Aımaqtar • 08 Shilde, 2020

Atyraýǵa 430 túrli dári-dármek jetkizildi

276 ret kórsetildi

Áleýmettik turmysy tómen topqa jatatyn turǵyndar  qoldaýdan  kende bolǵan emes.  Oblys ákimi Mahambet Dosmuhambetovtiń málimetinshe, endi olarǵa dári-dármekterdi taratý kózdelip otyr, dep habarlaıdy Egemen.kz.

Qazir óńirdegi  314 dárihananyń  223-i Atyraý qalasynda tutynýshyǵa qyzmet kórsetedi. Sońǵy aptadaǵy dári-dármek tapshylyǵy máselesin sheshý úshin "SK-Farmasııa" arqyly stasıonarlarǵa jáne medısınalyq-sanıtarııalyq alǵashqy kómek uıymdaryna birqatar medısınalyq preparattar ákelinýde.

"Jaqynda  Atyraýǵa  220 mıllıon teńgeni quraıtyn dári-dármekterdiń 430 túri shuǵyl jetkizildi. Onyń  ishinde  azıtromısın, sefazolın, seftrıakson syndy antıbıotıkter men ystyqty túsiretin dáriler men dárýmender bar. Bul preparattar partııasy oblys halqynyń suranysyn qamtamasyz etedi. Dári-dármekter qaladaǵy jáne  aýdandardaǵy  dárihanalarǵa túgel taratyldy. Apta sońynda taǵy osyndaı kólemde dári-dármekter jetkizilip, qajetti dárilerdiń belgili deńgeıde qory bolady. Sondaı-aq,  kásipkerlerdiń kómegimen alynatyn preparattardy  áleýmettik jaǵdaıy tómen toptarǵa emhanalar arqyly taratýdy   oılastyryp otyrmyz", - dedi oblys ákimi  Mahambet Dosmuhambetov.

Sońǵy jańalyqtar

Uqsas jańalyqtar