Keshe Taılandta iri jol apaty boldy. Bul týraly ITAR-TASS habarlady.
Apattan jaraqat alǵan Reseıdiń 28 azamaty Kanchanabýrı provınsııasyndaǵy aýrýhanaǵa jetkizildi. Onyń ishinde alty adam jan saqtaý bólimine jatqyzyldy.
«Qazir Reseıdiń eki azamatshasy komada jatyr. Keshe Taıland dárigerleri úsh ota jasady. Búginge de birneshe ota josparlanǵan», – deıdi ondaǵy Reseı konsýldyǵynyń meńgerýshisi Andreı Dvornıkov.
Jol apaty juma kúni Kanchanabýrı provınsııasynda oryn aldy. Saıahatshylardy Pattaııa qalasynan Kvaı ózenine tasymaldap bara jatqan avtobýs aýdarylyp túsken. Ol kezde kólik ishinde 42 jolaýshy bolǵan. «Pegas-týrıstık» kompanııasyna tıesili bul avtobýstyń júrgizýshisi saıǵa túsip bara jatqanda róldi baǵyndyra almaı qalǵanyn aıtady. Polısııa tergeý amaldarynan keıin júrgizýshiniń apat kezinde saý bolǵanyn málimdedi.
Aıdar О́risbaev.
