Aımaqtar • 08 Shilde, 2020

Murat Áıtenov epıdemıologııalyq jaǵdaıdy turaqtandyrýǵa baryn salýda

86 ret kórsetildi

Sońǵy aptada Shymkent qalasynda JRVI-men qatar (ORVI) pnevmonııa indeti asqynyp ketti. Saldarynan shahardaǵy aýrýhanalarda  naýqastar shamadan tys artty. Al, dárihanalarda dári-dármek tapshylyǵy oryn aldy. Janyna shıpa izdegen turǵyndar úlkendi-kishili dárihana aldynda uzan-sonar kezekke turdy.

Mine osy tótenshe jaǵdaı kezinde baǵanyń kúrt ósip ketýiniń aldyn alý maqsatynda qala ákimi Murat Áıtenovtyń tóraǵalyǵymen shuǵyl top quryldy. Ári Shymkenttegi dári-dármek baǵasynyń turaqtylyǵyn baqylaýǵa kóshti. Arnaıy top birqatar dári dúkenderiniń baǵany zańsyz kótergendigin anyqtap, tıisti shara kórdi. Atqarylǵan jumystar týraly qala ákimi Murat Dúısenbekuly tikeleı efır arqyly turǵyndarǵa esep berdi, dep habarlaıdy Egemen.kz.

Esterińizge salar bolsaq, dál búgingi jaǵdaı boıynsha qalada koronavırýs juqtyrǵan 3 596 azamat tirkelip, 2097 naýqas emdelip shyqty.

"Aǵymdaǵy jyldyń 1 maýsymynda 867 koronavırýs juqtyrǵan azamat tirkelse, aǵymdaǵy jyldyń 1-shi maýsymynan 7-shi shilde aralyǵynda 2729 jaǵdaı tirkeldi. 
Iаǵnı, naýqastar sany kúrt artty", dedi Murat Áıtenov.

Jyldyń birinshi maýsymynda juqpaly aýrýhanalarda tósek oryn qory 490 bolǵan. Al, maýsym aıynyń sońyna deıin qosymsha 160 tósek oryn uıymdastyrylyp, nátıjesinde tósek oryn qory 650-ge jetti. Onda 1 maýsym men 7 shilde aralyǵynda 1640 naýqas jatqyzyldy. Onyń ishinde 1276 koronavırýs juqtyrǵandar.

Shymkentte elimizde alǵash bolyp pnevmonııa men jrvı aýyrǵandarǵa 633 tósek-oryn uıymdastyryldy. Bul jóninde baspasóz máslıhatynda Shymkent qalasynyń ákimi Murat Áıtenov málimdedi.

Shymkent qalasynda respýblıkada alǵashqylardyń biri bolyp, aǵymdaǵy jyldyń 25-shi maýsymynda 51 emhanalarda JRVI-men pnevmonııamen aýyrǵan naýqastarǵa 633 tósek oryn uıymdastyryldy.

1

Onyń ishinde 319-y memlekettik birinshi medıko-sanıtarlyq kómek uıymdarynda, 314-i jeke uıymdarda ashyldy. Kúnine orta eseppen 2000 naýqas qamtylýda. Búgingi kúni 2753 naýqas emdelip shyqqan. 

250 "bobrov" tynys alý apparaty men 10 monıtor... 

Qala ákiminiń aıtýynsha shahardaǵy medısınalyq qajetti tehnıkalar qory jetkilikti. Osyǵan oraı aýrýhanalardy materıaldyq qural-jabdyqtarmen qamtý isi de qolǵa alyndy. Asa qajet degen quraldar kezeń-kezeń kezeńimen jetkizilýde.

«Qalada medısınalyq mekemelerde 323 IVL apparattary bar, onyń 130 portatıvti apparat. Sonymen qatar, 250 «Bobrov» tynys alý apparattary jáne 10 monıtor alyndy», dedi baspasóz máslıhatynda qala ákimi Murat Áıtenov.

Qazirgi tańda 6 aýrýhanada arnaıy kıslorod stansııalary ornatylýda.
Qalalyq ákimdiktiń rezervinen koronavırsqa qarsy sharalarǵa 1,8 mlrd. teńge bólindi. Onyń 854 mln.teńgesi materıaldyq-tehnıkalyq bazany kúsheıtýge baǵyttalǵan.

21 IVL apparattary alynyp, jaqyn arada qoıylatyn bolady. Odan bólek, qalalyq bıýdjetti ońtaılandyrý jumystary júrgizilýde, qosymsha IVL, basqa da qural-jabdyqtar, dári-dármekter satyp alýǵa 5 mlrd.teńge qarjy baǵyttaý josparlandy.

