Qazaqstan • 08 Shilde, 2020

Elimizde 1 mamyrdan beri ushaqpen 400 myńnan asa jolaýshy tasymaldandy

5 ret kórsetildi

Elimizde aǵymdaǵy jyldyń 1 mamyrynan bastap azamattyq avıasııa salasy óz qyzmetin kezeń-kezeńimen jandandyryp keledi, dep habarlaıdy Egemen.kz.

QR Prezıdenti janyndaǵy tótenshe jaǵdaı rejımin qamtamasyz etý jónindegi memlekettik komıssııa men koronavırýstyń taralýyna jol bermeý jónindegi vedomstvoaralyq komıssııa sheshimderi negizinde bıylǵy 1 sáýirinen 1 mamyryna deıin barlyq turaqty ishki áýe reısterin, atap aıtqanda 45 baǵyt boıynsha apta saıyn atqarylatyn 540 reıs toqtatyldy.

Sondaı-aq, 2020 jylǵy 3 aqpanynan bastap 97 baǵyt boıynsha aptasyna 440 halyqaralyq áýe reısi nemese barlyq halyqaralyq ushýlardyń 99% qysqartyldy.

Qalyptasqan jaǵdaı jolaýshylar aǵyny kórsetkishine tikeleı áser etti. Otandyq áýe kompanııalary tasymaldaǵan jolaýshylar sany bıylǵy qańtar-maýsym aılarynda 2,1 mln. adam boldy. Bul 2019 jylǵy sáıkes kezeńimen salystyrǵanda 43% tómen (3,7 mln. adam).

Búgingi tańda ishki reıster boıynsha aptasyna 45 baǵytta 497 reıs qaıta jańǵyrtyldy. Jalpy 1 mamyrdan bastap 400 myńnan astam jolaýshy tasymaldandy.

Vedomstvoaralyq komıssııanyń 2020 jylǵy 11 maýsymdaǵy sheshimine sáıkes Mınıstrlik Túrkııamen (a.j. 20 maýsymda) jáne Ońtústik Koreıamen (a.j. 22 maýsymda) halyqaralyq áýe reısterin qaıta bastaý máselesin pysyqtady. Sondaı-aq, aǵymdaǵy jyldyń 1 tamyzynan bastap Taıland pen Grýzııaǵa reısterdi qaıta ashý josparlanyp otyr.

Ushýlar Kóliktegi bas sanıtarlyq dárigerdiń qaýlysyna sáıkes sanıtarlyq qaýipsizdiktiń joǵary sharalary jaǵdaıynda oryndalady.

Túrkııa Densaýlyq saqtaý mınıstrligi qabyldaǵan koronavırýstyq ınfeksııanyń taralýyna qarsy is-qımyl jónindegi sharalary sheńberinde 2020 jylǵy 4 shildeden bastap el aýmaǵyna Qazaqstannan reısterdiń kirýin shekteý týraly sheshim qabyldady. Tek Túrkııa azamattary men jumysqa jáne Túrkııada turýǵa ruqsaty bar jolaýshylarǵa kirýge bolady. Túrkııa jaǵy epıdemıologııalyq jaǵdaı jaqsarǵan kezde bul shekteý alynyp tastalatynyn habarlady.  

QR Bas memlekettik sanıtarlyq dárigeriniń 2020 jylǵy 24 maýsymdaǵy qaýlysyna sáıkes Vengrııa, Úndistan, Germanııa, Chehııa, Malaızııa, Egıpet, Ýkraına, Polsha, О́zbekstan, Qyrǵyzstan, Tájikstan elderine turaqty reısterdi oryndaýǵa ruqsat etiledi. Osyǵan baılanysty, Mınıstrlik QR Syrtqy ister mınıstrligimen birlesip sanıtarlyq-epıdemıologııalyq talaptarǵa sáıkes atalǵan eldermen reısterdi qaıta ashý máselesin pysyqtaýda.

Áýe kóligi ınfraqurylymyn damytý baǵytynda bıyl Túrkistan qalasynda jańa halyqaralyq áýejaıdy iske qosý josparlanyp otyr. Búgingi tańda О́skemen qalasy áýejaıynyń ushý-qoný jolaǵyn jańartý jumystary bastaldy. Sondaı-aq, Shymkent qalasyndaǵy áýejaıdyń jańa termınalynyń qurylysy jáne Oral qalasy áýejaıynyń aerovokzaly keshenin jańartý jumystary jalǵasady.

Ishki týrızmdi damytý sheńberinde qarjylandyrý bólingen jaǵdaıda Úrjar jáne Úsharal qalalaryndaǵy áýejaıdyń taǵy eki úshý-qoný jolaǵy jańartylady.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Uqsas jańalyqtar