09 Shilde, 2020

Qazaqstandyqtarǵa tikeleı efır arqyly medısınalyq keńes beriledi

73 ret kórsetildi

Aýrýdyń emine qatysty jelide jalǵan habar jeldeı esken tusta dárigerdiń durys keńesin endi teledıdar arqyly ala alasyz. Aq halattylarǵa tikeleı efırde suraq qoıyp, aýrýdan ada júrýdiń jolyn bilýge bolady, - dep jazady Egemen.kz

"Qazaqstan" Ulttyq telearnasy 9 shildeden bastap tikeleı efırde "Teledáriger" jobasyn bastaıdy. Elimizdiń bilikti dárigerleri bes kún boıy tikeleı efır arqyly kórermendermen baılanysqa shyǵyp, álemdi jaýlaǵan koronavırýspen kúresýdiń joldaryn túsindiredi.

Baǵdarlama barysynda kez kelgen adamnyń stýdııadaǵy +7 (7172) 75-71-71 nómirine qońyraý shalyp, suraǵyna jaýap alýǵa múmkindigi bar. Sondaı-aq el turǵyndary +7 775 9073163, +7 775 9073159 WhatsApp nómirlerine aldyn ala beınesaýal joldap, tikeleı efır ýaqytynda tıisti mamannyń keńesin ala alady. Odan bólek, dárigerlerge Skype-baılanys arqyly saýal qoıý múmkindigi qarastyrylǵan.

"Teledáriger" qazir eń qajetti joba ekeni anyq. Jan-jaqtan túsip jatqan aqparat aǵyny óte joǵary, biraq aq-qarasyn saralap jatqandar az. Baǵdarlama suraq-jaýap formatynda uıymdastyrylyp, stýdııaǵa kelgen mamandar bir saǵat boıy tek kórermen tarapynan kelip túsken saýaldarǵa jaýap beredi. Iаǵnı, stýdııa qonaǵy tek dárigerler. Tikeleı efırde telefon jelisi, WhatsApp messendjeri, Skype sııaqty keri baılanys ornatýdyń birneshe platformasy qarastyrylǵan.

"Ázirge baǵdarlama uzaqtyǵy 1 saǵatqa josparlanǵan, aldaǵy ýaqytta efır ýaqytyn uzartatyn bolamyz", - deıdi "Qazaqstan" RTRK" AQ Basqarma tóraıymynyń orynbasary Ilham Ibragım.

Jobanyń negizgi maqsaty – el turǵyndaryna, ásirese shalǵaı aýyl-aımaqtaǵy kórermenge qazirgi kúrdeli ahýalǵa baılanysty kúndelikti medısınalyq keńes berý. Dárigerler tikeleı efır barysynda COVID-19 vırýsy men ózge de aýrýlardan saqtaný men aldyn alý sharalary, emdeý tásilderi týraly nusqaýlyq beredi.

Baǵdarlama dúısenbi-juma kúnderi 12:00-de tikeleı efırde shyǵady. Joba teleefırden bólek, qazaqstan.tv saıty men Ulttyq arnanyń Facebook, You Tube jelilerindegi paraqshalarynan tikeleı translıasııalanady.

Sońǵy jańalyqtar

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar