Koronavırýs • 08 Shilde, 2020

Úı jaǵdaıynda koronavırýstan qalaı emdeledi?

1458 ret kórsetildi

Dárigerler koronavırýsqa qarsy úı̆de emdelgende asa saq bolýǵa keńes berdi. Ortalyq kommýnıkasııalar qyzmetinde ótken brıfıngte dáriger Raýshan Qarabaeva koronovırýs ınfeksııasyn ambýlatorııalyq deńgeı̆de emdeýdiń durys jolyn túsindirdi, - dep habarlaıdy Egemen.kz

Dáriger, ásirese, adam ózdiginen em qabyldaǵanda saq bolý kerektigin eskertti. "Koronavırýs ınfeksııasynyń sımptomy az nemese sımptomsyz túrine shaldyqqan naýqastar úı̆de emdeledi jáne dárigerdiń baqylaýynda bolýy tıis. Mundaı̆ jaǵdaı̆da vırýsqa qarsy, antıbıotıkalyq, trombqa qarsy preparattardyń qajeti joq. Aqýyzǵa baı̆ taǵamdar men suı̆yqtyqty kóp ishýi kerek. S, D dárýmenderin tutynyp, dene qyzýy kóterilgen jaǵdaı̆da "Parasetamol", "Ibýprofen" syndy qyzý túsiretin dáriler ishken durys", dedi dáriger.

Raýshan Qarabaevanyń aı̆týynsha, S dárýmenin kóp mólsherde ishkende búı̆rek, nesep aýrýynyń kúsheı̆týi múmkin. Eger dene qyzýy 38 gradýstan assa, bas, bulshyqet aýyryp, álsizdik baı̆qalsa, jótel paı̆da bolsa, keýde tusy aýyrsa dárigerge júginip, ókpe qabynýynyń aldyn alý kerek. Ol úshin rentgen nemese kompıýterlik tomografııaǵa túsedi.

"Koronavırýs ınfeksııasyna qarsy nenizgi em – vırýsqa qarsy preparattar. KVI emdeý úshin "Lopınavır", "Gıdroksıhlorohın", "Favıpıravır" jáne "Remdesevır" syndy dáriler taǵaı̆yndalady. Alaı̆da, atalǵan dárilerdiń keri áseri baryn da eskergen durys, máselen, júrek pen baýyrǵa zııany bolýy múmkin.

Sondyqtan, sımptomy az jáne sımptomsyz naýqastarǵa bul dárilerdi ózdiginen qabyldaýdyń qajeti joq. Bul preparattardy stasıonarlyq jaǵdaı̆da qoldanylady", - dedi Raýshan Qarabaeva.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Uqsas jańalyqtar