Koronavırýs • 08 Shilde, 2020

Atyraýda 6 156 adam koronavırýs juqtyrdy

640 ret kórsetildi

Sońǵy kúnderi óńirde qaýipti indetti juqtyrýshylar qatary kúrt ósti. Oblys ákimi Mahambet Dosmuhambetovtiń málimetinshe, 27 naýryz - 7 shilde aralyǵynda sımptomsyz naýqastardy qosa eseptegende koronavırýs ınfeksııasyna shaldyqqandar sany 6 156 adamǵa jetti.

Naýqastar Jylyoı aýdanynan kóp anyqtalyp otyr. Bul aýdannan 2822 adam indetke shaldyǵypty. Onyń ishinde 2 063 jaǵdaı Teńiz kenishindegi kásiporyndardyń  jumysshylarynan  rastalypty.

"Koronavırýs ınfeksııasyn juqtyrǵandardyń kóbi – 20 men 60 jas aralyǵyndaǵy azamattar.  Onyń ishinde 3 373 jaǵdaı skrınıng kezinde anyqtaldy. Al,  1 902 naýqas qaýipti indetke shaldyqqandarmen jaqyn qarym-qatynasta bolǵandar. Qalǵandarynan  medısınalyq kómekke júginý kezinde   belgili bolyp otyr. Qazirgi ýaqytta aýdandyq jáne aýyldyq jerlerde toı-tomalaq pen janazaǵa jınalǵandar da vırýstyń taralýyna áserin tıgizdi", - dedi oblys ákimi Mahambet Dosmuhambetov tikeleı efırde ótken brıfıngte.

Qazir oblysta koronavırýs juqtyrǵan  6 156 naýqastyń arasynan 1 476 pasıent ǵana saýyǵyp  shyqty.

 

Sońǵy jańalyqtar

Uqsas jańalyqtar