Álem • 08 Shilde, 2020

Úndistan koronavırýs juqtyrýdan Reseıdi artta qaldyrdy

43 ret kórsetildi

Úndistan Covid-19-dy juqtyrýdan Reseıdi basyp ozyp, álemde AQSh pen Brazılııadan keıingi úshinshi orynǵa shyqty, - dep habarlaıdy Egemen.kz.

Elde 700 myńǵa jýyq adamnan vırýs tabylyp, áıgili Táj-Mahal mavzoleıin ashý jospary keıinge qaldyrylyp otyr. Eskeretin jaıt, Úndistanda koronavırýspen naýqastanyp qaıtys bolǵandar sany 20 myńǵa jaqyndap qaldy.

Dúnıejúzilik densaýlyq saqtaý uıymynyń aıtýynsha, ınfeksııaǵa qarsy dáriler synaǵynyń alǵashqy nátıjesi eki aptada belgili bolady.

AQSh-ta da ahýal múshkil. Eldiń 20 shaqty shtatynda pandemııa qaıta órship otyr. Olardyń qatarynda Florıda, Kalıfornııa, Tehas sııaqty iri shtattar bar. Tehasta  naýqastarǵa oryn jetpeı jatyr. Kalıfornııada sońǵy eki aptada vırýspen gospıtalge túskender sany 50 paıyzǵa kóbeıgen.

Sońǵy jańalyqtar

Uqsas jańalyqtar