Sport • 08 Shilde, 2020

59 jastaǵy áıel adam paýerlıftıngpen aınalysady

52 ret kórsetildi

Mańǵystaý oblysynda "Shekteýsiz sport" jobasy júzege asyrylady, onyń sheńberinde erekshe qajettilikteri bar adamdarǵa arnalǵan paýerlıftıng seksııasy jumys isteıdi.

Zalǵa 70-ten astam sportshy men parasportshylar, kásipqoılar men áýesqoılar kelip sportpen aınalysady. Barlyq derlik sportshy Qazaqstanda jáne álemdik arenada paýerlıftıng jáne oryndyqta jatyp kóterý boıynsha jetistikterge qol jetkizgen.

Olardyń ishinde 59 jastaǵy Baqyt Qudaıbergenova da bar. Ony sportshylar  «Baqyt apa» dep ataıdy. Ol  aptasyna úsh-tórt kúndi jattyǵýlarǵa arnaıdy.

Baqyt balalyq shaǵynda aıaǵyn syndyryp alǵan. Qarapaıym, synyq múgedektikke aınalyp, ony uzaq ýaqyt boıy arbaǵa tańyp qoıdy. Ata-anasy balasyn aıaqqa turǵyzýǵa tyrysty, kóptegen dárigerlerdiń qaraýynda boldy, biraq barlyq áreketter sátsiz aıaqtaldy. Mektep bitirgennen keıin Baqyt emin jalǵastyrdy, aýrýhanalarǵa baryp, Elızarova apparatyn paıdalandy. Qyz bala baıaý júre bastamas buryn birneshe jyl ýaqyt ótedi.

«Ár túrli emdeý ádisterin qoldanǵannan soń, úlken qıyndyqtardyń nátıjesinde baldaqtardyń kómegimen júre bastadym. Sol kezde men múgedektigi bar adamdar sportpen aınalysa alatynyn bilip, oǵan qyzyǵýshylyq tanyta bastadym. 1992 jyly Mańǵystaýda alǵash ret paýerlıftıng federasııasy ashyldy. Men aýyr atletıka seksııasyna jazyldym, biraq sport túrimen ulymdy dúnıege alyp kelgennen keıin shyndap aınalysa bastadym», - deıdi Baqyt Qudaıbergenova.

Bizdiń keıipkerimizdiń kásibı sporttaǵy joly ońaı bolmady. Sportshy bolýdan buryn, oǵan ómirlik synaqtardan ótýge týra keldi. Baqyt apanyń múgedek bolyp qalǵany azdaı, onyń taǵdyryna ózge de qıynshylyqtar jazylǵan eken.

«Bir sátte meniń ómirim túbegeıli ózgerip shyǵa keldi. Kúıeýimnen aıyrylyp kishkentaı balamen qaldym, ákemdi joǵalttym, anam sal bolyp qaldy. Bul men úshin qıyn kezeń boldy. Biraq men sporttan jan tynyshtyǵyn taptym, ol meniń oıymdy ómirlik máselelerden alyp shyqty. Aldymen qalalyq, sodan keıin respýblıkalyq jarystarda jeńe bastaǵanymdy baıqamaı qaldym. Sol kezde múgedektigi bar sportshylar sırek kezdesetin, ásirese áıelder, sondyqtan bapkerler maǵan erekshe kóńil bóldi», - deıdi Baqyt apa.

Paýerlıftıngten basqa, áıel úshsaıys, ústel tennısi, júzý jáne basqa da sport túrlerimen aınalysty. Sońǵy jyldary Baqyt Qudaıbergenova bar kúshin aýyr atletıkaǵa shoǵyrlandyrdy, sonymen qatar toǵyzqumalaq oıynymen shuǵyldanady.

«Múgedektik - bul úkim emes. Men muny ózime degen bir syn retinde qabyldaımyn. Uzaq joldan óttim, kóptegen ataqtar men marapattarym bar. Onyń bárinde ulym maǵan qoldaý kórsetedi, biz birge jattyǵýlarǵa baramyz. Meniń jasym 60-qa taıap qaldy jáne aýyr shtangalardy kóterip, jatyqqannan rahattanamyn. Meniń oıymsha, eshteńege qaramastan sportpen aınalysý jáne salaýatty ómir saltyn ustaný óte mańyzdy», - deıdi Baqyt apa.

«Bizdiń jobamyzdyń baǵyty - deni saý sportshylar men paraportshy-paýerlıfterlerdi qoldaý, olardy halyqaralyq jáne álemdik deńgeıdegi túrli chempıonattarǵa daıyndaý, sondaı-aq Mańǵystaý oblysynyń turǵyndary arasynda buqaralyq sport pen salaýatty ómir saltyn damytý», - deıdi Ǵanı Isentemirov.

Ǵanı da parapaýerlıfter jáne sporttyń erekshe qajettilikteri bar adamdar úshin qanshalyqty mańyzdy ekenin jaqsy túsinedi.

«Múgedektigi bar adamdarǵa kómektesý ıdeıasy burynnan paıda boldy, biraq ony júzege asyrý úshin turaqty qarajat qajet, sebebi jattyqtyrýshylarǵa aqy tólep, arnaıy qural-jabdyqtar satyp alý kerek. Sondyqtan biz áleýmettik kásipkerlikpen aınalysý kerek degen oıǵa keldik. 2019 jyly «Samruk-Kazyna Trust» Áleýmettik jobalardy damytý qory júzege asyratyn «Áreket» jobasynda jeńiske jettik», - dep atap ótti Ǵanı.

Grant qarajatynan basqa federasııa ókilderi bilim alý múmkindigine ıe boldy. Olar úshin áleýmettik kásipkerlik boıynsha oqytý baǵdarlamasy uıymdastyryldy. «Áreket» jobasynda oqý úderisi úzdiksiz, jobany júzege asyrý ýaqytynda onyń qatysýshylary vorkshoptar men vebınarlar arqyly jańa bilim men daǵdylardy alady.

«Deni saý sportshylar bizdiń zalǵa aqyly negizde barady. Bul múgedektigi bar adamdarǵa tegin aınalysýǵa múmkindik beredi. Biz kóbirek múmkindigi shekteýli jastardy óz densaýlyqtaryn túzep, qoǵamǵa beıimdelýge kómektesý úshin tartamyz», - deıdi Ǵanı.

Pandemııaǵa baılanysty zal ýaqytsha jumysyn toqtatty, biraq onyń kelýshileri óz jattyǵýlaryn jalǵastyrý úshin qaıta ashylýyn asyǵa kútedi.

Sońǵy jańalyqtar

Túrkistan – jigerli jeńimpazdar mekeni

Aımaqtar • Búgin, 17:17

Aqyn esimi jazylǵan brasletterdi taratty

Aımaqtar • Búgin, 15:33

Memlekettik BAQ portaly iske qosyldy

Qazaqstan • Búgin, 15:08

Ulylyqty ulyqtaýdyń ustanymy

Abaı • Búgin, 11:13

Qaraquıryq atqan brakoner ustaldy

Aımaqtar • Búgin, 10:10

Máńgilik mura taǵylymy

Abaı • Búgin, 10:01

Indetten jazylǵandar sany 73 702-ge jetti

Koronavırýs • Búgin, 09:25

Uqsas jańalyqtar