Aımaqtar • 09 Shilde, 2020

Loýkoster quny qaltany qaqpaıdy

20 ret kórsetildi

О́tken jyldyń mamyr aıynda Qazaqstan men Ortalyq Azııa aýmaǵyndaǵy alǵashqy loýkoster – "FlyArystan" áýekompanııasy óz qyzmetin bastaǵan bolatyn. Sodan soń el óńirleri arasynda atalmysh kompanııanyń bas dırektory men Aqtóbe oblysynyń ákimi arasynda jasalǵan ózara kelisim-shartqa sáıkes loýkoster ushaǵy Aqtóbe men Nur-Sultan qalalarynyń arasyna qatynaı bastady, - dep jazady Egemen.kz

Bul áýe kemesi azamattarǵa ushaq qyzmetin qoljetimdi baǵamen paıdalanýǵa múmkindik beredi. О́ıtkeni bılet quny qaltany qaqpaıdy. Ári kózdegen jerge tez jetýge de yńǵaıly. Mundaǵy qatynas qujaty keıbir baǵyttarǵa júretin poıyz pulynan da arzan ekenin aıta ketken jón. Máselen loýkoster "FlyArystan" áýekompanııasynyń eń arzan bıleti 3999 tengeden bastalypty.

Búgingi kúni aqtóbelikter loýkosterge erterek bılet satyp alý arqyly Shymkentke nebári 8999 tengege ushyp bara alady. Al aldaǵy kúnderden bastap Aqtóbeden Atyraýǵa 4999 tengege bılet alyp jetýge jol ashylyp otyr. Osy arqyly elimizdiń batys óńirindegi iri kólik logıstıkalyq ortalyǵynda el óńirleri arasyndaǵy ushaq baılanystaryn qalyptastyrý isinde ilgeri de ilkimdi qadam jasaldy. Atalmysh kompanııanyń "Tıimdi", "Ikemdi" jáne "Standart plıýs" syndy birneshe tarıfteri bar. Onyń erejeleri de ártúrli. Eń basty shart arzan bılet alǵyńyz kelse erterek qamdanǵanyńyz jón. О́ıtkeni bıletter satylymy birneshe aı buryn ashylady dep málimdeıdi kompanııa mamandary.

Búgingi kúni bıýdjettik áýe tasymaldaýshy parkinde alty "Airbus A320" ushaǵy bar eken. Aldaǵy ýaqytta onyń sanyn budan ári kóterý kózdelgen. Sondaı-aq "Eır Astana" ulttyq kompanııasynyń quramdas bóligi -"FlyArystan" elimizdegi eń jas reaktıvti flot ekeni de ilkimdiliktiń bir kórinisi ispettes. Onyń salony nemis kompanııasynyń oryndyqtarymen jabdyqtalǵan.    Atalǵan ushaqtyń tehnıkalyq qaýipsizdigin bas kompanııa -"Eır Astana" júrgizedi. Osy arqyly joǵary standarttarǵa sáıkes jumys isteýge qajetti jaǵdaılar týǵyzylǵan.

 

AQTО́BE

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar