Oqıǵa • 09 Shilde, 2020

Oqıǵa ornynan qashyp ketken júrgizýshi quryqtaldy

30 ret kórsetildi

Túrkistan oblysynda polıseıler velosıpedti soǵyp, jol-apatyn jasap, oqıǵa ornynan qashyp ketken júrgizýshini ustady. Bul týraly Polisia.kz-ke silteme jasaı otyryp Egemen.kz habarlaıdy.

Jetisaı APB-niń kezekshi bólimine ortalyq aýrýhanaǵa jol-kólik oqıǵasy saldarynan dene jaraqatymen segiz jastaǵy jasóspirimniń túskendigi týraly habarlama keldi. Oqıǵa ornyna shuǵyl jetken polısııa qyzmetkerleri tas jol boıynda óziniń baǵytymen kele jatqan velosıpedti belgisiz Lada avtokóligi soǵyp, jol-apatyn jasaǵanyn anyqtady.

Al, kináli júrgizýshi sodan keıin jol-kólik oqıǵasy ornynan qashyp ketken. Oqıǵa saldarynan velosıped aıdap kele jatqan jasóspirim basynan jaraqat alyp, ortalyq aýdandyq aýrýhanaǵa jetkizilip, medısınalyq kómek kórsetilgen. Jol-kólik oqıǵasyna qatysy bar jasyrynǵan júrgizýshini ustaý maqsatynda Jetisaı aýdandyq polısııa bólimi qyzmetkerlerimen jedel-izdestirý is-sharalar kesheni júrgizildi.

Eki saǵat ishinde tártip saqshylary kúdiktini óziniń úı jaǵynan qolǵa túsirdi, ol jergilikti turǵyn bolyp shyqty. Tekserý barysynda kúdikti kólik quralyn basqarýǵa qujaty joq ekendigi, ulynyń kóligin mas halde basqarǵandyǵy anyqtaldy.

Saraptama qorytyndysyna sáıkes "orta dárejeli" mas kúıde ekendigi belgili boldy. Kúdikti qamaýǵa alyndy. Atalǵan jaıt Jetisaı aýdandyq polısııa bóliminde QR QK-niń 345-1-baby "Alkogoldik, esirtkilik jáne(nemese) ýytqumarlyq masań kúıde kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy" jáne 347-baby "Jol-kólik oqıǵasy bolǵan jerden ketip qalý" boıynsha tirkeldi.

​​Túrkistan oblysynyń polıseıleri, jol qozǵalysyna qatysýshylarǵa jolda abaı bolýǵa jáne jol qaýipsizdigi erejesin buzbaýǵa, jyldamdyqty asyrmaýǵa, qashyqtyqty saqtaýǵa, eń bastysy mas halde kólik basqarmaýǵa, al jol-kólik oqıǵasy bolǵan jaǵdaıda oqıǵa ornynan ketpeýge keńes beredi.

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar