Qazaqstan • 09 Shilde, 2020

Amandyqqa eshteńe jetpeıdi – Nurtóre Júsip

63 ret kórsetildi

"Búgin Qazaqstan Respýblıkasynyń Prezıdenti Qasym-Jomart Toqaev  halyqqa televızııalyq úndeý jasady. Memleket basshysy qazir álemdegi pandemııaǵa baılanysty qalyptasqan jaǵdaıdyń óte kúrdeli ekendigin atap ótti", dep Senat depýtaty Nurtóre Júsip pikir bildirdi, - dep habarlaıdy Egemen.kz

"Álem boıynsha jáne Qazaqstanda koronavırýstyń taralýy báseńdemeı otyr. Keıbir elderde bul indet qaıtadan ýshyǵyp bara jatyr. Prezıdent «Álem boıynsha osy vırýsty juqtyrǵandardyń sany shamamen 12 mıllıonǵa jetti, sonyń saldarynan 500 myńnan astam adam qaıtys boldy. Sol sebepti, birqatar elderde  karantın tártibi qaıta kúsheıtilip, áýe, kólik qatynasy qaıtadan shekteldi. О́kinishke qaraı, bizdiń eldegi jaǵdaı da ońaı bolyp turǵan joq. Memlekettik komıssııanyń sheshimimen 5 shildeden bastap elimizde eki aptalyq merzimge karantın sharalary engizildi. Bul asa qajetti sheshim boldy. Jaǵdaıdyń turaqtalatyny sózsiz. Onyń alǵashqy belgileri de bar. Sondyqtan, aldaǵy eki apta bizdiń bolashaq qadamdarymyz úshin sheshýshi kezeń bolmaq. Barlyq azamattardy taǵy da karantın erejelerin qatań saqtaýǵa shaqyramyn. Indetpen kúrestiń nátıjeli bolýy, eń aldymen, barsha jurttyń sanaly áreketi men jaýapkershiligine baılanysty», - dep atap ótti.

Bizdiń elimizdegi jaǵdaı qatty alańdatarlyq, tipti SOS dabylyn qaǵatyn deńgeıge jetti.Kún saıyn áleýmettik jelide qaıtys bolǵan azamattar týraly qazanama kóbeıdi. Qaıǵy arqalaǵan áýletter qatary artyp barady. Et jaqyn týystarynan aırylǵan otbasylarǵa kóńil aıtamyz.

Prezıdent  «densaýlyq saqtaý júıesi indetke toıtarys berýge daıyn bolǵan joq. Osy másele boıynsha biz tergeý júrgizemiz jáne bul jaǵdaıdan sabaq alamyz. Ákimderdiń jibergen qatelikterine tıisti baǵa beremiz», - dep máseleni ashyq aıtty.

Memleket basshysy pandemııamen kúresýge 150 mlrd teńgeden astam qarjy bólingenin aıtty. Memleket tarapynan barlyq qajetti sharalar qabyldanyp jatqany belgili. Alaıda, bólingen qarajat qanshalyqty tıimdi jumsalyp jatyr? Halyq dárihanadan qarapaıym parasetomoldyń ózin tappaı qınalyp qaldy. Bul turǵyda qatań tekseris jasalýy kerek.

Halyqtyń densaýlyǵy – basty baılyq.

Memleket basshysy  "Ár qazaq – meniń jalǵyzym» degendeı, ár azamatymyzdyń qazasy meniń júregime qatty batady. Mynaý alapat indet aramyzdan talaı asyldarymyzdy julyp áketýde. Búginde qara jamylyp otyrǵan azamattardyń qaıǵylaryna ortaqtasyp, kóńil aıtamyn.  Sol úshin 13 shildeni – Ulttyq aza tutý kúni dep jarııalaımyn", - dedi.

Ádiletti sheshim. Beıbit zamanda el-jurt qynadaı qyrylyp, qaıǵydan qan jutyp jatyr. Álemdik deńgeıde indet keń tarap otyr. Bizdiń elimizdegi jaǵdaıdyń qandaı ekenin bárińiz kórip bilip otyrsyzdar.

Endigi kezekte bala-shaǵamyz ben óz densaýlyǵymyz úshin  jaýapkershilik alatyn ýaqyt jetti. "Indet joq" degen sózge senýge bolmaıdy. Onyń qanshalyqty qaýipti ekenin jan-tánimizben sezinip jatyrmyz.

Qazir azamattar ózimen ózi qaldy. Qıyndyqtarmen betpe-bet ushyrasyp, árkim óz bilgen áreketimen jan saqtaýǵa umtylyp jatyr. Osy rette Prezıdenttiń «Dárigerlerimiz buqaralyq aqparat quraldary arqyly azamattarǵa naqty, birizdi málimet berýi kerek. Dertti emdeýdiń neshe túrli joldaryn kórsetip, adamdardyń densaýlyǵyna qaýip tóndirýge bolmaıdy. Bundaı áreketterge tosqaýyl qoıý kerek. Qylmystyq kodekstiń 174-babyna sáıkes jalǵan aqparat taratqan adam jaýapqa tartylady. Quqyq qorǵaý organdary el ishindegi osyndaı jónsizdikke qatysty qatań sharalar qoldanatyn bolady. Sol sııaqty dári-dármektiń baǵasyn birneshe ese ósirip, qalyptasqan jaǵdaıdy óz maqsatyna paıdalanǵysy kelgen alypsatarlardy da quqyq qorǵaý organdary meniń tapsyrmama sáıkes jaýapqa tarta bastady. Qazir memlekettik organdar eldi mekenderdi qajetti dári dármekpen tolyq qamtamasyz etýde. Osyǵan oraı, tıisti qor jasaqtalǵan. Tósek oryndary da, medısınalyq qyzmet kórsetý isi de  tolyǵymen qamtamasyz etiledi» degen sózderi dátke qýat bergendeı.

Dárihanalardy qajetti dári-dermektermen qamtamasyz etý máselesi qatań qadaǵalaýda bolýy tıis. Alypsatarlar men alaıaqtardyń jolyn kesý qajet. Qazaqstannyń quqyq qorǵaý organdary bul máselemen jedel túrde aınalyspasa jaǵdaı ýshyǵyp ketýi múmkin.

Memleket basshysy Qasym-Jomart Toqaev Qazaqstan halqyna arnap jasaǵan Úndeýinde birqatar naqty  tapsyrmalar berdi. Munyń bári eń aldymen halyqty asa qaýipti indetten aman saqtap qalý úshin jasalyp jatyr. Sondyqtan, osynaý syn saǵatta bárimizge tastaı jumylyp, alapat indetke qarsy birigip kúresýden basqa amal joq.

Ár shańyraq aman bolsyn!

Ár áýlet qara jamylmasyn!

Amandyqqa eshteńe jetpeıdi!", dedi Senat depýtaty Nurtóre Júsip.

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar