Aımaqtar • 08 Shilde, 2020

Almatydaǵy "GaýharTas" dárihanalar jelisi dárihanalarda sońǵy kúnderi kezek azaıǵanyna sendirgisi keldi

33 ret kórsetildi

– Sońǵy kúnderi Almaty qalasynyń aýmaǵyndaǵy dárihanalarǵa kezek baıqalmaıdy, – deıdi Almatydaǵy "GaýharTas" dárihanalar jelisiniń dırektory Gaýhar Isabekova.

Dál osy sátterde Almatyda qala ákimi Baqytjan Saǵyntaevtyń tapsyrmasymen dári-dárimekpen qamtamasyz etýde óndirýshi zaýyttarmen, jetkizýshilermen jáne dárihanalarmen birlesip kúsheıtilgen sharalar qabyldanýda.

"GaýharTas" dárihanalar jelisiniń dırektory Gaýhar Isabekovanyń aıtýynsha, dárihanalarda buǵan deıin shynymen de kezekter bolǵanyn habarlady, degenmen jaǵdaı turaqtalǵan.

"Sońǵy 1-2 kúnnen beri úlken kezekter joq. Áleýmettik qashyqtyq ta saqtalýda, qalada aýa raıy jyly bolǵannan keıin, qaýipsizdik maqsatynda dárihanaǵa 1 adamnan ǵana kirgizý sheshimi qabyldandy", – deıdi ol.

Sonymen birge, dárilik quraldar men preparattardy jetkizý máselesi de atap ótildi. Atalǵan jumys ákimdikpen birlesip jasalǵan.

"Koronavırýs pandemııasyn eskere otyryp, halyq arasynda suranysqa ıe dárilik preparattar fırmaǵa kelip jatyr. Máselen, Almaty qalasynyń ákimdigimen jasalǵan qosymsha kelisim boıynsha keshe parasetamol aldyq. Buǵan deıin 3 kún buryn jetkizilip edi", – dep habarlady Gaýhar Isabekova. 

Soǵan qaramastan, dárihanalarda parasetamoldy bir qolǵa 2 danadan beredi. Bul bir jerde atalǵan dárimen shamamen 250 adamdy qamtamasyz etýge múmkindik beredi.

Aldaǵy ýaqytta parasetamoldy jetkizý kólemin ulǵaıtý kútilýde.

Sońǵy jańalyqtar

Uqsas jańalyqtar