Sonymen qatar medısına salasynyń qyzmetkerlerin qoldaý sharalary Medısına qyzmetkerleriniń KVI-men aýyrǵan 569 jaǵdaıy tirkelgen. Onyń 129-y Túrkistan oblysynyń medısına qyzmetkerleri (dáriger 143, medbıke 258, basqa personal 128).          Jalpy jaǵdaıdan úlesi 15,8 paıyz.   

2

Medısına qyzmetkerlerin qoldaý maqsatynda 2 764 medısına qyzmetkerlerine 780 mln.teńge eńbek aqylaryna ústemeaqy tólendi.

Sonymen birge, halyq qory jáne demeýshilerdiń esebinen 935 medıısna qyzmetkerlerine 42,4 mln.teńgege materıaldyq kómek kórsetildi.

336 naýqastarmen tyǵyz baılanysta juqpaly aýrýhanalar medısına qyzmetkerlerin qonaq úılerde turý, tamaq berý, jumysqa qatynaýy uıymdastyryldy.

Murat Áıtenov epıdemıologııalyq jaǵdaıǵa baılanysty aǵymdaǵy jyldyń 1-shi shildesinen bastap, 20-shy shildesine deıin qalada qaıtadan karantın sharalary engizilgenin atap ótti.

Barsha shymkenttikterdi bul shekteý sharalaryna túsinistikpen qarap, osyndaı qıyn kezeńde dúrbeleńge salynbaı, saqtyq sharalaryn qatań ustanýǵa shaqyrdy. 

Zańsyz dári-dármek saqtaǵandar jaýapka tartylady 

Búginde qalada 10 iri kóterme dári-dármek jáne medısınalyq qural-jabdyq jetkizip berýshi mekemeler jumys isteýde. Bul týraly atalǵan brıfıngte Murat Áıtenov aıtyp ótti.

"Tirkelgen 730 dárihananyń 560 jumys isteıdi. Búgingi kúni qalada bir aılyq dári-dármek qory bar, onyń ishinde dene qyzýyn tómendetetin 115 843 preparat 136 352 vırýsqa qarsy preparattar 133 040 antıbıotıkter. 44 253 qorap «S vıtamınderi» bar. Shymkent qalasynyń taýarlar men kórsetilgen qyzmetterdiń sapasy men qaýipsizdigin baqylaý Departamenttiń aýdandyq Basqarmalarymen birlesip, 4 monıtorıngtik top qurylylǵan. Monıtorıng barysynda baǵasyn negizsiz ósirgen jaǵdaıda ákimshilik sharalary kórsetiletini eskertildi. Dárihanada joq dárilerdiń ornyna balamalaryn usyný da eskertilgen", dedi Murat Dúısenbekuly.

3

Sonymen qatar polısııa departamentiniń tarapynan Shymkent qalasy Álimqulov kóshesinen zańsyz dári dármek jáne medısınalyq quraldaryn saqtaý jaǵdaıy anyqtaldy. Atalǵan jaǵdaı boıynsha qylmystyq is qozǵalǵan. 

Pnevmonııadan jazylyp shyqqandardyń qatary kóp 

Osy jyldyń maýsym aıynyń basynan beri JRVI-men (ORVI) pnevmonııamen aýyrǵandar boıynsha Shymkent qalasynda 3 provızorlyq stasıonarda 320 tósek oryn ashylǵan bolatyn. Al, 15-30 maýsym aralyǵynda 23 provızorlyq stasıonarda 2 960 tósek oryn uıymdastyrylǵan.

Búgingi tańda 26 memlekettik jáne jeke nysandarda 3010 provızorlyq tósek oryn jumys istep tur.

"Birnshi maýsymnan bastap 6340 pnevmonııamen syrqattanýshylyq tirkeldi. Onyń 6060 nemese 95,6 paıyzy aýrýhana jatqyzyldy. Búgingi kúni 60 paıyzy nemese 3639 naýqas emdelip shyqty", deıdi qazirgi jaǵdaıǵa toqtalǵan qala ákimi.

Aıta keterligi, Shymkentte osy jyldyń 1 maýsymynan bastap JRVI men syrqattaný boıynsha 11 891 jaǵdaı tirkelgen. Onyń ishinde 535-y aýrýhanaǵa jatqyzylyp, 460 naýqas emdelip shyqqan.

Shymkent

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Uqsas jańalyqtar