Qazaqstan • 09 Shilde, 2020

Qazaqstanǵa bıohımııalyq qarýdyń shashylǵany ras pa?

3321 ret kórsetildi

Ishki ister mınıstri Erlan Turǵymbaev “bıohımııalyq qarýdy shashyratý” týraly jalǵan habarlamalardy joqqa shyǵardy. Internet jelisinde jalǵan aqparatty taratýǵa qatysty málimdeme jasady, – dep habarlaıdy Polisia.kz.

"Quqyqqa qarsy áreketterdi anyqtaý maqsatynda ishki ister organdary júrgizgen áleýmettik jelilerdiń kún saıynǵy monıtorıngi sońǵy ýaqytta jalǵan aqparattyń taralýy jıilep ketkenin kórsetti. Basqa memlekettik organdarmen birlesip árbir osyndaı habarlamany biz tekseremiz.

Búgingi tańda eldegi epıdemıologııalyq jaǵdaıdyń ózekti taqyrybyn jeke tulǵalar aýdıtorııanyń nazaryn aýdarý úshin paıdalanady, bul rette aqparattyń tekserilmegenin elemeı, onyń ishinde sheteldik tegi barlar da habarlamalardy taratýda. Eń tanymal taratylymdardyń arasynda – “vırýs eldi mekenge ushaqtar men tikushaqtardyń kómegimen shashyratqan “, “Qazaqstanǵa bıohımııalyq qarý shashyratqan” jáne t.b. aýdıohabarlamalar bar. “Facebook” jáne “Instagram” áleýmettik jelilerindegi keıbir paıdalanýshylar kelesi mazmundy jarııalady: “Búgingi aýrýdyń órshýi bıologııalyq qarý-jaraqpen hımııalyq shabýyldan oryn alýy múmkin”…

Bul habarlamalardyń barlyǵy rastalmaǵan jáne ótirik bolyp tabylady jáne qoǵamdy turaqsyzdandyrýǵa áreket retinde baǵalanady. Osy jáne basqa da uqsas faktiler boıynsha IIM Tergeý departamenti QR Qylmystyq kodeksiniń 274-baby “Bile tura jalǵan aqparat taratý” boıynsha sotqa deıingi tergeýdi bastady, onyń sanksııasy aıyppul, túzeý jumystary, jeti jylǵa deıingi merzimge bas bostandyǵyn shekteý nemese aıyrý túrindegi jazany kózdeıdi.   

Men azamattardy memlekettik organdardyń resmı derekterine ǵana senýge, arandatýlarǵa ushyramaýǵa jáne jalǵan aqparatty taratpaýǵa shaqyramyn", dep atap ótti mınıstr Erlan Turǵymbaev.

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar