Aımaqtar • 08 Shilde, 2020

Almatydaǵy "Medservıs Plıýs" kompanııasy dárilerdi jedel jetkizý áreketin júrgizip otyr

33 ret kórsetildi

Almatydaǵy "Medservıs Plıýs" KFK JShS farmasevtik kompanııasynyń atqarýshy dırektory Svetlana Volchenko medpreparattar men zattardy jetkizýdiń jáne ótkizýdiń qazirgi jaǵdaıyna baılanysty aqparattarmen bólisti, dep habarlaıdy Egemen.kz

"Medservıs kompanııasy búgin júgi bar kólikterdi qabyldady, olarǵa 220 myń aspırın, 140 myń parasetamol (balalar mólsheri 0.2), 90 myń askorbınka men glıýkoza, 110 myń seftrıakson tıelgen. Bul – jalpyqazaqstandyq sıfr. Atalǵan dári-dármekterdiń 40%-y Almatyda qalady", - dedi Svetlana Volchenko.

Onyń aıtýynsha, Almaty qalasynyń ákimdigi naryqqa dári-dármekterdi dereý jetkizý úshin prosedýralardy jedeldetýde.

"О́nim tez jetkizilýde, úlkenderge arnalǵan 240 myń parasetamoldy qosymsha kútýdemiz", - dedi ol.

Svetlana Volchenko qala dárihanalaryna dári-dármekterdi jetkizý prosesin de aıtyp berdi.

"Prosess onlaın rejımde júredi. Barlyq dárihanalar ótinishterin elektrondy alańda beredi, barlyq tapsyrystar tańǵy 9-ǵa deıin oryndalady, al qalǵandary kelesi kúni iske asady. Múmkindiginshe dáriler dál sol kúni jetkiziledi. Bir kúnde 800-900 ótinish oryndalady. Mysaly, ótken aptada tún ishinde Almatyǵa 100 myń parasetamol jetkizý jóninde ótinish berildi, ertesinde tapsyrys tolyq jetkizildi", - dedi Svetlana Volchenko.

Ol óz sózinde Almaty qalasynyń ákimi Baqytjan Saǵyntaevtyń tapsyrmasy boıynsha jarty jyl boıyna aı saıyn 500 myń parasetamol jetkizýdi qamtamasyz etý jónindegi máseleniń talqylanyp jatqanyn atady. Seriktes zaýyttyń bir aı ishinde 1 mln qaptamany shyǵara almaıtynyn aıtty jáne "Medservıs Plıýs" JShS úlken mólsherde parasetamol jetkizetin zaýyttardy izdestirip jatqanyn jetkizdi.

Eske sala ketý kerek, búgin Almaty qalasynyń ákimi Baqytjan Saǵyntaev farmındýstrııa ókilderimen dári-dármekter men medısınalyq zattardy úzilissiz jetkizýdi qamtamasyz etý týraly selektorlyq keńes ótkizgen bolatyn. Qala ákimi tıisti qyzmetterge medısınalyq preparattar men zattardyń  esh kedergisiz ótýin qamtamasyz etýdi tapsyrdy. Qajet bolsa salyqtyq jáne kedendik ákimgerlikti, sonymen qatar sheteldik taýar sertıfıkattaryn alýdy jedeldetý qajettigin qadap turyp aıtty.

Sońǵy jańalyqtar

Uqsas jańalyqtar