Aqmolanyń eki boıjetken qyzy názik jandylardyń námátine kelmeıtin naǵyz aıýandyqtyń aıbatyn kórsetti. Biri 19 jasa, ekinshisi 18 jastaǵy bul eki sadıst ózderiniń bir qurbylaryn aıaýsyz uryp-soǵyp, jezókshelikpen aınalysýǵa kúshtep májbúr etken. Bul týraly «Ekspress-K» gazeti jazdy.
Sol kúni, bıylǵy jylǵy 8 naýryzda Kókshetaýdaǵy bir páterde shýly top merekeni toılap otyrady. Ústel ústindegi alys-beris, sóz qaǵys kezinde eki qyz ortalaryndaǵy úshinshi bir qurbylarymen shálkem-shalys sózge kelip qalady. Osy renishti paıdalana ketken eki qyz úshinshisin jabyla uryp, tas-talqanyn shyǵarady. Sosyn onyń telefony men áshekeılerin tyǵyp qoıady. Bulardyń qorlyǵynan qutylý úshin jábir kórgen qyz sońynda páterdegi bir jigitpen jynystyq qatynas jasasýǵa kelisim beredi. Al bul kórinisti anaý ekeýi uıaly telefondaryna túsirip alady. Artynan qutyrynǵan qyzdar zorlanǵan qurbylaryn tyr jalańash bılep, óz dáretin ishýge májbúr etedi.
Osydan keıin jańaǵy eki qyz túsirilgen sıýjetti ınternetke salyp jiberetinderin aıtyp, qyzdy taǵy arandatýǵa kóshedi. Olar qyzdy budan keıin aqshaǵa tánin satýǵa kóndiredi. Odan túsken aqshany ózderi qaǵyp alady.
Qatar júrgen qos qurbysynan osynshalyqty jábir kórgen qyz aqyrynda shydamaı, polısııaǵa keledi.
Kókshetaýdyń ıývenaldy soty qaladaǵy agrarlyq-tehnıkalyq kolledjde oqıtyn bul eki qyzdyń ústinen qozǵalǵan qylmystyq isti sońyna deıin jetkizdi. Ádildik qyzmetkerleri olardyń árbirin jalpy rejimde jazasyn óteý tártibimen 5 jylǵa sottady. Sot kúshinde qaldy.
Qurysh Nurymbet.
Bizdiń anyqtama.
Fransııada 18-19 ǵasyrlarda Donasén Alfóns Fransý́a de Sád degen aqsúıek, jazýshy jáne fılosof bolǵan adam ómir súrgen. Onyń aty tarıhta «Markız de Sad» degen ataýmen qalǵan. Ol adamgershilik jaǵynan da, din jaǵynan da, quqyqtyq tártip jaǵynan de eshbir shekteý kórmeıtin absolıýtty bostandyqty nasıhattaǵan. Onyń ómirdiń negizgi maqsaty jeke adamnyń alǵa umtylǵan talpynysyn qanaǵattandyrý dep bilgen.
Keıin nemistiń Rıhard fon Kraft-Ebıng degen seksology juptardyń birin-birin azaptaý, biriniń tánine biri aýyratyn ádister qoldaný arqyly jynystyq qatynastaryn jasaý úrdisin «sadızm» dep ataǵan. Osydan kelip, bara-bara bul termın bul maǵynasynan da keń aýqymda qoldanyla bastady. Ol adamdardyń bir-birin aıaýsyz qınap, jábir kórsetýine baılanysty aıtylatyn boldy. Biraq bulardyń birde-biriniń joǵarydaǵy fransýz aqsúıegine qatysy joq. Munda onyń tek aty ǵana qalǵan.
