Aımaqtar • 08 Shilde, 2020

Almaty oblysynda qosymsha 100 jedel járdem kóligi satyp alynady

14 ret kórsetildi

Oblysta 165 jedel járdem brıgadasy jumys isteıdi. Bıylǵy jyldyń 6 aıynda olar 300 myńnan astam shaqyrýǵa qyzmet kórsetken. 2019 jyldyń sáıkes merzimimen salystyrǵanda shaqyrýlar sany 2 esege ósken. Bul jaıly búgin oblys ákiminiń orynbasary atyrjan Baıjumanov brıfıng barysynda aıtty, dep habarlaıdy Egemen.kz Almaty oblysy ákiminiń baspasóz qyzmetine silteme jasap.

Spıkerdiń aıtýynsha, jalpy oblys boıynsha jedel medısınalyq kómek brıgadasy kúnine 3 myńǵa deıin shaqyrtýǵa barady. Qazir jedel járdem qyzmetkerleriniń júktemesi aýyr bolyp otyr, sondyqtan oblys ákimi brıgada sanyn arttyrý týraly sheshim qabyldady. Mysaly, jyl sońyna deıin qosymsha 100 jedel járdem kóligin jetkizý kútilýde. Onyń 70-i lızıngimen, 30-y jergilikti bıýdjetten satyp alynýda. Atalǵan kólikter kelesi aıdan bastap jetkizile bastaıdy.

Sol sııaqty medısınalyq jedel járdem kólikterin jabdyqtaý úshin respýblıkalyq bıýdjet esebinen ókpeni jasandy jeldetý portatıvti apparatynyń 57 birligi jetkizildi.

Sońǵy jańalyqtar

Uqsas jańalyqtar