"Memleket jaǵdaıdy turaqtandyrý úshin barlyq sharany qabyldap jatyr. Alǵashqy medısınalyq kómek qyzmetteri kúsheıtilýde. Úıde halyqqa keshendi medısınalyq qyzmetterdi kórsetý úshin 400 ámbebap mobıldi brıgada quryldy. Shilde aıynyń sońyna deıin olardyń sany 3,5 myńǵa deıin jetkiziledi", - dedi Qasym-Jomart Toqaev.
Sondaı-aq Memleket basshysy naýqastarǵa arnalǵan tósek-oryn sanynyń kóbeıgenin aıtty.
"Men nusqaý bergen sátten bastap koronavırýspen aýyratyn naýqastarǵa arnalǵan tósek-oryn sany 70%-ǵa artyp, 43 myńǵa deıin jetkizildi. Bul jumysqa áskerı dárigerlerler de belsendi aralasyp jatyr. Qarýly kúshterdiń resýrstarynyń arqasynda 500-den astam tósek ornalastyryldy. Erekshe taralý oshaqtary ornynda dalalyq aýrýhanalar jasaqtalýda", dedi Prezıdent.
