. О́z sózinde Berdibek Saparbaev oblysta koronavırýs indetin emdeý jáne oqshaýlaý sharalaryn uıymdastyrý maqsatynda jalpy 1855 tósek qory jasaqtalǵanyn atap ótti. Sondaı-aq, oblysta 10 kompıýterlik tomografııa apparaty jumys atqarady. Taǵy bir aıta keterligi, ınfeksııalyq 665 tósek qoryn 1490-ǵa jetkizý maqsatynda qosymsha oryndar ázirlenýde eken. Al, ákim óńirlik stasıonarlarda búginde 146 IVL apparaty táýlik boıy jumys atqaratyn bolsa, jýyq arada taǵy da sondaı 50 apparat alý josparlanýda ekenin jetkizdi.

Qazirgi kezde memleket tarapynan turǵyndar ıgiligi úshin tıisti qoldaýlar kórsetilip keledi. Jıyn barysynda Berdibek Saparbaev 1662 medısınalyq qural-jabdyqtar alý úshin respýblıkalyq bıýdjetke 4,9 mıllıard teńgege ótinim usynylǵanyn málimdedi. Onyń ishinde IVL apparattary, monıtorlar, ottegi konsentratorlary, pýlsoksımetr sııaqty medısınalyq qural-jabdyqtar bar. «Kadr tapshylyǵy da búgingi kúni ózekti máselege aınalyp otyr. Jasaqtalǵan 1855 tósek qoryna 1146 medısınalyq qyzmetker tartylyp, jumys isteýde. Onyń ishinde 207 dáriger, 498 orta býyn medısına qyzmetkeri jáne 441 kishi býyn medısına qyzmetkeri bar. Qosymsha 565 medısına qyzmetkerine qajettilik bar. Onyń ishinde 435-i naqty anyqtalyp, tartyldy», dedi Berdibek Saparbaev. Ákimniń aıtýynsha, medısına qyzmetkerleri de aýrýǵa jıi shaldyǵýda eken. Brıfıng barysynda Berdibek Saparbaev koronavırýs indetimen kúresýge jalpy 2,3 mıllıard teńge bólingenin, Memleket basshysy Qasym-Jomart Toqaevtyń tapsyrmasyna sáıkes, 2585 medısına qyzmetkerlerine 762,4 mıllıon teńge ústemaqy tólengenin atap ótti. Sonymen qatar, oblysta PTR testileý 6 PTR zerthanasynda ótkiziletinin, aǵymdaǵy jyldyń 29 qańtarynan bastap kúni búginge deıin jalpy 64 myń 187 testileý júrgizilgenin jetkizdi. Ákimniń aıtýynsha, emdeý sharalaryna jumyldyrylǵan medısına qyzmetkerleri demalys oryndarymen qamtamasyz etilgen, 6 qonaqúıge jalpy 409 medısına qyzmetkeri ornalastyrylyp, olardyń júrip-turýyna arnaıy tasymaldaý kóligi uıymdastyrylǵan.

  Búgingi tańda jergilikti turǵyndar úshin dári-dármekterdiń jetispeýshiligi de kúrdeli máselelerdiń biri bolyp otyr. Dárihanalardyń aldynda saǵattap kezekte tursa da turǵyndar qajetti dárilerin taba almaı jatqandaryn aıtyp, shaǵymdanýda. Bul oraıda Berdibek Saparbaev askorbın qyshqyly, eýfılın, glıýkoza jáne basqa da dárilerdiń jetispeı jatqanyn aıtyp, búginde oblys boıynsha 486 farmasevtıkalyq nysandardyń jumys istep turǵanyn jetkizdi. Onyń ishinde 447 dárihana jáne ózge de nysandar bar. Al, oblysta engizilgen qatań shekteý sharalaryna baılanysty Taraz qalasy men barlyq aýdandarda 43 monıtorıngtik toptary qurylǵan. Monıtorıng toptarynyń tarapynan 2050 nysanǵa tekserý júrgizilgen. Tekserýler barysynda 340 nysanda karantın talaptarynyń saqtalmaýy anyqtalǵan. Sondaı-aq, Berdibek Saparbaev 235 nysanǵa eskertý berilgenin, 75 nysanǵa aıyppul salý týraly hattama toltyrylyp, sotqa joldanǵanyn jáne 30 nysannyń jabylǵanyn málimdedi. Sotqa joldanǵan hattama boıynsha 12 nysanǵa 1,7 mıllıon teńgege aıyppul salynǵan. Bir ókinishtisi, sońǵy 7 kúnde naýqastardyń sany 414 adamǵa ósken. Taraz qalasynyń ózinde 260 adam tirkelgen. Brıfıng barysynda Berdibek Saparbaev mundaı ósim kórsetkishi turǵyndar tarapynan sanıtarııalyq talaptardy saqtamaý saldarynan oryn alyp otyrǵanyn aıtyp ótti.

 

Jambyl oblysy

 

Sońǵy jańalyqtar

Bas prokýratýra Damumed-ti tekseredi

Qazaqstan • Búgin, 17:15

Tumandy Albıondaǵy COVID-19

Koronavırýs • Búgin, 16:15

COVID-19: Túrkııadaǵy indetpen kúres

Koronavırýs • Búgin, 14:57

COVID-19: Latyn Amerıkasy lapyldap jatyr

Koronavırýs • Búgin, 14:14

Afrıkany kezgen COVID-19

Koronavırýs • Búgin, 13:36

Dollardyń búgingi baǵamy belgili boldy

Ekonomıka • Búgin, 12:15

Atyraýda karantın talaby ózgerdi

Aımaqtar • Búgin, 11:43

Uqsas jańalyqtar