Rýhanııat • 08 Shilde, 2020

Qostanaıda "Kitaphanashylarǵa arnalǵan medıasaýattylyq" trenıngi ótip jatyr

200 ret kórsetildi

L. Tolstoı at. Qostanaı oblystyq ámbebap ǵylymı kitaphanasy 8-10 shilde aralyǵynda Aqmola, Aqtóbe, Qostanaı, Soltústik Qazaqstan oblystarynyń kitaphanashylaryna medıasaýattylyq boıynsha onlaın trenıng ótkizedi, dep habarlaıdy Egemen.kz.

Qatysýshylar Ýkraına men Qazaqstannyń tájirıbeli jattyqtyrýshylary: Hmelnıskıı ortalyqtandyrylǵan kitaphana júıesiniń dırektory, «Kitaphanashylarǵa arnalǵan medıasaýattylyq» quralynyń avtory Tamara Kozıska, belgili medıajattyqtyrýshy Meıramhan Japek jáne L. Tolstoı at. Qostanaı oblystyq ámbebap ǵylymı kitaphanasynyń dırektory Darıha Dúısebaeva.

Trenıng qatysýshylary medıabilim berý jáne medıasaýattylyq úlgilerimen tanysady:

• Medıasaýattylyq kúndelikti ómirge qajetti daǵdy;
• Jańalyqty saralaı bilý. Aqparatty jetkizýdiń standarttary. Aqparattyń týralyǵyn qalaı tekserýge bolady. Aqparat kózderiniń jiktelýi;
• Aqparattyq soǵys: nasıhattan qalaı qutylýǵa bolady nemese halyq nege ońaı aldanyp qalady;
• Synı turǵydan oılaýdyń tehnologııalary men ádisteri.

Tórt oblystyń kitaphanashylary atsalysyp jatqan onlaın trenıngtiń alǵashqy kúnin Qostanı oblystyq mádenıet basqarmasynyń basshysy Erlan Qalmaqov ashyp, sóz sóıledi. Trenıng qazaq jáne orys tilderinde ótýde.

Joba Halyqaralyq damý jónindegi AQSh Agenttiginiń (#USAID) qoldaýymen #MediaCAMP Ortalyq Azııa baǵdarlamasy aıasynda júzege asyrylýda.

Sońǵy jańalyqtar

Uqsas jańalyqtar