Medısına • 08 Shilde, 2020

Taır Nurpeıisov: Allergııasy barlarǵa qamqorlyq pandemııa kezinde de jalǵasady

18 ret kórsetildi

Dúnıejúzilik allergologııalyq uıymy (WAO) jyl saıyn dástúrli túrde 8 shildede atap ótiletin Dúnıejúzilik allergııa kúni aıasynda túrli ózekti taqyryptardy usynady.  Bıylǵy ataýly kún "Allergııamen aýyratyndarǵa qamqorlyq jasaý COVID-19 kezinde de toqtatylmaıdy" uranymen ótkiziledi, dep habarlaıdy Egemen.kz.

Osy bastamany Almatydaǵy Kardıologııa jáne ishki aýrýlar ǴZI Respýblıkalyq allergologııalyq ortalyǵy da qoldap otyr.

Qazaqstan shilde aıynda koronavırýs ınfeksııasy indetiniń qaıtalanýyn basynan ótkizýde, bul kóbine allergııalyq aýrýlardyń basty qozdyrǵyshy bolyp tabylatyn aram shópterdiń gúldene bastaýymen sáıkes kelip otyr.

Allergııalyq rınıt, bronh demikpesi, esekjem – jaz mezgilindegi tozańdyq allergııanyń ádettegi klınıkalyq kórinisi. Allergııa sımptomdarynyń kóbi JRVI nemese pnevmonııaǵa uqsas. Allergııamen aýyratyndarǵa dárilik zattardy qabyldaý kezinde qosymsha qaýipter bar, al demikpesi barlardyń KVI kezinde derti tez asqynady. Osy jáne basqa taqyryptar boıynsha Respýblıkalyq allergologııa ortalyǵynyń allergolog dárigerleri pasıentterge qashyqtyqtan nemese konsýltasııa berý kezinde jeke túsinik bere alady.

Ortalyqtyń basshysy, medısına ǵylymynyń doktory, professor Taır Nurpeıisovtyń aıtýynsha, Respýblıkalyq allergologııalyq ortalyq bıylǵy barlyq qıyndyqtarǵa qaramastan, elimizdiń barlyq óńirleriniń halqyna konsýltasııalyq-dıagnostıkalyq qyzmet kórsetýde óz jumysyn toqtatqan joq.

- Biz pasıentterdiń qaýipsizdigi úshin barlyq qajetti tehnologııalardy meńgerdik jáne ony tájirıbemizge engizdik. Eresekterge de, balalarǵa da konsýltasııany mindetti áleýmettik medısınalyq saqtandyrý sheńberinde tegin alýǵa bolady, – dedi Taır Temirlanuly.

        Al endi ózimizdiń tájirıbemizden allergııaǵa shaldyqqandar úshin mynadaı birneshe qajetti keńes beremiz:

– Antıbıotıkter áli kúnge deıin allergııalyq reaksııalardy týdyrýshy retinde basqa dárilerdiń arasynda birinshi kezekte tur! Profılaktıkalyq maqsatta antıbıotıkterdi qabyldamańyzdar! Dárige degen allergııalyq reaksııa sizdiń ómirińiz ben densaýlyǵyńyzǵa qaýip tóndiredi.

– Allergııalyq aýrýlardy emdeý KVI qaýpinen toqtatylmaýy tıis. Allergolog dárigerdiń taǵaıyndamalaryn oryndańyz, negizgi preparattardy qabyldańyz!

– Allergııalyq aýrýlardyń qatty asqynýyn kútpeı-aq, allergologtan aldyn ala keńes alyńyz.

– Eger siz allergııaǵa shaldyǵyp, basqa preparattardy shuǵyl qabyldaýǵa muqtaj bolsańyz, bul rette olardyń qaýipsizdigine senimdi bolmasańyz – olardy qabyldaýdy zamanaýı antıgıstamındi zattar (mysaly, levosetırızın) kórinisinde bastańyz. Olar shoktyń damý qaýpi men basqa allergııalyq asqynýlardyń qaýpin azaıtady.

– Eger siz allergııaǵa shaldyqsańyz – bıologııalyq belsendi qospalar, polıvıtamınder jáne ósimdikten jasalǵan preparattardan bas tartyńyz – olardyń paıdasy bar da shyǵar, alaıda qaýpiniń bolatyndyǵy meılinshe naqty.

– "Tabıǵatta", aýylsharýashylyq jumystarynda, ósimdik, jándiktermen tyǵyz baılanysta bolýdy shekteńiz.

– О́zińizdi hlordan jáne qoǵamdyq oryndarda sebiletin basqa antıseptıkterden qashyqtyqta ustańyz, olar densaýlyqqa zııan keltirýi múmkin, úıde hımııany paıdalanýdy shekteńiz.

– Dıeta ustańyz.

– Dúrbeleńge jol bermeńiz, allergııany toqtatýǵa arnalǵan zattar qoljetimdi jáne olar satylymda bar!

– Ǵalamtordaǵy "sarapshylardyń" "paıdaly" keńesin tyńdamańyz. Aqparatty mamandardan tekserińiz.

Kardıologııa jáne ishki aýrýlar ǴZI Respýblıkalyq allergologııa ortalyǵy telefon, E-mail, belgili messendjerler jáne áleýmettik jeliler arqyly kómek kórsetýge daıyn.

Sońǵy jańalyqtar

Bas prokýratýra Damumed-ti tekseredi

Qazaqstan • Búgin, 17:15

Tumandy Albıondaǵy COVID-19

Koronavırýs • Búgin, 16:15

COVID-19: Túrkııadaǵy indetpen kúres

Koronavırýs • Búgin, 14:57

COVID-19: Latyn Amerıkasy lapyldap jatyr

Koronavırýs • Búgin, 14:14

Afrıkany kezgen COVID-19

Koronavırýs • Búgin, 13:36

Dollardyń búgingi baǵamy belgili boldy

Ekonomıka • Búgin, 12:15

Atyraýda karantın talaby ózgerdi

Aımaqtar • Búgin, 11:43

Uqsas jańalyqtar