Prezıdent • 08 Shilde, 2020

Densaýlyq saqtaý júıesi indetke toıtarys berýge daıyn bolǵan joq - Toqaev

97 ret kórsetildi

Bul týraly respýblıkalyq telearnalar arqyly elimizde qalyptasqan ahýalǵa baılanysty úndeý jasaǵan QR Prezıdenti Qasym-Jomart Toqaev aıtty.

"Barlyq azamattardy taǵy da karantın erejelerin qatań saqtaýǵa shaqyramyn. Indetpen kúrestiń nátıjeli bolýy, eń aldymen, barsha jurttyń sanaly áreketi men jaýapkershiligine baılanysty.

Bul  – óte qaýipti, batpandap kirip, mysqaldap shyǵatyn dert.

Koronavırýstyń taralýyna baılanysty densaýlyq saqtaý júıesine kóp aýyrtpalyq túsýde.

Ashyǵyn aıtý kerek, densaýlyq saqtaý júıesi indetke toıtarys berýge daıyn bolǵan joq. Osy másele boıynsha biz tergeý júrgizemiz jáne bul jaǵdaıdan sabaq alamyz. Ákimderdiń jibergen qatelikterine tıisti baǵa beremiz.

Degenmen, memleket tarapynan barlyq qajetti sharalar qabyldanýda.

Qabyldanǵan sharalar men medısına qyzmetkerleriniń erliginiń arqasynda emdelip shyǵyp jatqan azamattardyń sany edáýir kóbeıdi.

Kóptegen elderdegi jaǵdaı bizden de qıyn.

Degenmen, «Ár qazaq – meniń jalǵyzym» degendeı, Ár azamatymyzdyń qazasy meniń júregime qatty batady. Mynaý alapat indet aramyzdan talaı asyldarymyzdy julyp áketýde.

Búginde qara jamylyp otyrǵan azamattardyń qaıǵylaryna ortaqtasyp, kóńil aıtamyn. 

Sol úshin 13 shildeni – Ulttyq aza tutý kúni dep jarııalaımyn.

Biraq, bizdiń kúresimiz jalǵasa beredi", dedi Prezıdent.

Bul indetti adamzat jýyq arada jeńe qoımas.

Alaıda, ýaıym men qaıǵyǵa batyp, túrli qaýesetterge senip, eńsemizdi túsirýge taǵy da bolmaıdy.

Salmaqty, sabyrly bolaıyq!

Sońǵy jańalyqtar

Uqsas jańalyqtar