Aımaqtar • 08 Shilde, 2020

Ermek Marjyqpaev: Indetpen kúresýge qaýqarymyz jetedi

70 ret kórsetildi

"Indetpen kúresýge qaýqarymyz qaptal jetedi" dedi brıfıng barysynda oblys ákimi Ermek Marjyqpaev. 
Oblys ákimi sóz basynda el Prezıdenti Qasym-Jomart Toqaevtyń epıdemıologııalyq jaǵdaıdyń nasharlaýyna baılanysty ulttyq logdaýn engizý týraly sheshim qabyldaǵany el qamyn jegen oń shara ekendigin atap ótti, dep habarlaıdy Egemen.kz.

Búgingi kúni oblysta 1513 koronavırýs ınfeksııasyn juqtyrý oqıǵasy oryn alsa, onyń 545-i syrqat belgileri bar, 968-i syrqat belgisi bilinbeıtin naýqastar. О́kinishke oraı, 23 adam indet saldarynan opat boldy. Bir aptanyń ishinde indet juqtyrǵan 330 oqıǵa oryn alsa, sońǵy táýlikte kórsetkish 2 prosentke ósti. Iаǵnı, 29 oqıǵa tirkeldi.

Oblystaǵy medısına uıymdary qazir kúsheıtilgen rejımde jumys isteýde, 1084 adam aýrýhanalarǵa jatqyzylǵan. Onyń 38-iniń jaǵdaıy aýyr bolsa, 7-ýiniń jaǵdaıy óte aýyr. 385 adam syrqattan aıyǵyp shyqty.

Naýqastardy emdeý 10 juqpaly jáne 26 provızorlyq stasıonarda júzege asyrylýda. Juqpaly aýrýdan emdeý emhanalarynda 780 oryn,provızorlyq emhanada 1355, karantındik emdeý oryndarynda 50 tósektik oryn bar.

El ishinde aýrýdyń aldyn alý maqsatynda aýqymdy jumys júrgizilip jatqanymen sońǵy úsh aptada Jarqaıyńda 11 ese, Egindikólde 6,5 ese, Aqkólde 5, Jaqsyda3,3, Býrabaı aýdanynda jáne Stepnogorsk qalasynda 1,3 ese indet kólemi kóbeıip ketti. О́kinishke oraı, jaman tumaýdy juqtyrý oqıǵasy turǵyndar arasynda ǵana emes, medısına qyzmetkerleriniń arasynda da etek alýda. 43 dáriger men 119 orta býyn medısına qyzmetkerleri juqpaly aýrý juqtyrdy.

Osyǵan deıin juqpaly aýrý Nur-Sultan qalasyna jaqyn mańdaǵy eldi mekenderde: Selınograd, Arshaly aýdandarynda taraǵan bolatyn. Qazir ózge aýdandarda da jaıylyp barady. Oblys ákimi COVID-19 vırýsymen kúresý úshin sońǵy úsh aptada aýrýhanalardaǵy tósek oryndardyń 2,5 esege óskenin atap ótti. Juqpaly dertpen kúreske qosymsha 1,7 mıllıard teńge qarastyrylǵan. Qajetti qarjy úkimettiń rezervinen de bólinip otyr. 1 mıllıard teńgeden astam qarajat jergilikti atqarýshy organnyń rezervindegi aqsha. 850 mıllıon teńgege qorǵanysquraldary satyp alynǵan. 450 mıllıon teńge 17 jasandy tynys alý apparattaryn satyp alýǵa jumsalǵan. 834 mıllıon teńgege 1,2 mıllıon dana jeke qorǵanys quraldary alyndy. Oblystyń medısına uıymdarynda 247 apparat bar. Osy oraıda, "Tynys" aksıonerlik qoǵamynyń indetti jeńip shyǵýǵa zor úles qosyp otyrǵandyǵyn aıta ketýge bolady. Ujym demeýshi retinde 17 apparatty aýrýhanalarǵa syıǵa tartty. Oblys ákiminiń aıtýyna qaraǵanda, óńirde dárigerlerdiń jetispeýshiligi baıqalýda. Qazirgi tańda 1640 dáriger jumys istep jatyr. Soǵan qaramastan naqty aıtqanda, 413 dáriger jetispeıdi. Eger qosymsha tósek oryndar qoıylatyn bolsa, onda taǵy da 1975 medısına qyzmetkeri qajet bolýy ábden múmkin. Qazir joǵary medısına kolledjiniń 133 túlegimen tıisti jumys júrgizilýde. Olardyń arasynan 33 feldsher jedel járdem qyzmetine, 7-eýi qalalyq emhanalarǵa, 91 orta medısına qyzmetkerleri alǵashqy medısınalyq sanıtarlyq kómek kórsetý salasyna baǵyttalatyn bolady. Barlyq emhanalarda jedel brıgadalar jasaqtaldy. Brıgadalar quramyna dárigerler, orta býyn medısına qyzmetkerleri, feldsherler engizilgen. Sandyq rentgen apparatpen jabdyqtalǵan. Em taǵaıyndaýǵa kómek kórsete alady. Qazirgi kúni emhanalar men jedel járdem qyzmetine aýyr salmaq túsip otyrǵanyn eskere kele turǵyndarǵa jedel kómek kórsetý úshin 25 avtokólik bólindi. Barlyq medısına uıymdary qajetti qural-jabdyqtarmen tolyq qamtamasyz etilgen.

Qazaqstan Respýblıkasy Prezıdentiniń tapsyrmasyna oraı, medısına qyzmetkerlerin qoldap, yntalandyrý úshin 558,2 mıllıon teńge qarajat bólindi. Qosymsha aqy 4189 adamǵa tólendi. Astana kúni qarsańynda óńirdegi 15 medısına qyzmetkeri eren eńbekterine oraı joǵary memlekettik marapattarǵa ıe boldy. Oǵan qosa tótenshe jaǵdaıǵa baılanysty medısına qyzmetkerlerin materıaldyq turǵydan qoldaý úshin 80,5 mıllıon teńge qarajat bólindi.

Juqpaly aýrýlardan emdeıtin aýrýhanalarda 780 tósek oryn bolsa, qazir onyń 45 prosenti  paıdalanylýda. Sońǵy kúnderi Atbasar aýdanyndaǵy Marınovka týberkýlez bólimshesinde qosymsha 100 tósek oryn daıyndaldy. Esil aýdandyq aýrýhanasynyń janyndaǵy "Araı" saýyqtyrý ortalyǵynyń bazasynda qosymsha tósek oryndar daıyndaldy. Memlekettik jáne jekemenshik mekemelerde áli de  1162 tósek oryn bar. Tamyz aıynyń 1-ine deıin indet juqtyrǵan naýqastardy ornalastyrý úshin 5000-nan astam tósek oryn daıyn bolady.

Turǵyndar tarapynan dári-dármektiń jetimsizdigi týraly ókpe-naz týyndap jatyr. Onyń ishinde ókpeniń qabynýynan jáne jaman tumaýdan emdeýge qajetti dári-dármektiń jetimsizdigi týraly dabyl qaǵylýda. Shyntýaıtynda mundaı másele bar. Oblys ákimdigi dári-dármekpen qamtýmáselesin "SK-Farmasııa" jaýapkershiligi shekteýli seriktestigimen birlese otyryp, júzege asyrýda. 71 mıllıon teńgege «Alývıa» preparaty alyndy. Áıtkenmen áli de keıbir dárihanalarda dári-dármek jetimsiz. Kúni keshe ǵana birneshe kelisim jasaldy. Dári-dármek dárihanalarǵa jetkizile bastady. Qıyn ýaqytta dári-dármektiń baǵasyn kóterip, bas paıdasyn oılaý adamgershilikke jatpaıdy. Taıaýda ǵana Kókshetaý qalasynyń turǵyny suranysqa ıe dári-dármekti óz úıinda satqandyǵy anyqtaldy. Osy oqıǵaǵa oraı qylmystyq is qozǵaldy.Turǵyndarǵa jáne karantındik adamdarǵa járdem berý úshin ár emhananyń janynda Call-ortalyqtar jumys isteıdi. Oblys ortalyǵyndaǵy qandaı dárihanalarda qajetti dári-dármekterdiń bar ekendigi týraly aqparat alýǵa bolady. Búgingi kúni oblysta 3 laboratorııa jumys isteıdi. Negizgisi ulttyq saraptama ortalyǵynyń fılıaly. Onda táýligine 800-den 1000 adamǵa deıin tekserýden óte alady. Ústimizdegi jyldyń sáýir aıynyń 17-nen beri 70321 synama zertteý ótkizilse, 3537 jedel  ádis boıynsha júrgizildi.

Jaman tumaýǵa baılanysty oblys turǵyndaryn jumyspen qamtý da aıryqsha mańyzdy. Qazirgi kúni 6000-ǵa jýyq bos jumys orny bar. Bizdiń mindetimiz turǵyndardy taryqtyrmaı jumyspen qamtamasyz etý.

Eń bastysy árkim óziniń jáne otbasynyń qaýipsizdigin qamtamasyz etý kerek. Sonda ǵana biz tórtkúl dúnıeni tegis titirentip turǵan indetti jeńetin bolamyz.  

 Aqmola oblysy

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Uqsas jańalyqtar